សម្តេច ម៉ែន សំអន គោរពជូនពរ សម្តេចអគ្គមហាពញាចក្រី ហេង សំរិន មានជន្មាយុយឺនយូរ

សម្តេច​កិត្តិ​សង្គហ​បណ្ឌិត ម៉ែន សំអន ប្រធាន​ក្រុមប្រឹក្សា​ជាតិ​រណសិរ្ស​សាមគ្គី​អភិវឌ្ឍន៍​មាតុភូមិ​កម្ពុជា បាន​សម្តែង​នូវ​ការគោរព​ជូនពរ​ សម្តេច​អគ្គ​មហា​ពញា​ចក្រី ហេង សំរិន ឲ្យ​មាន​ជន្មាយុ​យឺនយូរ​ ដើម្បី​រួមគ្នា​បន្ត​ដឹកនាំ​នាវា​កម្ពុជា​ឆ្ពោះទៅរក​ភាពរុងរឿង​ក្រោម​ម្លប់​សន្តិភាព​តរៀង​ទៅ។

សម្តេច​កិត្តិ​សង្គហ​បណ្ឌិត ម៉ែន សំអន សម្តែង​ការគោរព​ជូន​នេះ​ នា​ឱកាស​អញ្ជើញ​ដឹកនាំ​ប្រតិភូ ជូនពរ សម្តេច​អគ្គ​មហា​ពញា​ចក្រី ហេង សំរិន ប្រធាន​កិត្តិយស​ក្រុមប្រឹក្សា​ជាតិ​រណសិរ្ស​សាមគ្គី​អភិវឌ្ឍន៍​មាតុភូមិ​កម្ពុជា និង​ជា​ប្រធាន​កិត្តិយស ​នៃ​ក្រុម​ឧត្តម​ប្រឹក្សា​ផ្ទាល់​ព្រះមហាក្សត្រ ក្នុង​ឱកាស​ដ៏​មង្គល​ថ្លៃថ្លា នៃ​ពិធី​ចម្រើន​ជន្មាយុ​គម្រប់ ​៩១ ឈានចូល​ ៩២​ ឆ្នាំ ដែល​ប្រព្រឹត្តទៅ​នា​ថ្ងៃទី ​២៥ ខែ​ឧសភា ឆ្នាំ ២០២៥។

សម្តេច​កិត្តិ​សង្គហ​បណ្ឌិត ក៏បាន​ឧទ្ទិស​បួងសួង​ដល់​គុណបុណ្យ​ព្រះ​រតនត្រ័យ កែវ​ទាំង​បី និង​វត្ថុ​ស័ក្តិសិទ្ធិ​ក្នុង​លោក ទេវតា​ថែរក្សា​ព្រះរាជាណាចក្រ​កម្ពុជា ទេវតា​ឆ្នាំ​ថ្មី​ប្រសិទ្ធិ​ពរជ័យ សិរី​សួស្តី ជ័យ​មង្គល វិបុល​សុខ មហា​ប្រសើរ ជូន ​សម្ដេច​អគ្គ​មហា​ពញា​ចក្រី ហេង សំរិន និង សម្តេច​ធម្ម​វិសុទ្ធ​វង្សា សៅ ទី ហេង សំរិន សូម​បាន​ប្រកប​ដោយ​សុខភាព​ល្អ​បរិបូរណ៍ និង​ជន្មាយុ​យឺនយូរ៕

អត្ថបទ ៖ វិមាន

The post សម្តេច ម៉ែន សំអន គោរពជូនពរ សម្តេចអគ្គមហាពញាចក្រី ហេង សំរិន មានជន្មាយុយឺនយូរ appeared first on Kampuchea Thmey Daily.