នាយករដ្ឋមន្ត្រីបញ្ជាឱ្យក្រសួងសុខាភិបាលត្រៀមអន្តរាគមន៍បន្ទាន់ក្នុងករណីផ្ទុះកូវីដឡើងវិញ

សម្ដេចធិបតី ហ៊ុន ម៉ាណែត បានបញ្ជាទៅក្រសួងសុខាភិបាលឱ្យត្រៀមលក្ខណៈអន្តរាគមន៍បន្ទាន់ក្នុងករណីជំងឺកូវីដ១៩ផ្ទុះទ្រង់ទ្រាយធំឡើងវិញ។ ការត្រៀមនេះក៏មានការបំរុងនូវវ៉ាក់សាំងផងដែរ។ The post នាយករដ្ឋមន្ត្រីបញ្ជាឱ្យក្រសួងសុខាភិបាលត្រៀមអន្តរាគមន៍បន្ទាន់ក្នុងករណីផ្ទុះកូវីដឡើងវិញ appeared first on Kampuchea Thmey Daily.

ព័ត៌មាន ឧសភា 23, 2025 បន្ថែមចូលក្នុងបញ្ជីរអាន

នាយករដ្ឋមន្ត្រីបញ្ជាឱ្យក្រសួងសុខាភិបាលត្រៀមអន្តរាគមន៍បន្ទាន់ក្នុងករណីផ្ទុះកូវីដឡើងវិញ

នាយករដ្ឋមន្ត្រី សម្ដេចធិបតី ហ៊ុន ម៉ាណែត បានបញ្ជាទៅក្រសួងសុខាភិបាលឱ្យត្រៀមលក្ខណៈអន្តរាគមន៍បន្ទាន់ក្នុងករណីជំងឺកូវីដ១៩ផ្ទុះទ្រង់ទ្រាយធំឡើងវិញ។ ការត្រៀមនេះក៏មានការបំរុងនូវវ៉ាក់សាំងផងដែរ។

ថ្លែងក្នុងកិច្ចប្រជុំគណៈរដ្ឋមន្ត្រីថ្ងៃទី២៣ ខែឧសភា ឆ្នាំ២០២៥នេះ សម្ដេចធិបតី ហ៊ុន ម៉ាណែត បានកត់សម្គាល់ពីការផ្ទុះឡើងវិញនៃជំងឺកូវីដ-១៩ បំប្លែងថ្មីនៅប្រទេសជិតខាង ហើយកម្ពុជាក៏ចាប់ផ្ដើមឡើងវិញផងដែរ។ សម្ដេចបានណែនាំដល់ក្រសួងសុខាភិបាល ក្រើនរំលឹកប្រជាពលរដ្ឋឱ្យប្រុងប្រយ័ត្ន និងត្រៀមកន្លែងសម្រាប់រក្សាទុកវ៉ាក់សាំង ១លានដូស ដែលយន្តការ «កិច្ចសម្របសម្រួលជំនួយវ៉ាក់សាំងបង្ការជំងឺកូវីដជាសាកល» COVAX ត្រូវផ្ដល់ឱ្យកម្ពុជាបន្ថែម។

ថ្មីៗនេះមានការផ្ទុះឡើងនៃជំងឺកូវីដ-១៩ បំប្លែងថ្មី JN.1 នៅតាមបណ្ដាប្រទេសមួយចំនួន និងប្រទេសថៃត្រូវបានរកឃើញកើនឡើងច្រើនផងដែរ ខណៈដែលក្រសួងសុខាភិបាលកម្ពុជាក៏បានចេញសេចក្តីអំពាវនាវដល់សាធារណជនទាំងអស់ទៅទទួលវ៉ាក់សាំងការពារកូវីដ-១៩នៅតាមមណ្ឌលសុខភាព និងមណ្ឌលពេទ្យដោយឥតគិតថ្លៃផងដែរ។

នៅថ្ងៃទី២២ ខែឧសភា ក្រសួងសុខាភិបាលបានរកឃើញករណីឆ្លងថ្មីកូវីដ-១៩ ចំនួន៧ករណី ត្រូវបានចាត់ចូលជាការឆ្លងក្នុងសហគមន៍។ ចំពោះរបាយការណ៍សរុបនៃជំងឺកូវីដ-១៩ ត្រឹមថ្ងៃទី២២ ខែឧសភា កម្ពុជាមានឆ្លងសរុបជិត១៤ម៉ឺននាក់ និងស្លាប់ជាង៣ពាននាក់៕