ពលរដ្ឋមួយគ្រួសារនៅស្រុកស្រែអំបិល ពុលផ្សិតអំឡុងបះមកចម្អិនធ្វើម្ហូប

ប្រជាពលរដ្ឋមួយគ្រួសារ រស់នៅភូមិសាលាម្នាង ឃុំ បឹងព្រាវ ស្រុកស្រែអំបិល បានពុលផ្សិតក្អួតសន្លប់មិនពុំដឹងខ្លួន ដោយកំពុងបញ្ជូនទៅព្យាបាលបន្តនៅរាជធានីភ្នំពេញ The post ពលរដ្ឋមួយគ្រួសារនៅស្រុកស្រែអំបិល ពុលផ្សិតអំឡុងបះមកចម្អិនធ្វើម្ហូប appeared first on Kampuchea Thmey Daily.

ព័ត៌មាន មេសា 25, 2025 បន្ថែមចូលក្នុងបញ្ជីរអាន

ពលរដ្ឋមួយគ្រួសារនៅស្រុកស្រែអំបិល ពុលផ្សិតអំឡុងបះមកចម្អិនធ្វើម្ហូប

កោះកុង ៖ ប្រជាពលរដ្ឋមួយគ្រួសារ រស់នៅភូមិសាលាម្នាង ឃុំ បឹងព្រាវ ស្រុកស្រែអំបិល បានពុលផ្សិតក្អួតសន្លប់មិនពុំដឹងខ្លួន ដោយកំពុងបញ្ជូនទៅព្យាបាលបន្តនៅរាជធានីភ្នំពេញ។

លោកវេជ្ជបណ្ឌិត សៅ សូនី ប្រធានការិយាល័យសុខាភិបាលប្រតិបត្តិស្រុកស្រែអំបិលបានឱ្យដឹងនៅរសៀលថ្ងៃទី២៥ ខែមេសា ឆ្នាំ២០២៥នេះថា កាលពីម៉ោង១និង៣០នាទី គ្រួសារពលរដ្ឋដែលមានសមាជិក៧នាក់ បានពុលផ្សិតដោយច្រឡំថា ជាផ្សិតក្ងោក ដោយពលរដ្ឋក្នុងភូមិនាំគ្នាបញ្ជូនមកកាន់មន្ទីរពេទ្យបង្អែកស្រុក ដើម្បីពិនិត្យសង្រ្គោះបន្ទាន់។

បើតាមលោកវេជ្ជបណ្ឌិត សៅ សូនី បន្តទៀតថា ក្រុមគ្រូពេទ្យបានប្រឹងប្រែងពិនិត្យព្យាបាលតាមរយៈការចាក់ថ្នាំ និងលាងក្រពះដល់ពួកគេ ប៉ុន្តែមើលឃើញពីអាការៈធ្ងន់ធ្ងរក៏បានបញ្ចូនទៅកាន់រាជធានីភ្នំពេញបន្ត។

បន្ទាប់ពីឃើញមានករណីពុលផ្សិតនេះ ក្រុមមន្រ្តីសុខាភិបាល គ្រូពេទ្យ និងអាជ្ញាធរសមត្ថកិច្ចមូលដ្ឋានបានចុះផ្សព្វផ្សាយអប់រំណែនាំបន្ថែមទៅដល់ប្រជាពលរដ្ឋអំពីការប្រុងប្រយ័ត្នខ្ពស់ពីការពិសាផ្សិត ប្រសិនមិនស្គាល់ប្រភពវាច្បាស់លាស់ដែលនាំឱ្យគ្រោះថ្នាក់ដល់ជីវិត។

ជនរងគ្រោះដោយសារពុលផ្សិត ទី១-កុសល្យ សក្កណា 12ឆ្នាំ ស្រី ទី២-ថា ចាន់ថេង 3ឆ្នាំ 6ខែ ភេទប្រុស ទី៣-កុសល្យ ភក្ត្រា 11ឆ្នាំ ភេទប្រុស ទី៤-វិន ស្រីអូន 27ឆ្នាំ ភេទស្រី ទី៥-កុសល្យ លីតា 7ឆ្នាំ ភេទស្រី ទី៦-ថា ចាន់ថាន 10ឆ្នាំ ភេទប្រុស ទី៧-អូន ចាន់ថា 29 ឆ្នាំ ភេទប្រុស៕

អត្ថបទ ៖ សិរិវឌ្ឍនៈ