សៅយ៉ាន់ វិសាល ប្ដូរសាលាមកភ្នំពេញវិញមានឱកាសបង្ហាញមុខច្រើនតាមបណ្ដាសង្វៀនផ្សេងៗ
សៅ យ៉ាន់វិសាល នៅពេលនេះបានប្ដូរសាលាមកកាន់រាជធានីភ្នំពេញវិញហើយ The post សៅយ៉ាន់ វិសាល ប្ដូរសាលាមកភ្នំពេញវិញមានឱកាសបង្ហាញមុខច្រើនតាមបណ្ដាសង្វៀនផ្សេងៗ appeared first on Kampuchea Thmey Daily.
កីឡាករវ័យក្មេង សៅយ៉ាន់ វិសាល នៅពេលនេះបានប្ដូរសាលាមករាជធានីភ្នំពេញវិញហើយកាន់តែមានឱកាសច្រើនបង្ហាញមុខឡើងវិញតាមបណ្ដាសង្វៀននានានៅរាជធានីភ្នំពេញចាប់ពីពេលនេះតទៅ។
កីឡាករ សៅយ៉ាន់ វិសាល
តាមការឲ្យដឹងថាពីលោក សាន សៅយ៉ាន់ ដែលជាឪពុកបានលើកឡើងថា កូនរបស់លោកនៅពេលនេះបានប្ដូរសាលាពីខេត្តបន្ទាយមានជ័យមកសិក្សានៅវិទ្យាល័យឥន្ទ្រទេវីវិញហើយចាប់ពីពេលនេះតទៅ។ បច្ចុប្បន្ននេះកូនរបស់លោកកំពុងសិក្សានៅថ្នាក់ទី១០។
អតីតអ្នកប្រដាល់ល្បីខាងប្រើកែងរួសរូបនេះបន្ថែមទៀតថា ចាប់ពីពេលនេះ សៅយ៉ាន់ វិសាល អាចនឹងឡើងប្រកួតបានច្រើនជាងកាលនៅឯខេត្តបន្ទាយមានជ័យ។ កាលនៅឯខេត្តមិនសូវបានហ្វឹកហាត់ជាប់លាប់ផង និងឆ្ងាយពីភ្នំពេញផង ដូច្នេះមានផលលំបាកដែរក្នុងការចេញមកប្រកួតម្ដងៗ។
សៅយ៉ាន់ វិសាល (ខាងស្ដាំ)
នៅភ្នំពេញនេះអាចនឹងផ្ដល់ភាពងាយស្រួលច្រើនដល់ វិសាល ទាំងការហ្វឹកហាត់ជាប់លាប់បានល្អជាមួយលោកផ្ទាល់ និងមិនពិបាកឡើងចុះនៅពេលត្រូវប្រកួតម្ដងៗ។ មួយវិញទៀតដោយសាររាងកាយស្ទុះធំខ្លាំង ដូច្នេះត្រូវប្រកួតឲ្យបានច្រើនបន្តិចពង្រឹងសមត្ថភាព បង្កើនបទពិសោធផង និងពង្រឹងរាងកាយឲ្យកាន់តែរឹងមាំល្អថែមទៀតដើម្បីអំណោយផលកាន់តែប្រសើរក្នុងការចាប់អាជីពប្រដាល់នេះ។
លោក សាន សៅយ៉ាន់
បញ្ជាក់ដែរថា សៅយ៉ាន់ វិសាល ជាកូនទី២ របស់លោក សាន សៅយ៉ាន់ ដែលជាអតីតអ្នកប្រដាល់ចាស់វស្សាពីមុនផងដែរ។ វិសាល ក៏ជាអ្នកប្រដាល់ដែលមានសមត្ថភាព និងកេរ្តិ៍ឈ្មោះល្បីមួយរូបដែរក្នុងវិស័យប្រដាល់គុនខ្មែរនេះ ប៉ុន្តែដោយសាររវល់ច្រើនលើការសិក្សាផង និងមិនសូវមានពេលហ្វឹកហាត់គ្រប់គ្រាន់ផងទើបឪពុកមិនសូវចាប់គូឲ្យប្រកួតតាមសង្វៀននានាឡើយ។ ស្អែកនេះ សៅ យ៉ាន់វិសាល នឹងត្រូវប្រកួតមិត្តភាពជាតិនិងជាតិក្នុងកម្មវិធីទឹកពិសាកម្ពុជា៕
សៅយ៉ាន់ វិសាល និងដៃគូ
អត្ថបទដោយ៖ នួន ស៊ីណា
The post សៅយ៉ាន់ វិសាល ប្ដូរសាលាមកភ្នំពេញវិញមានឱកាសបង្ហាញមុខច្រើនតាមបណ្ដាសង្វៀនផ្សេងៗ appeared first on Kampuchea Thmey Daily.
