តុលាការខេត្តសៀមរាប សម្រេចឃុំខ្លួនឧត្តមសេនីយ៍មួយរូប ពីបទប៉ុនប៉ងសូកប៉ាន់

ចៅក្រមស៊ើបសួរ នៃសាលាដំបូងខេត្តសៀមរាប បានសម្រេចឱ្យឃុំខ្លួនលោកឧត្តមសេនីយ៍ត្រី សម្បត្តិ កុសល អតីតស្នងការរងខេត្តបន្ទាយមានជ័យជាបណ្ដោះអាសន្ន ពីបទប៉ុនប៉ងសូកប៉ាន់ និងបទប្តឹង​បរិហារដោយភូតកុហក។

បើយោងតាមដីការបង្គាប់ឱ្យឃុំខ្លួនបណ្ដោះអាសន្នរបស់លោក ភុប ផាណារិន ចៅក្រមស៊ើបសួរ នៃសាលាដំបូងខេត្តសៀមរាប ការសម្រេចរបស់តុលាការ ធ្វើឡើងពីបទពីបទ ប៉ុនប៉ងសូកប៉ាន់ ប្រព្រឹត្តនៅ​ខេត្ត​បន្ទាយមានជ័យ កាលពីអំឡុងឆ្នាំ២០២៣ និងពីបទប្តឹងបរិហារដោយភូតកុហក ប្រព្រឹត្តនៅខេត្តសៀមរាប កាលពីថ្ងៃទី ២៣ ខែធ្នូ ឆ្នាំ២០២៤។

មន្ត្រីតុលាការខេត្តសៀមរាបបានឲ្យដឹងថា ករណីឈ្មោះ សម្បត្តិ កុសល នេះគឺខាងអង្គភាព​ប្រឆាំង​អំពើពុករលួយបានបញ្ជូនក្នុងរឿង ព្រមទាំងជនត្រូវចោទ មកកាន់តុលាការខេត្តសៀមរាប ដើម្បី​បន្ត​នៅតែវិធី៕

អត្ថបទ៖ជុន កុសល

The post តុលាការខេត្តសៀមរាប សម្រេចឃុំខ្លួនឧត្តមសេនីយ៍មួយរូប ពីបទប៉ុនប៉ងសូកប៉ាន់ appeared first on Kampuchea Thmey Daily.