ប៉ូលិសថៃចាប់ខ្លួនស្ត្រីឡាវនៅព្រំដែនពីបទរត់ពន្ធថ្នាំញៀន១៤ម៉ឺនគ្រាប់
ប៉ូលិសថៃបានចាប់ខ្លួនស្ត្រីឡាវម្នាក់ដែលប៉ុនប៉ងចូលប្រទេសថៃនៅស្ពានមិត្តភាពថៃ-ឡាវទី១ ក្នុងខេត្តក្នុង Nong Khai ពីបទរត់ពន្ធថ្នាំEcstasy ... The post ប៉ូលិសថៃចាប់ខ្លួនស្ត្រីឡាវនៅព្រំដែនពីបទរត់ពន្ធថ្នាំញៀន១៤ម៉ឺនគ្រាប់ appeared first on Kampuchea Thmey Daily.
យោងតាមការចេញផ្សាយរបស់ Laotian Times កាលពីថ្ងៃទី ១១ ឧសភា ប៉ូលិសថៃបានចាប់ខ្លួនស្ត្រីឡាវម្នាក់ដែលប៉ុនប៉ងចូលប្រទេសថៃនៅស្ពានមិត្តភាពថៃ-ឡាវទី១ ក្នុងខេត្តក្នុង Nong Khai ពីបទរត់ពន្ធថ្នាំ Ecstasy (ស្រដៀងថ្នាំមេតំហ្វេតាមីន) មានតម្លៃប្រហែល ៥៥លានបាត (១.៤៨ លានដុល្លារ)។
ដំបូងឡើយ សមត្ថកិច្ចថៃសង្ស័យរថយន្ត Toyota ពណ៌ប្រាក់ពាក់ស្លាកលេខឡាវ ប៉ុនប៉ងឆ្លងដែន ក៏សុំឆែកឆេររថយន្ត។ក្នុងពេលចុះត្រួតពិនិត្យ ប៉ូលិសបានរកឃើញថ្នាំញៀនចំនួន ១៣៧,០០០ កញ្ចប់ក្នុងថង់ប្លាស្ទិកចំនួន ១៣៩ ថង់។ ថ្នាំគ្រាប់នេះមានពណ៌ផ្សេងៗគ្នា រួមមានពណ៌បៃតង ពណ៌ស្វាយ និងពណ៌ទឹកក្រូច។
ជនសង្ស័យមានឈ្មោះហៅក្រៅថា Namwan អាយុ២៣ឆ្នាំ ក្រោយមកបានសារភាពថា នាងត្រូវបានជួលដោយជនជាតិឡាវម្នាក់ទៀត ឱ្យដឹកថ្នាំញៀនទៅឱ្យអ្នកទទួលនៅផ្សារទំនើបមួយក្នុងខេត្ត Nong Khai ជាថ្នូរនឹងប្រាក់ចំនួន ១០,០០០បាត (ប្រហែល ៣០៤ ដុល្លារអាមេរិក)។
ថ្នាំញៀនដែលរឹបអូសបាននិងជនសង្ស័យត្រូវបានប្រគល់ឲ្យក្រុមស៊ើបអង្កេតដើម្បីចាត់ការបន្តតាមផ្លូវច្បាប់៕
អត្ថបទ៖ ប៊ុន សុភាព
The post ប៉ូលិសថៃចាប់ខ្លួនស្ត្រីឡាវនៅព្រំដែនពីបទរត់ពន្ធថ្នាំញៀន១៤ម៉ឺនគ្រាប់ appeared first on Kampuchea Thmey Daily.
