ថៃ​​រង​ការញ័រកម្រិតស្រាល​២៦៤លើក ក្រោយ​គ្រោះរញ្ជួយដីនៅមីយ៉ាន់ម៉ា

នាយកដ្ឋានសង្កេតការរញ្ជួយដីរបស់នាយកដ្ឋានឧតុនិយមថៃបានឲ្យដឹងថា ការរញ្ជួយដីកម្រិតស្រាលចំនួន ២៦៤លើក ត្រូវបានកត់ត្រាត្រឹមថ្ងៃពុធបន្ទាប់ពីការ... The post ថៃ​​រង​ការញ័រកម្រិតស្រាល​២៦៤លើក ក្រោយ​គ្រោះរញ្ជួយដីនៅមីយ៉ាន់ម៉ា appeared first on Kampuchea Thmey Daily.

ថៃ​​រង​ការញ័រកម្រិតស្រាល​២៦៤លើក ក្រោយ​គ្រោះរញ្ជួយដីនៅមីយ៉ាន់ម៉ា

នាយកដ្ឋានសង្កេតការរញ្ជួយដីរបស់នាយកដ្ឋានឧតុនិយមថៃ បានឲ្យដឹងថា ការរញ្ជួយដីកម្រិតស្រាលចំនួន២៦៤លើក ត្រូវបានកត់ត្រាត្រឹមថ្ងៃពុធបន្ទាប់ពីការរញ្ជួយដីដ៏សាហាវដំបូងនៅក្នុងប្រទេសមីយ៉ាន់ម៉ាកាលពីថ្ងៃសុក្រសប្ដាហ៍មុន។ នេះបើយោងតាមការចេញផ្សាយរបស់សារព័ត៌មាន The Nation នៅថ្ងៃទី២ខែមេសានេះ។

(រូបភាព៖​ The Nation)

របាយការណ៍​តាមដាន​ក្រោយ​ការរញ្ជួយដីកម្រិត៧.៧រ៉ិចទ័រ ដែលស្ថិតនៅកណ្តាលទីក្រុង Mandalay កាលពីថ្ងៃសុក្រសប្តាហ៍មុន ដែលជះឥទ្ធិពលទាំងមីយ៉ាន់ម៉ា​និងថៃ។ តាមរបាយការណ៍នេះ ក្រោយរញ្ជួយដីនេះក៏មានការរញ្ជួយដីបន្តបន្ទាប់ក្នុងកម្រិតស្រាល​ចន្លោះ​ពី​ ១.០-២.៩ រ៉ិចទ័រនៅខេត្ត Nan, Chiang Mai, Phrae, Mae Hong Son និង Lampang នៅចន្លោះថ្ងៃអង្គារដល់ថ្ងៃពុធ។

ការញ័រស្រដៀងគ្នានេះក៏បានកើតឡើងនៅក្នុងប្រទេសមីយ៉ាន់ម៉ា ឡាវ និងចិន ដោយគ្រោះរញ្ជួយដីចុងក្រោយនេះបានវាយប្រហារភាគខាងជើងកោះស៊ូម៉ាត្រា ប្រទេសឥណ្ឌូនេស៊ី។

ចាប់ពីថ្ងៃអង្គារដល់ថ្ងៃពុធ ប្រទេសថៃបានជួបប្រទះការរញ្ជួយដីចំនួន៩លើកដែលមានកម្រិត ១.០-២.៩ រ៉ិចទ័រ។ លើសពីនេះទៀត ការរញ្ជួយដីចំនួន ៣៩លើក ត្រូវបានកត់ត្រានៅជិតប្រទេសថៃ ក្នុងនោះមាន ២៣ លើកមានកម្រិត ១.០-២.៩រ៉ិចទ័រ, ១៣ លើក ចន្លោះពី ៣.០-៣.៩រ៉ិចទ័រ, មួយលើកនៅចន្លោះពី ៤.០-៤.៩រ៉ិចទ័រ និង២លើកនៅចន្លោះពី ៥.០-៥.៩ រ៉ិចទ័រ។

ទន្ទឹមនឹងនេះ មជ្ឈមណ្ឌល Erawan របស់រដ្ឋបាលក្រុងបាងកក បានរាយការណ៍ថា មានអ្នករងរបួសចំនួន ៣៤ នាក់ និងអ្នកស្លាប់ចំនួន ២២ នាក់នៅក្នុងរាជធានី គិតត្រឹមម៉ោង ៤ រសៀលថ្ងៃអង្គារ។ ក្នុង​នោះ​អគារ​ការិយាល័យ​សវនកម្ម​រដ្ឋ​ដែល​បាក់រលំ​មាន​អ្នក​របួស ១៩ នាក់ និង​អ្នក​ស្លាប់១៤នាក់​៕

(រូបភាព៖​ The Nation)
(រូបភាព៖​ The Nation)
(រូបភាព៖​ AP)
(រូបភាព៖​ AP)
(រូបភាព៖​ AP)

អត្ថបទ៖ ប៊ុន សុភាព

The post ថៃ​​រង​ការញ័រកម្រិតស្រាល​២៦៤លើក ក្រោយ​គ្រោះរញ្ជួយដីនៅមីយ៉ាន់ម៉ា appeared first on Kampuchea Thmey Daily.