NOCC ដំណើរឆ្ពោះទៅស៊ីហ្គេម លើកទី៣៣ ខាងកម្ពុជាបានប្រជុំ២លើករួចហើយ និងសម្រេចបញ្ជូន ៤០ប្រភេទ
គណៈកម្មាធិការជាតិអូឡាំពិកកម្ពុជា (NOCC) មកដល់ពេលនេះកម្ពុជាបានចូលរួមប្រជុំ ២លើកហើយជាមួយម្ចាស់ផ្ទះ The post NOCC ដំណើរឆ្ពោះទៅស៊ីហ្គេម លើកទី៣៣ ខាងកម្ពុជាបានប្រជុំ២លើករួចហើយ និងសម្រេចបញ្ជូន ៤០ប្រភេទ appeared first on Kampuchea Thmey Daily.
គណៈកម្មាធិការជាតិអូឡាំពិកកម្ពុជា (NOCC) មកដល់ពេលនេះកម្ពុជាបានចូលរួមប្រជុំ ២លើករួចមកហើយជាមួយម្ចាស់ផ្ទះថៃ ពីដំណើរការនៃការចូលរួមក្នុងព្រឹត្តិការណ៍ស៊ីហ្គេម លើកទី៣៣ ដែលគ្រោងនឹងធ្វើឡើងនៅខែធ្នូ ឆ្នាំ២០២៥ ខាងមុខ។
លោក ញ៉ាន សុខវិសាល
លោក ញ៉ាន សុខវិសាល នាយបេសកកម្មរបស់កម្ពុជាបានឲ្យដឹងថា មកដល់ពេលនេះខាងកម្ពុជាបានចូលរួមប្រជុំអំពីដំណើរការងារឆ្ពោះទៅស៊ីហ្គេម លើកទី៣៣ ឯប្រទេសថៃបាន ២លើករួចមកហើយ។ ក្នុងនោះកម្ពុជាសម្រេចបញ្ជូន ៤០ប្រភេទកីឡាក្នុងចំណោម ៥០ប្រភេទកីឡាដែលម្ចាស់ផ្ទះដាក់ឲ្យប្រកួត។
រូបភាពតំណាង
មានការផ្លាស់ប្ដូរទៀតយ៉ាងណានោះរង់ចាំមើលដំណាក់កាល Entry By Name នៅចន្លោះខែមេសា បន្តទៀតទើបអាចបញ្ជាក់បានថាប្រភេទកីឡាណាខ្លះ និងកីឡាករ កីឡាការិនី ណាខ្លះមានឈ្មោះអាចចូលរួមប្រកួតបាន។ អំឡុងខែសីហា ឆ្នាំ២០២៥ ខាងមុខនេះដែរនាយបេសកកម្មក៏នឹងត្រូវទៅចូលរួមប្រជុំជាថ្មីទៀតដែរនៅទីក្រុងបាងកក។
លោក ញ៉ាន សុខវិសាល និងលោក វ៉ាត់ ចំរើន
បញ្ជាក់ដែរថា ស៊ីហ្គេម លើកទី៣៣ ឆ្នាំ២០២៥ នេះនឹងធ្វើឡើងនៅប្រទេសថៃ អំឡុងថ្ងៃទី៩ ដល់ ២០ ខែធ្នូ ឆ្នាំ២០២៥។ កម្ពុជាគ្រោងនឹងបញ្ជូន ៤០ប្រភេទកីឡាចូលរួមប្រកួតប្រជែងមេដាយក្នុងព្រឹត្តិការណ៍កីឡាក្នុងតំបន់អាស៊ានមួយនេះ៕
អត្ថបទដោយ៖ នួន ស៊ីណា
The post NOCC ដំណើរឆ្ពោះទៅស៊ីហ្គេម លើកទី៣៣ ខាងកម្ពុជាបានប្រជុំ២លើករួចហើយ និងសម្រេចបញ្ជូន ៤០ប្រភេទ appeared first on Kampuchea Thmey Daily.
