លោក គួច ខេវិន ស្នើថា មុនចែករំលែកអ្វីមួយ គួរថ្លឹងថ្លែងឱ្យប្រាកដសិន ជៀសវាងនាំរឿងបំពុលសង្គម

ក្នុងបំណងចូលរួមបំបាត់រឿងមិនល្អដែលនាំឱ្យបំពុលសង្គម លោក គួច ខេវិន អតីតផលិតករកម្មវិធីកម្សាន្តបានចេញមុខបំផុសជាថ្មី ដោយស្នើដល់មហាជនអ្នកនិយមប្រើប្រាស់បណ្តាញទំនាក់ទំនងសង្គម ពិសេសហ្វេសប៊ុក គួរថ្លឹងថ្លែងឱ្យប្រាកដសិនមុននឹងការបង្ហោះឬចែករំលែកអ្វីមួយ។

ការលើកឡើងជាទស្សន:របស់លោក គួច ខេវិន នាពេលនេះដោយសង្កេតឃើញថាបច្ចុប្បន្ន កំពុងមានបុគ្គលមួយចំនួនបានបង្កើតនូរឿងរ៉ាវអត់ប្រយោជន៍ដែលនាំឱ្យបំពុលសង្គម តាមរយ:ការប្រើប្រាស់បណ្តាញសង្គមហ្វេសប៊ុកធ្វើជាឈ្នាន់ដើម្បីទាញយកផលប្រយោជន៍ផ្ទាល់ខ្លួនជាដើម។

អតីតផលិតករកម្មវិធីកម្សាន្តល្បីឈ្មោះលោក គួច ខេវិន បានលើកឡើងជាទស្សន:ខ្លីទៅកាន់អ្នកចូលលេ ងបណ្តាញបណ្តាញទំនាក់ទំនងសង្គមថា “ចូរប្រើប្រាស់ Facebook ឬ share របស់អ្នកឱ្យមានប្រយោជន៍​ដល់សង្គម​”។មិនមែនទើបជាលើកទី១ទេដែលអ្នកសិល្ប:ជើងចាស់រូបនេះតែ ងចេញមុខដាស់តឿនពាក់ព័ន្ធការប្រើប្រាស់បណ្តាញសង្គមដើម្បីជាប្រយោជន៍ដល់សង្គម។

តាមការកត់សម្គាល់ កន្លងមកក៏មានអ្នកសិល្ប:ជើងចាស់ល្បីឈ្មោះលោក ដួង សុខគា តែងបង្ហាញការព្រួយបារម្ភនិងចេញសារបំផុសជាបន្តបន្ទាប់ ជុំវិញអ្នកប្រើប្រាស់បណ្តាញសង្គមយកហ្វេសប៊ុកដើម្បីជាការដាស់តឿនថា មុននិយាយអ្វីនៅលើបណ្តាញសង្គម គួរថ្លឹងថ្លែងឱ្យប្រាកដសិន ព្រោះថាទស្សន:ខ្លះ អាចឱ្យផលអវិជ្ជមានមកខ្លួនអ្នកនិងសង្គម។

លោក ដួង សុខគា ធ្លាប់បានលើកឡើងនៅលើបណ្តាញសង្គមផ្ទាល់ខ្លួនដោយចាត់ទុកថាការលេងហ្វេសប៊ុកគឺដើម្បីទទួលចំណេះដឹង និងជាប្រយោជន៍សម្រាប់សង្គមពោលគឺកុំបង្កើតរឿងក្តៅក្រហាយចាក់ឆ្កឹះរុកឆ្កៀល៕ ចាន់រ៉ា

The post លោក គួច ខេវិន ស្នើថា មុនចែករំលែកអ្វីមួយ គួរថ្លឹងថ្លែងឱ្យប្រាកដសិន ជៀសវាងនាំរឿងបំពុលសង្គម appeared first on Kampuchea Thmey Daily.