អាជ្ញាធរសង្កាត់ចោមចៅទី១ ដាក់អេស្កាវទ័រស្តារប្រឡាយលូមេមួយខ្សែ ដែលពោរពេញទៅដោយសំរាម
នារសៀលថ្ងៃទី២៩ ខែឧសភា ឆ្នាំ២០២៥នេះ អាជ្ញាធរសង្កាត់ចោមចៅទី១ បានចុះត្រួតពិនិត្យ ប្រឡាយលូមេនៅទួលពង្រ និងបានដាក់អេស្កាវទ័រស្ដារយកសំរាម The post អាជ្ញាធរសង្កាត់ចោមចៅទី១ ដាក់អេស្កាវទ័រស្តារប្រឡាយលូមេមួយខ្សែ ដែលពោរពេញទៅដោយសំរាម appeared first on Kampuchea Thmey Daily.
ភ្នំពេញ ៖ នារសៀលថ្ងៃទី២៩ ខែឧសភា ឆ្នាំ២០២៥នេះ អាជ្ញាធរសង្កាត់ចោមចៅទី១ បានចុះត្រួតពិនិត្យ ប្រឡាយលូមេនៅទួលពង្រ និងបានដាក់អេស្កាវទ័រស្ដារយកសំរាម និងស្មៅដែលដុះក្នុងប្រឡាយលូ ដើម្បីសម្រួលចរន្តទឹកហូរឱ្យបានលឿន ជៀសវាងការជន់លិចដោយសារទឹកភ្លៀង។
លោក កង វង ចៅសង្កាត់ចោមចៅទី១ បានឱ្យដឹងថាដោយសារតែមេីលឃេីញស្មៅបានដុះពាសពេញលេីផ្ទៃទឹកប្រឡាយមេ ក៏ដូចជាមានបងប្អូនមួយចំនួន បានបោះកាកសំណល់សំរាមចូលទៅក្នុងទឹកប្រឡាយធ្វេីឱ្យចរន្តទឹកហូរយឺតងាយ នឹងស្ទះពេលភ្លៀងមកម្តងៗ ទេីបលោកបានដឹកនាំក្រុមការងារចុះពិនិត្យជាក់ស្តែង និងដាក់អេស្កាវទ័រ ដេីម្បីកាយប្រមូលសំរាម យកស្មៅចេញបេីកឱ្យចរន្តទឹកហូរលឿន។
លោក ចៅសង្កាត់បានសំណូមពរដល់បងប្អូនទាំងអស់ មេត្តាវេចខ្ចប់ទុកដាក់សំរាមឱ្យបានត្រឹមត្រូវជៀសវាងបោះចោលចូលក្នុងប្រឡាយលូ ព្រោះវាងាយនិងស្ទះចរន្តទឹកហូរ ហេីយក៏ប្រឈមនឹងការជន់លិចនារដូវវស្សា៕
ដោយ ៖ សុខា
The post អាជ្ញាធរសង្កាត់ចោមចៅទី១ ដាក់អេស្កាវទ័រស្តារប្រឡាយលូមេមួយខ្សែ ដែលពោរពេញទៅដោយសំរាម appeared first on Kampuchea Thmey Daily.
