ស្ត្រី​វ័យ៦៣​ឆ្នាំ​ម្នាក់នៅមានជីវិត ក្រោយជាប់ក្រោមគំនរបាក់បែក៩១ម៉ោង

ស្រ្តីវ័យចំណាស់ម្នាក់ត្រូវបានក្រុមជួយសង្គ្រោះរកឃើញនៅមានជីវិតបន្ទាប់ពីជាប់ក្រោមគំនរបាក់បែករយៈពេល៩១ម៉ោងនៅក្នុងទីក្រុងទីក្រុង Naypyitaw ក្រោយ... The post ស្ត្រី​វ័យ៦៣​ឆ្នាំ​ម្នាក់នៅមានជីវិត ក្រោយជាប់ក្រោមគំនរបាក់បែក៩១ម៉ោង appeared first on Kampuchea Thmey Daily.

ស្ត្រី​វ័យ៦៣​ឆ្នាំ​ម្នាក់នៅមានជីវិត ក្រោយជាប់ក្រោមគំនរបាក់បែក៩១ម៉ោង

ស្រ្តីវ័យចំណាស់ម្នាក់ត្រូវបានក្រុមជួយសង្គ្រោះរកឃើញនៅមានជីវិត បន្ទាប់ពីជាប់ក្រោមគំនរបាក់បែករយៈពេល៩១ម៉ោងនៅក្នុងទីក្រុង Naypyitaw ក្រោយប្រទេសមីយ៉ាន់ម៉ារងគ្រោះរញ្ជួយដីដ៏សាហាវកាលពីរសៀលថ្ងៃសុក្រសប្ដាហ៍មុន។ នេះបើយោងតាមការចេញផ្សាយរបស់សារព័ត៌មាន Irrawaddy នៅថ្ងៃទី០១ខែមេសានេះ។

(រូបភាព៖ បណ្ដាញសង្គម)

នាយកដ្ឋានសេវាកម្មពន្លត់អគ្គីភ័យមីយ៉ាន់ម៉ា បានឲ្យដឹងថា នៅព្រឹកថ្ងៃទី១ខែមេសា បុគ្គលិកសង្គ្រោះរបស់ខ្លួនបាន​ជួយ​សង្រ្គោះស្ត្រីអាយុ​៦៣ឆ្នាំម្នាក់ ដែលបានជាប់នៅក្នុងផ្ទះល្វែងដែលដួលរលំអស់រយៈពេលប្រហែល​៩១ម៉ោងនៅទីក្រុង Naypyitaw ក្រោយរងគ្រោះរញ្ជួយដីកម្រិត៧.៧រ៉ិចទ័រ ខណៈកត្តាដែលជំរុញឲ្យស្រ្តីនេះអាចរស់រានបានក្នុងរយៈពេលដ៏យូរនេះមិនត្រូវបានដឹងនៅឡើយនោះទេ។

ស្រដៀគ្នានេះកាលពីម្សិលមិញក៏មានក្មេងស្រីម្នាក់ត្រូវបានជួយសង្គ្រោះ​​នៅមាន​ជីវិត។​ ក្មេងស្រីនេះត្រូវបានក្រុមអ្នក​ជួយ​សង្គ្រោះ​បានទាំងនៅរស់រានមានជីវិត​ដ៏​មិនគួរឲ្យជឿ បន្ទាប់ពីជាប់អស់រយៈពេល​ជាង​៥០ម៉ោង នៅក្រោមគំនរសណ្ឋាគារបាក់បែកក្នុងទីក្រុង Mandalay ដែលជាចំណុចកណ្តាលនៃការរញ្ជួយដី​ដ៏​ខ្លាំង​មហិមា​នៅក្នុងប្រទេសមីយ៉ាន់ម៉ា។ បើតាមសម្ដីក្មេងស្រីប្រាប់ក្រុមអ្នកជួយសង្គ្រោះថា នាងអាចនៅរស់បានគឺដោយសារតែមានដបទឹកចំនួនបួនដបនៅក្នុងបន្ទប់របស់នាង ដែលអាចទ្រទ្រង់ជីវិតរបស់នាងបានរហូតដល់ក្រុមជួយសង្គ្រោះរកឃើញ។

(រូបភាព៖ AP)

សូមបញ្ជាក់ថាកាលពីរសៀលថ្ងៃសុក្រប្រទេសមីយ៉ាន់ម៉ាបានរងគ្រោះរញ្ជួយដីដ៏ធ្ងន់ធ្ងរ ខណៈពេលនេះអ្នកស្លាប់បានកើនដល់៣ពាន់នាក់ និងរាប់សិបនាក់បាត់ខ្លួនៅក្រោមអគារដែលដួលរលំ ដោយប្រតិប្រត្តិការជួយសង្គ្រោះនៅតែបន្តយ៉ាងសកម្ម។

បើតាមប្រព័ន្ធផ្សព្វផ្សាយរបបយោធា ផ្ទះចំនួន១៥៩១ខ្នង, អគារសាសនា(ពុទ្ធសាសនា តាវ សាសនាយូដានិងគ្រិស្តសាសនា) ចំនួន៦៧០, សាលារៀនចំនួន ៦០, ស្ពានចំនួន ៣ និងវត្តយ៉ាងហោចណាស់ចំនួន ២៩០ បានរងការខូចខាត និងវិហារឥស្លាមជាច្រើនទៀតដែលរបបយោធាមិនបានបញ្ជាក់ចំនួនបានបាក់រលំដោយសារគ្រោះរញ្ជួយដីនៅក្នុងទីក្រុង Mandalay កាលពីថ្ងៃសុក្រ៕

(រូបភាព៖ AP)
(រូបភាព៖ AP)

អត្ថបទ៖ ប៊ុន សុភាព

The post ស្ត្រី​វ័យ៦៣​ឆ្នាំ​ម្នាក់នៅមានជីវិត ក្រោយជាប់ក្រោមគំនរបាក់បែក៩១ម៉ោង appeared first on Kampuchea Thmey Daily.