លោក Oleg ស្ទើរតែមិនជឿ ភ្នំពេញក្រោន ឈ្នះពានសម្តេចតេជោ ហ៊ុន សែន
លោក Oleg Starynskyi ស្ទើរតែមិនជឿដែលក្លិបបាល់ទាត់ ភ្នំពេញក្រោន បានឈ្នះពានសម្តេចអគ្គមហាសេនាបតីតេជោ ហ៊ុន សែន លើកទី១៨ រដូវកាល២០២៤-២៥ The post លោក Oleg ស្ទើរតែមិនជឿ ភ្នំពេញក្រោន ឈ្នះពានសម្តេចតេជោ ហ៊ុន សែន appeared first on Kampuchea Thmey Daily.
លោក Oleg Starynskyi ស្ទើរតែមិនជឿដែលក្លិបបាល់ទាត់ ភ្នំពេញក្រោន បានឈ្នះពានសម្តេចអគ្គមហាសេនាបតីតេជោ ហ៊ុន សែន លើកទី១៨ រដូវកាល២០២៤-២៥ បន្ទាប់ពីខកខានឈ្នះពាននេះអស់រយៈពេល១៦ឆ្នាំ។
លោកបានរៀបរាប់ក្នុងបទសម្ភាសថា ៖«នេះជាអារម្មណ៍ដ៏អស្ចារ្យបំផុត ខ្ញុំស្ទើរតែមិនអាចជឿ ដែល ភ្នំពេញក្រោន បានឈ្នះពាននេះ ក្រោយខកខានអស់រយៈពេល១៦ឆ្នាំ។ នេះគឺជាសមិទ្ធផលដ៏ធំសម្រាប់ក្រុមការងារគ្រូបង្វឹក សម្រាប់ក្រុមដ៏ល្អ និងអ្នកគាំទ្រដ៏ច្រើន ដូច្នេះខ្ញុំពិតជាអរគុណណាស់ដល់អ្នកគាំទ្រដែលរួមចំណែកជួយឲ្យសមិទ្ធផលនេះកើតឡើង»។
លោកគ្រូបង្វឹកសញ្ជាតិអ៊ុយក្រែនរូបនេះបានបន្តថា ៖«ពានរង្វាន់នេះពិតជាមានអត្ថន័យខ្លាំងណាស់ ពីព្រោះក្រុមទាំងមូលបានខិតខំប្រឹងប្រែងខ្លាំងណាស់។ ពួកគាត់ផ្តោតយកចិត្តទុកដាក់ខ្លាំងមែនទែន ខ្ញុំស្ទើរតែស្រក់ទឹកភ្នែក។ យើងបានខិតខំប្រឹងប្រែងពីមួយរដូវកាលទៅមួយរដូវកាល ហើយកាលពីរដូវកាលមុន យើងបានបរាជ័យ តែឆ្នាំនេះយើងធ្វើបាន»។
នេះជាពានរង្វាន់សម្តេចតេជោ ហ៊ុន សែន លើកទី៣ សម្រាប់ក្លិបភ្នំពេញក្រោន បន្ទាប់ពីធ្លាប់ឈ្នះលើកទី១កាលពីឆ្នាំ២០០៨ និងលើកទី២ឆ្នាំ២០០៩ ប៉ុន្តែនេះការឈ្នះពានសម្តេចតេជោ ហ៊ុន សែន លើកទី១សម្រាប់លោក Oleg Starynskyi ដែលបានដឹកនាំភ្នំពេញក្រោនពីរដងគឺរដូវកាល២០១៦-១៧ និងលើកទី២ពីឆ្នាំ២០២០រហូតដល់បច្ចុប្បន្ន៕
អត្ថបទ៖ វីរបុត្រ
The post លោក Oleg ស្ទើរតែមិនជឿ ភ្នំពេញក្រោន ឈ្នះពានសម្តេចតេជោ ហ៊ុន សែន appeared first on Kampuchea Thmey Daily.
