ឡាវអនុញ្ញាតឱ្យកម្ពុជាដឹកស្វាយទៅលក់នៅចិនតាមផ្លូវដែករបស់ខ្លួន

សាធារណរដ្ឋប្រជាមានិតឡាវបានឯកភាពជាមួយកម្ពុជាក្នុងការឱ្យកម្ពុជាប្រើប្រាស់ប្រព័ន្ធផ្លូវដែកល្បឿនលឿនរបស់ខ្លួនដឹកស្វាយទៅលក់នៅសាធារណរដ្ឋប្រជាមានិតចិន ឬប្រទេសទី៣ទៀត។ The post ឡាវអនុញ្ញាតឱ្យកម្ពុជាដឹកស្វាយទៅលក់នៅចិនតាមផ្លូវដែករបស់ខ្លួន appeared first on Kampuchea Thmey Daily.

ព័ត៌មាន ឧសភា 4, 2025 បន្ថែមចូលក្នុងបញ្ជីរអាន

ឡាវអនុញ្ញាតឱ្យកម្ពុជាដឹកស្វាយទៅលក់នៅចិនតាមផ្លូវដែករបស់ខ្លួន

សាធារណរដ្ឋប្រជាមានិតឡាវបានឯកភាពជាមួយកម្ពុជាក្នុងការឱ្យកម្ពុជាប្រើប្រាស់ប្រព័ន្ធផ្លូវដែកល្បឿនលឿនរបស់ខ្លួនដឹកស្វាយទៅលក់នៅសាធារណរដ្ឋប្រជាមានិតចិន ឬប្រទេសទី៣ទៀត។ ការព្រមព្រៀងនេះធ្វើឡើងក្នុងពេលដែលរដ្ឋមន្ត្រីកសិកម្ម ឌិត ទីណា ទៅបំពេញទស្សនកិច្ចនៅប្រទេសឡាវកាលពីសប្ដាហ៍មុន។

ក្នុងសេចក្ដីប្រកាសព័ត៌មានចុះថ្ងៃទី៤ ខែឧសភា ឆ្នាំ២០២៥ ក្រសួងកសិកម្មឱ្យដឹងថាការឯកភាពនេះគឺជាកិច្ចសហប្រតិបត្តិការជំរុញកសិពាណិជ្ជកម្មរវាងប្រទេសកម្ពុជានិងឡាវ។ ក្រៅពីអនុញ្ញាតឱ្យប្រើប្រាស់ផ្លូវដែករបស់ខ្លួន ឡាវក៏បានឯកភាពលើកិច្ចព្រមព្រៀងកិច្ចសហប្រតិបត្តិការលើធាតុចូលកសិកម្មផ្ដោតសំខាន់លើជីប៉ូតាស (Potash-based fertillizer) និងបន្តពង្រឹងកិច្ចសហប្រតិបត្តិការណ៍ផ្សេងៗទៀតលើឆាកអន្តរជាតិក្នុងវិស័យកសិកម្ម ដើម្បីប្រយោជន៍រួមនៃប្រទេសទាំងពីរ។

គួរឱ្យដឹងដែរថា ក្រសួងកសិកម្ម និងអគ្គរដ្ឋបាលគយនៃសាធារណៈរដ្ឋប្រជាមានិតចិន (GACC) បានចុះហត្ថលេខាលើអនុស្សារណៈយោគយល់គ្នាតីពីលក្ខខណ្ឌតម្រូវភូតគាមអនាម័យសម្រាប់ការនាំចេញផ្លែស្វាយស្រស់ពីកម្ពុជាទៅកាន់ប្រទេសចិនកាលពីថ្ងៃទី០៩ ខែមិថុនា ឆ្នាំ២០២០។ គិតត្រឹមឆ្នាំ២០២៤កម្ពុជាមានក្រុមហ៊ុននាំចេញផ្លែស្វាយស្រស់ទៅប្រទេសចិនមានចំនួន៥ក្រុមហ៊ុន៕