កម្ពុជានឹងមិនដកថយឬឈរជើងដោយគ្មានអាវុធនៅចំណុចប៉ះទង្គិចគ្នាទេ

អគ្គបញ្ជាការដ្ឋានកងយុទ្ធពលខេមរភូមិន្ទបានបញ្ជាក់ថាកម្ពុជានឹងមិនដកថយ ឬឈរជើងដោយគ្មានអាវុធនៅចំណុចដែលគ្មានប៉ះទង្គិចគ្នានោះទេ។ នេះបើតាមសេចក្ដីថ្លែងការណ៍ពីលទ្ធផលជំនួបជាមួយថៃនៅយប់ថ្ងៃទី២៩ ខែឧសភា ឆ្នាំ២០២៥នេះ។ The post កម្ពុជានឹងមិនដកថយឬឈរជើងដោយគ្មានអាវុធនៅចំណុចប៉ះទង្គិចគ្នាទេ appeared first on Kampuchea Thmey Daily.

ព័ត៌មាន ឧសភា 29, 2025 បន្ថែមចូលក្នុងបញ្ជីរអាន

កម្ពុជានឹងមិនដកថយឬឈរជើងដោយគ្មានអាវុធនៅចំណុចប៉ះទង្គិចគ្នាទេ

អគ្គបញ្ជាការដ្ឋានកងយុទ្ធពលខេមរភូមិន្ទបានបញ្ជាក់ថាកម្ពុជានឹងមិនដកថយ ឬឈរជើងដោយគ្មានអាវុធនៅចំណុចដែលគ្មានប៉ះទង្គិចគ្នានោះទេ។ នេះបើតាមសេចក្ដីថ្លែងការណ៍ពីលទ្ធផលជំនួបជាមួយថៃនៅយប់ថ្ងៃទី២៩ ខែឧសភា ឆ្នាំ២០២៥នេះ។

ក្នុងសេចក្ដីថ្លែងការណ៍បញ្ជាក់ថាក្រោយជំនួបរវាងមេបញ្ជាការទ័ពជើងគោកកម្ពុជា នាយឧត្តមសេនីយ៍ ម៉ៅ សុផាន់ និងមេបញ្ជាការកងទ័ពជើងគោកថៃនាយឧត្តមសេនីយ៍ Pana Klaewblaudtuk នៅរសៀលថ្ងៃទី២៩ ខែឧសភានេះ ភាគីទាំងពីរសម្រេចបានលទ្ធផល៤ចំនុច ដោយបន្តដោះស្រាយស្ថានការណ៍ព្រំដែនតាមគ្រប់យន្តការដែលមានស្រាប់ បន្តគ្រប់គ្រងស្ថានការណ៍តាមស្ថានភាពដើម រក្សាភាពអត់ធ្មត់ គោរពបូរណភាពទឹកដីទៅវិញទៅមក ហើយកម្ពុជានឹងមិនដកថយ ឬឈរជើងដោយគ្មានអាវុធនៅចំណុចដែលប៉ះទង្គិចគ្នានោះទេ។

ក្នុងសេចក្ដីថ្លែងការណ៍ត្រង់ចំណុចទី៤បញ្ជាក់ថា៖ «ភាគីកម្ពុជា នឹងមិនដកថយ ឬឈរជើងដោយគ្មានអាវុធនៅចំណុចដេលបានប៉ះទង្គិចគ្នានោះទេ ព្រោះទីតាំងនោះភាគីកម្ពុជាឈរជើងតាំងពីមុនពេលចុះហត្ថលេខាលើអនុស្សារណៈនៃការយោគយល់គ្នាឆ្នាំ២០០០ ស្ដីពីការវាស់វែងនិងខណ្ឌសីមាព្រំដែនគោករវាងកម្ពុជា-ថៃ»។

គួរឱ្យដឹងដែរថា ហេតុការណ៍ប៉ះទង្គិចរវាងកងទ័ពកម្ពុជា និងថៃកាលពីព្រឹកថ្ងៃទី២៨ ខែឧសភា ឆ្នាំ២០២៥ នៅចំណុចព្រំដែនមុំ៣ ស្រុកជាំក្សាន្ត ខេត្តព្រះវិហារ បណ្ដាលមកពីការឆ្មក់ចូលមកវាយប្រហារពីកងទ័ពថៃមុនលើកងទ័ពកម្ពុជា។ សកម្មភាពនេះធ្វើឱ្យទាហានខ្មែរម្នាក់ស្លាប់បាត់បង់ជីវិត និងបានបង្កឱ្យស្ថានភាពព្រំដែនកម្ពុជា-ថៃឡើងកម្ដៅជាខ្លាំងដោយកងទ័ពកម្ពុជាបានចល័តទៅត្រៀមនៅខ្សែមុខនៅព្រំដែនផងដែរ៕