បានបទពិសោធន៍ពីឪពុក កសិករម្នាក់ចិញ្ចឹមទានិងច្នៃប្រឌិតបន្ថែម បង្កើតចំណូលដល់គ្រួសារ
ដោយសារមានបទពិសោធន៍ពីឪពុក ការចិញ្ចឹមទារយៈពេលជាច្រើនឆ្នាំ...... The post បានបទពិសោធន៍ពីឪពុក កសិករម្នាក់ចិញ្ចឹមទានិងច្នៃប្រឌិតបន្ថែម បង្កើតចំណូលដល់គ្រួសារ appeared first on Kampuchea Thmey Daily.
លោក ទី សុខរើន ជាម្ចាស់កសិដ្ឋានចិញ្ចឹមទា ស្ថិតនៅក្នុងភូមិទួល ឃុំរូងជ្រៃ ស្រុកថ្មគោល ខេត្តបាត់ដំបងបានឲ្យដឹងថា ដោយសារមានបទពិសោធន៍ពីឪពុក ការចិញ្ចឹមទារយៈពេលជាច្រើនឆ្នាំមកនេះបានរីកចម្រើន ដែលបានជួយឲ្យសេដ្ឋកិច្ចគ្រួសាររបស់លោកបានល្អប្រសើរពីមួយឆ្នាំទៅមួយឆ្នាំ។
ការចិញ្ចឹមទាទាមទាឲ្យមានបទពិសោធន៍និងច្នៃប្រឌិតដើម្បីតម្រូវការលើទីផ្សារ ទើបមិនមានការប្រឈមលើការចិញ្ចឹម។ កសិកររូបនេះបានចែករំលែកបទពិសោធន៍ក្នុងការចិញ្ចឹមទាមាន ២ យ៉ាង។ ទីមួយគឺការចិញ្ចឹមទាយកពងភ្ញាស់យកកូនលក់ និងមួយទៀតយកពងទៅភ្ញាស់ធ្វើជាពងទាកូន លក់ចែកចាយបន្តដើម្បីទទួលបានចំណូលបន្ថែម។
បើគិតមកដល់ពេលនេះ ទារបស់លោក ទី សុខរើន ដែលចិញ្ចឹមជាង ៤ ឆ្នាំ កើនប្រមាណ ៤ ពាន់ក្បាល។
លោក ទី សុខរើន បានឲ្យដឹងថា ឆ្នាំដំបូងពេលលោកចិញ្ចឹមដោយប្រមូលយកពងទាលក់។ តែក្រោយមកលោកច្នៃប្រឌិតពងទាឲ្យមានប្រយោជន៍ ក្នុងនោះពងទាមួយចំនួនលោកបានភ្ញាស់ជាកូនលក់ឲ្យអតិថិជនយកទៅចិញ្ចឹមបន្ត ហើយមួយផ្នែកទៀតលោកបានភ្ញាស់លក់ជាពងទាកូន ដែលបច្ចុប្បន្នមនុស្សម្នាពេញនិយមក្នុងការទទួលទាន។
សម្រាប់កូនទាដែលលោកបានភ្ញាស់លក់ កូនទាញីលក់ក្នុងតម្លៃ ២២០០ រៀលក្នុងកូនទា១ ហើយកូនទាឈ្មោលលក់តម្លៃ ៥០០ រៀល ក្នុងកូនទា១។
លោកថា បច្ចុប្បន្នតម្រូវការពងទាលោកមានការខ្វះខាត លោកក៏បានប្រមូលទិញពងទាពីកន្លែងផ្សេងផងដែរ ដើម្បីតម្រូវការពងទាកូនបន្ថែមនៅលើទីផ្សារ។
កសិកររូបនេះបន្តថា មុខរបរចិញ្ចឹមទារយៈពេល ៤ ឆ្នាំមកនេះ មិនសូវជាជួបការលំបាកនោះទេ ហើយការថែទាំក៏មិនពិបាកដែរ គឺគ្រាន់តែផ្តល់ចំណី ២ ដងក្នុង១ថ្ងៃ គឺព្រឹកនិងល្ងាចជាការស្រេច។ ចំពោះជំងឺក៏មិនប្រឈមដែរ ព្រោះលោកបានប្រើថ្នាំឲ្យទាគ្រប់គ្រាន់សម្រាប់ថែទាំសុខភាពបញ្ចៀសកើតមានជំងឺផ្សេង។
យ៉ាងណាមិញ ចំពោះការប្រឈម មានខ្លះៗដែរ ក្នុងរដូវក្តៅមានងាប់ខ្លះ តែចំពោះជំងឺគ្មានទេ៕
អត្ថបទ÷សៅ សារិទ្ធ
The post បានបទពិសោធន៍ពីឪពុក កសិករម្នាក់ចិញ្ចឹមទានិងច្នៃប្រឌិតបន្ថែម បង្កើតចំណូលដល់គ្រួសារ appeared first on Kampuchea Thmey Daily.
