ក្រុមហ៊ុន Kim Soo Hyun បដិសេធបង្ខំ Sulli ឲ្យសម្ដែងក្នុងឈុតអាក្រាតកាយ
Gold Medalist Company បានបដិសេធការចោទប្រកាន់របស់បងប្រុស Sulli ដែលថា ក្រុមហ៊ុនបានបង្ខំនាងឲ្យសម្ដែងក្នុងឈុត 18+ ... The post ក្រុមហ៊ុន Kim Soo Hyun បដិសេធបង្ខំ Sulli ឲ្យសម្ដែងក្នុងឈុតអាក្រាតកាយ appeared first on Kampuchea Thmey Daily.

Gold Medalist Company ដែលជាក្រុមហ៊ុនគ្រប់គ្រងរបស់ Kim Soo Hyun បានឆ្លើយតបទៅនឹងការចោទប្រកាន់ទាក់ទងនឹងតារាសម្តែង Sulli ថារូបនាងត្រូវបង្ខំឲ្យសម្តែងក្នុងឈុតដ៏រសើប18+ ក្នុងខ្សែភាពយន្ត «Real» បើទោះបីជាមានតួជំនួសយាងណាក្ដី។
ទោះជាយ៉ាងណា Gold Medalist បានបញ្ជាក់ថា ស្គ្រីបដែលសិល្បករស្រី Choi Jin-ri (ឈ្មោះពិតរបស់ Sulli) និងក្រុមហ៊ុនគ្រប់គ្រង ទទួលបានរួមមានឈុតឆាកក្ដៅសាច់។ លើសពីនេះ ឯកសារពិពណ៌នាតួអង្គ ក៏បានបញ្ជាក់យ៉ាងច្បាស់អំពីកម្រិតនៃឈុតឆាកដ៏រសើបផងដែរ។ ឃ្លាអំពីឈុតអាក្រាតកាយក៏ត្រូវបានលើកឡើងយ៉ាងជាក់លាក់នៅក្នុងកិច្ចសន្យាចូលរួមភាពយន្ត ដែលតារាស្រីនិងក្រុមហ៊ុនគ្រប់គ្រងទទួលពិនិត្យ ដោយប្រុងប្រយ័ត្នបំផុតដែរ។

