ពលរដ្ឋ ថា ទុរេនមួនថងវៀតណាម លក់ជាច្រើនកន្លែងក្នុងខេត្តត្បូងឃ្មុំ តែគ្មានការត្រួតពិនិត្យ
ពលរដ្ឋ ថា ទុរេនមួនថងវៀតណាម លក់ជាច្រើនកន្លែងក្នុងខេត្តត្បូងឃ្មុំ តែគ្មានការត្រួតពិនិត្យ... The post ពលរដ្ឋ ថា ទុរេនមួនថងវៀតណាម លក់ជាច្រើនកន្លែងក្នុងខេត្តត្បូងឃ្មុំ តែគ្មានការត្រួតពិនិត្យ appeared first on Kampuchea Thmey Daily.
ប្រជាពលរដ្ឋ ថា ទុរេនមួនថងវៀតណាម លក់ជាច្រើនកន្លែងក្នុងខេត្តត្បូងឃ្មុំ តែគ្មានការត្រួតពិនិត្យ។ ពាក់ព័ន្ធករណីនេះ ពលរដ្ឋ ស្នើឲ្យអាជ្ញាធរខេត្ត ត្រួតពិនិត្យបញ្ហាទុរេននេះផង ដើម្បីកុំឲ្យប៉ះពាល់សុខភាពរបស់ពួកគាត់។
ទុរេនខ្មែរដល់បណ្តើរៗ ហើយ មានប្រភេទទុរេនរី ៦ និងប្រភេទទុរេនដូនតា សម្រាប់ហូបលក្ខណៈគ្រួសារ តែមិនទាន់មានដាក់លក់នៅលើទីផ្សារជាទ្រង់ទ្រាយធំនៅឡើយទេ ខណៈម្ចាស់ចម្ការក្នុងស្រុកមេមត់ ខេត្តត្បូងឃ្មុំ អះអាងថា ពូជទុរេនមួនថង នៅដើមខែ ៦ ទើបប្រមូលផល។ តែទោះជាយ៉ាងណា គេឃើញមានទុរេនមួនថង បានដាក់ពង្រាយលក់លើទីផ្សារក្នុងខេត្តយ៉ាងច្រើន អាជីវករប្រាប់ថា ជាទុរេនប្រមូលមកពីចម្ការក្នុងស្រុកមេមត់ទៅវិញ។ ទន្ទឹមនេះ ក្នុងបណ្ដាញសង្គមបញ្ជាក់ថា ទុរេនវៀតណាម នាំចូលទៅទីផ្សារប្រទេសចិន លក់មិនដាច់ ព្រោះមានជាតិគីមី។ ឥលូវទីផ្សារក្នុងខេត្តមានលក់ទុរេនមួនថង មុនទុរេនក្នុងស្រុកដល់ទៅវិញ។
លោក យឹម ដានី អាយុ ៤០ ឆ្នាំ រស់នៅភូមិកំពាន់ ឃុំកំពាន់ ស្រុកមេមត់ បានបញ្ជាក់ឲ្យដឹងថា ទុរេនក្នុងចម្ការគាត់មាន ២ ប្រភេទ គឺ ពូជមួនថង និង ពូជរី ៦ ហើយ រី ៦ ដល់បណ្តើរៗ ហើយ តែតិចតួចទេ គ្រាន់ហូប។ រីឯពូជមួនថង មិនទាន់ដល់ទេ ទាល់តែថ្ងៃទី ៥ ខែមិថុនា ខាងមុខ ទើបប្រមូលផល លក់ទៅកាន់ទីផ្សារ។
លោក ដានី បានបញ្ជាក់ទៀតថា ទុរេនមួនថងរបស់កសិករក្នុងស្រុកមិនទាន់មានលក់ទេ តែបើមានលក់មិនដឹងយកមកពីណានោះទេ។
ដោយឡែកចំពោះអាជីវករលក់ទុរេនមួនថងជាច្រើនកន្លែងក្នុងខេត្ត បានអះអាងហើយធានាថា ទុរេននេះបេះមកពីចម្ការក្នុងស្រុកមេមត់។
ទាក់ទិនបញ្ហាទុរេននេះដែរ លោក ប៉ែន កុសល អភិបាល នៃគណៈអភិបាលខេត្តត្បូងឃ្មុំ មិនទាន់មានការឆ្លើយតបនៅឡើយទេ៕
អត្ថបទ ៖ សាន វិឡែម
The post ពលរដ្ឋ ថា ទុរេនមួនថងវៀតណាម លក់ជាច្រើនកន្លែងក្នុងខេត្តត្បូងឃ្មុំ តែគ្មានការត្រួតពិនិត្យ appeared first on Kampuchea Thmey Daily.
