ភ្ញាក់ផ្អើល! ប្រវត្តិជួបគ្នានៅ UCL ក្រុម​ខ្លាំង Real Madrid មិនធ្លាប់​ឈ្នះ Arsenal សោះ

ក្រុមអធិរាជស Real Madrid មិន​ធ្លាប់​មានប្រវត្តិឈ្នះក្រុមកាំភ្លើងធំ Arsenal សូម្បីម្តងនៅក្នុងពានរង្វាន់ UEFA Champions League។

ក្រុមខ្លាំងទាំង ២ នឹងត្រូវជួបគ្នានៅរាត្រីនេះ វេលាម៉ោង ២ យប់រំលងអាធ្រាត្រឈានចូលថ្ងៃទី ០៩ ខែ មេសា ដែលជាការប្រកួតជើងទី ១ វគ្គ ៨ ក្រុមចុងក្រោយពាន UCL ខណៈជើងទី ២ នឹងធ្វើឡើងនៅថ្ងៃទី ១៧ ខែ មេសាខាងមុខ។

យ៉ាងមិញ បើ​ក្រឡេក​មើលអំពីប្រវត្តិជួបគ្នាកន្លងមកនៅក្នុងពាន UCL នេះ គឺក្រុមទាំង ២ ធ្លាប់ជួបគ្នាតែ ២ ដងប៉ុណ្ណោះ កាលពីរដូវកាល ២០០៥-២០០៦ ដែលពេលនោះជាការប្រកួតវគ្គ ១៦ ក្រុមចុងក្រោយ។ អ្វីដែលចាប់អារម្មណ៍ គឺក្រុមម្ចាស់ជើងឯក UCL ១៥ សម័យ Real Madrid មិនធ្លាប់ឈ្នះក្រុមរហស្សនាមកាំភ្លើងធំឡើយ។

ខាងក្រោមនេះជាលទ្ធផលនៃការជួបគ្នាទាំង ២ ជើង៖

ជើងទី ១ Real Madrid (ម្ចាស់ផ្ទះ) ចាញ់ Arsenal ១-០

ជើងទី ២ Arsenal (ម្ចាស់ផ្ទះ) ស្មើគ្នាជាមួយ Real Madrid ០-០៕

អត្ថបទ៖ សេម កុសល

The post ភ្ញាក់ផ្អើល! ប្រវត្តិជួបគ្នានៅ UCL ក្រុម​ខ្លាំង Real Madrid មិនធ្លាប់​ឈ្នះ Arsenal សោះ appeared first on Kampuchea Thmey Daily.