កូរ៉េខាងត្បូង ត្រៀមបាញ់បង្ហោះផ្កាយរណបចារកម្មទីបួន ដើម្បីឈ្លបការណ៍កូរ៉េខាងជើង
កូរ៉េខាងត្បូង គ្រោងនឹងបាញ់បង្ហោះផ្កាយរណបឈ្លបយកការណ៍យោធាទី៤របស់ខ្លួននៅថ្ងៃទី... The post កូរ៉េខាងត្បូង ត្រៀមបាញ់បង្ហោះផ្កាយរណបចារកម្មទីបួន ដើម្បីឈ្លបការណ៍កូរ៉េខាងជើង appeared first on Kampuchea Thmey Daily.
កូរ៉េខាងត្បូង គ្រោងនឹងបាញ់បង្ហោះផ្កាយរណបឈ្លបយកការណ៍យោធាទី៤របស់ខ្លួននៅថ្ងៃទី២២ខែមេសាឆ្នាំ២០២៥នេះ ពីមូលដ្ឋានទ័ពអវកាស Vandenberg ក្នុងរដ្ឋកាលីហ្វ័រញ៉ា។
ផ្កាយរណបនេះ នឹងត្រូវបញ្ជូនទៅកាន់គន្លងតារាវិថីដោយរ៉ុកកែត SpaceX Falcon 9 ដែលជាផ្នែកមួយនៃ «គម្រោង៤២៥» របស់ប្រទេសកូរ៉េខាងត្បូង ដោយមានគោលបំណងពង្រឹងសមត្ថភាពឃ្លាំមើលលើឧបទ្វីបកូរ៉េ និងតំបន់ជុំវិញ។
ក្រសួងការពារជាតិកូរ៉េខាងត្បូង បានរៀបរាប់ថា៖ «ប្រសិនបើផ្កាយរណបឈ្លបយកការណ៍យោធាទី៤ ត្រូវបានបាញ់បង្ហោះដោយជោគជ័យ … វានឹងអាចរកឃើញសញ្ញានៃការបង្កហេតុរបស់កូរ៉េខាងជើងកាន់តែត្រឹមត្រូវ និងឆាប់រហ័ស»។
ការបាញ់បង្ហោះនេះ គឺជាលើកទី៤ហើយក្នុងចំណោមផ្កាយរណបចំនួន៥ ដែលត្រូវបានគ្រោងទុកក្នុងគោលបំណងផ្តល់ឲ្យកូរ៉េខាងត្បូងនូវការត្រួតពិនិត្យឯករាជ្យ និងពេលវេលាជាក់ស្តែងក្នុងការឃ្លាំមើលសកម្មភាពកូរ៉េខាងជើង។ នៅពេលដែលផ្កាយរណបទាំង៥ដំណើរការរួចរាល់ កូរ៉េខាងត្បូងរំពឹងថានឹងសម្រេចបាននូវការឃ្លាំមើលសកម្មភាពរបស់កូរ៉េខាងជើងប្រហែលរៀងរាល់២ម៉ោងម្តង ដោយកាត់បន្ថយការពឹងផ្អែកលើប្រភពចារកម្មបរទេស។
គំនិតផ្តួចផ្តើមនេះបានឆ្លុះបញ្ចាំងពីការប្តេជ្ញាចិត្តរបស់កូរ៉េខាងត្បូងក្នុងការពង្រឹងជំហរការពាររបស់ខ្លួន ចំពេលមានភាពតានតឹងក្នុងតំបន់ ជាពិសេសចំពោះភាពជឿនលឿនរបស់ប្រទេសកូរ៉េខាងជើងនៅក្នុងបច្ចេកវិទ្យាមីស៊ីល និងផ្កាយរណប៕
ដោយ៖ ឈាង
The post កូរ៉េខាងត្បូង ត្រៀមបាញ់បង្ហោះផ្កាយរណបចារកម្មទីបួន ដើម្បីឈ្លបការណ៍កូរ៉េខាងជើង appeared first on Kampuchea Thmey Daily.
