គេហទំព័រ KITCO បង្ហាញតម្លៃមាស បន្ទាប់ពីមានការធ្លាក់ចុះរយៈពេល ៣ថ្ងៃជាប់ៗគ្នា

បរទេស៖ មាសបានបញ្ចប់សប្តាហ៍ជាមួយនឹងសកម្មភាពតិចតួច ខណៈដែលកិច្ចសន្យាអនាគតខែមិថុនាសកម្មបំផុតបានទូទាត់នៅតម្លៃ ៣.២៤៧,៤០ដុល្លារ ធ្លាក់ចុះត្រឹមតែ ០,៩០ដុល្លារ ឬ ០,០៣ភាគរយ កាលពីថ្ងៃសុក្រ។ លទ្ធផលធ្លាក់ចុះនេះធ្វើឡើងបន្ទាប់ពីការធ្លាក់ចុះគួរឱ្យកត់សម្គាល់បីថ្ងៃជាប់គ្នាបន្ទាប់ពីការកើនឡើង ២៤ ដុល្លារកាលពីថ្ងៃចន្ទ។ លោហៈដ៏មានតម្លៃបានធ្លាក់ចុះ ២៧,២០ ដុល្លារនៅថ្ងៃអង្គារ , ២៨,៤០ ដុល្លារនៅថ្ងៃពុធ និង ៥០,៩០ ដុល្លារនៅថ្ងៃព្រហស្បតិ៍។

យោងតាមគេហទំព័រ KITCO ចេញផ្សាយកាលពីថ្ងៃទី២ ខែឧសភា ឆ្នាំ២០២៥ បានឱ្យដឹងថា ទំនោរធ្លាក់ចុះរយៈពេលបីថ្ងៃបានទាញមាសខែមិថុនាពីតម្លៃបើកកាលពីថ្ងៃអង្គារនៃតម្លៃ ៣.៣៥៤,៩០ដុល្លារ ដល់តម្លៃបិទកាលពីថ្ងៃព្រហស្បតិ៍ គឺ ៣.២៤៨,៣០ដុល្លារ ដែលបណ្តាលឱ្យមានការធ្លាក់ចុះចំនួន ១០៦,៦០ដុល្លារ ។ សម្រាប់រយៈពេលមួយសប្តាហ៍ដែលមាសបានធ្លាក់ចុះ ៨២,៨០ដុល្លារ ។

ចលនាតម្លៃក្នុងសប្តាហ៍នេះបានកើតឡើងចំពេលមានរបាយការណ៍សេដ្ឋកិច្ចសំខាន់ៗ និងការអភិវឌ្ឍទីផ្សារ។ កាលពីថ្ងៃសុក្រ ការិយាល័យស្ថិតិការងាររបស់សហរដ្ឋអាមេរិកបានរាយការណ៍ថា ប្រាក់បៀវត្សរ៍មិនមែនកសិកម្មបានកើនឡើងចំនួន ១៧៧.០០០ ការងារនៅក្នុងខែមេសា ដែលលើសពីការប៉ាន់ប្រមាណការយល់ស្របនៃមុខតំណែងចំនួន ១៣៣.០០០ នេះបើយោងតាម MarketWatch ។ តួលេខនេះតំណាងឱ្យការថយចុះបន្តិចពីការងារ ១៨៥.០០០ ដែលបានកែសម្រួលកាលពីខែមីនា។

ទិន្នន័យការងារមកដល់នៅពេលដែលការចរចាពាណិជ្ជកម្មរវាងសហរដ្ឋអាមេរិក និងចិន គឺបានបង្ហាញសញ្ញានៃវឌ្ឍនភាពដែលមានសក្តានុពល។ ប្រទេសចិនថ្មីៗនេះបានបង្ហាញថា ខ្លួនកំពុងពិចារណាលើសំណើរបស់សហរដ្ឋអាមេរិកសម្រាប់កិច្ចចរចាពាណិជ្ជកម្ម ទោះបីជាខ្លួនស្វែងរកការកាត់បន្ថយពន្ធ ១៤៥ភាគរយ ដែលដាក់ដោយរដ្ឋបាលលោក Trump លើការនាំចូលរបស់ចិនកាលពីខែមុនដែលជាលក្ខខណ្ឌជាមុនសម្រាប់ការចរចា៕

ប្រែសម្រួលៈ ណៃ តុលា