ក្រុមហ៊ុនក៏បានសង្កត់ធ្ងន់បន្ថែមទៀតថា ក្រុមការងារផលិតក៏បានរៀបចំយ៉ាងប្រុងប្រយ័ត្នសម្រាប់ឈុតនេះ ហើយ Sulli ក៏ត្រូវបានជូនដំណឹងយ៉ាងពេញលេញ និងយល់គ្រប់លម្អិត មុនពេលចាប់ផ្តើមថតរឿងមួយនេះ។
ដ្បិតថាយ៉ាងណា Gold Medalist បានបដិសេធការចោទប្រកាន់ពីបងប្រុសរបស់ Sulli ដែលថា ក្រុមហ៊ុនបានបង្ខំនាងឲ្យសម្ដែងក្នុងឈុតឆាក 18+ បើទោះបីជាមានតួជំនួសយាងណាក្ដី។ តំណាងក្រុមហ៊ុនបាននិយាយថា ពិតជាមិនមានការសម្ដែងទ្វេរដងសម្រាប់ឈុតក្ដៅសាច់នោះទេ។ មនុស្សដែលមានវត្តមាននៅក្នុងឈុតក្នុងពេលរៀបចំនោះ គ្រាន់តែគាំទ្រដំណើរការថតប៉ុណ្ណោះ ហើយមិនបានសម្តែងជំនួសតួសំខាន់ទេ។
យាងណា ដើម្បីបញ្ជាក់ពីការអះអាងរបស់ពួកគេ Gold Medalist ថែមទាំងហ៊ានបញ្ចេញឯកសារបញ្ជាក់ពីជំនួយការអ្នកដឹកនាំរឿង Kim Jong Ok និងអ្នកនិពន្ធរឿង Lee Jun Hyun ដែលបានចូលរួមដោយផ្ទាល់ នៅក្នុងការផលិតខ្សែភាពយន្ត Real ។
ជាចុងក្រោយ Gold Medalist បានបញ្ជាក់យ៉ាងច្បាស់ថា គ្រប់យ៉ាងតាំងពីការនិពន្ធ ការកំណត់ រចនា ដល់ការថត គឺជាការទទួលខុសត្រូវរបស់ក្រុមការងារផលិតកម្ម។ តារាសម្តែង Kim Soo Hyun ដែលសម្តែងក្នុងរឿង Real គឺគ្រាន់តែចូលរួមក្នុងគម្រោងជាតារាសម្តែងប៉ុណ្ណោះ ហើយមិនពាក់ព័ន្ធនឹងការសម្រេចចិត្តរបស់ផលិតកម្មទាំងនេះទេ។
បន្ថែមពីលើការបដិសេធចំពោះការចោទប្រកាន់ថាបានបង្ខំ Sulli ឲ្យសម្ដែងក្នុងឈុតសិច ក្រុមហ៊ុនគ្រប់គ្រងក៏បដិសេធចំពោះការចោទប្រកាន់ថា Kim Soo Hyun បានណាត់ជួប Kim Sae Ron កាលពីនាងនៅជាអនីតិជន។ Kim Soo Hyun រក្សាជំហររបស់គាត់ ក្នុងការណាត់ជួប Kim Sae Ron នៅពេលដែលនាងពេញវ័យបុណ្ណោះ។
ដោយឡែក ទាក់ទិននឹងវីដេអូឃ្លិបទាំងពីររបស់ Kim Soo Hyun ញ៉ាំបាយ និងច្រៀងខារ៉ាអូខេនៅផ្ទះ Kim Sae Ron ថតកាលពីឆ្នាំ ២០១៨ តារាប្រុសរូបនេះបាននិយាយថា ពេលនោះអ្នកទាំងពីរគ្រាន់តែជាមិត្តនឹងគ្នា មិនមែនស្រលាញ់គ្នាទេ។
តារាប្រុសវ័យ៣៧ឆ្នាំ ថែមទាំងពន្យល់បន្ថែមថា «ពួកយើងក៏ដូចគូស្នេហ៍ដទៃដែរ ពួកយើងមានអារម្មណ៍ល្អ ប៉ុន្តែយូរៗទៅយើងបែកគ្នា ក្រោយមក លោកនិងនាងកម្រទាក់ទងគ្នាណាស់ ដូចគូស្នេហ៍ភាគច្រើនក្រោយបែកគ្នា ការរក្សាទំនាក់ទំនងមិនងាយស្រួលទេ។
យាងណាមិញ ងាកមកាន់រឿងរ៉ាវសន្និសីទសារព័ត៌មានទាំងទឹកភ្នែករបស់ Kim Soo Hyun កាលពីប៉ុន្មានថ្ងៃមុននេះ តារាសម្ដែងកូរ៉េបាននិយាយពីសម្ពាធដែលខ្លួនមាន ដោយបញ្ជាក់ថា លោកនឹងមិនចុះចាញ់ និងបញ្ជាក់ពីភាពគ្មានកំហុសរបស់ខ្លួនទៅកាន់មហាជនដដែល៕

អត្ថបទ៖ សាង ស្រីល័ក្ខ
ចុចអាន៖Kim Soo Hyun ប្រឈមបញ្ហាធំក្នុងអាជីព ត្រូវគេដកកិច្ចសន្យាចោលខ្ទេច ក្រោយសន្និសីទចប់ភ្លាមៗ
The post ក្រុមហ៊ុន Kim Soo Hyun បដិសេធបង្ខំ Sulli ឲ្យសម្ដែងក្នុងឈុតអាក្រាតកាយ appeared first on Kampuchea Thmey Daily.