សម្ដេចតេជោ បញ្ជាក់ថា ការកែសម្រួលមិនមែនជាការដកទ័ពទេ ឯការប្តឹងទៅICJ គឺប្តឹងដដែល

សម្ដេចថាថា៖ «រៀនយល់មិនមែនដកកងទ័ពចេញពីដីខ្លួនឯងទេតែជាការកែសម្រួលកម្លាំងក្នុងទឹកដីរបស់ខ្លួន។ ការកែសម្រួលប្រៀបដូចជានៅលើគ្រែដេកពីមុនដេកក្បាលទៅជើងតែពេលនេះដេកក្បាលទៅកើតវិញ»។ The post សម្ដេចតេជោ បញ្ជាក់ថា ការកែសម្រួលមិនមែនជាការដកទ័ពទេ ឯការប្តឹងទៅICJ គឺប្តឹងដដែល appeared first on Kampuchea Thmey Daily.

ព័ត៌មាន មិថុនា 8, 2025 បន្ថែមចូលក្នុងបញ្ជីរអាន

សម្ដេចតេជោ បញ្ជាក់ថា ការកែសម្រួលមិនមែនជាការដកទ័ពទេ ឯការប្តឹងទៅICJ គឺប្តឹងដដែល

ប្រធានព្រឹទ្ធសភា សម្ដេចតេជោ ហ៊ុន សែន បានបញ្ជាក់ថា កម្ពុជាសម្រេចកែសម្រួលកម្លាំងក្នុងដីរបស់ខ្លួន មិនមែនជាការដកទ័ពចេញពីតំបន់ជម្លោះជាមួយថៃនោះទេ។ ការបញ្ជាក់នេះ គឺក្រោយពីរដ្ឋាភិបាលកម្ពុជា និងថៃបានសម្រេចកែសម្រួលកងទ័ពនៅកន្លែងមានជម្លោះរៀងខ្លួននៅថ្ងៃទី៨ ខែមិថុនានេះ។ ជាមួយនឹងបញ្ជាក់បែបនេះ សម្តេចតេជោ ក៏បានអះអាងថា បើទោះកម្ពុជា-ថៃសម្រួលកងទ័ព ប៉ុន្តែ ការបប្តឹងទៅតុលាការយុត្តិធម៌អន្តរជាតិ(ICJ) គឺនៅតែប្តឹងដដែល។

តាមរយៈការឆ្លើយតបក្នុង comment នៅយប់ថ្ងៃទី៨ ខែមិថុនា ឆ្នាំ២០២៥នេះ សម្តេចតេជោ ហ៊ុន សែន បានអះអាងថា៖ «រៀនយល់មិនមែនដកកងទ័ពចេញពីដីខ្លួនឯងទេ តែជាការកែសម្រួលកម្លាំងក្នុងទឹកដីរបស់ខ្លួន។ ការកែសម្រួលប្រៀបដូចជានៅលើគ្រែដេកពីមុនដេកក្បាលទៅជើងតែពេលនេះដេកក្បាលទៅកើតវិញ»។

ជាមួយនឹងការពន្យល់ និងបកស្រាយបែបនេះ សម្តេចតេជោ ហ៊ុន សែន ក៏បានឆ្លើយតបទៅនឹងអ្នកខមិនផងដែរពាក់ព័ន្ធនឹងដំណើរការប្តឹងទៅតុលាការយុត្តិធម៌អន្តរជាតិឱ្យដោះស្រាយបញ្ហាប្រាសាទតាមាន់តូច ប្រាសាទតាមាន់ធំ ប្រាសាទតាក្របី និងតំបន់មុំ៣។ សម្តេចតេជោ បានគូសបញ្ជាក់ថា៖ «រឿងប្តឹងទៅicjមិនប្រែប្រួលទេ»។

ការបញ្ជាក់របស់សម្ដេចតេជោ គឺបន្ទាប់ពីមេបញ្ជាការទ័ពថៃ និងកម្ពុជាបានសម្រេចឱ្យទាហានទាំងសងខាងឱ្យត្រឡប់ចូលតំបន់ដែលសមស្រប ដើម្បីកាត់បន្ថយភាពតានតឹង និងប្រឈមមុខគ្នានៅតាមព្រំដែន។ ប៉ុន្តែ សារព័ត៌មានប្រទេសថៃមួយចំនួននៅយប់ថ្ងៃទី៨ ខែមិថុនានេះ បានចុះផ្សាយបែបកេងចំណេញថា កម្ពុជាបានដកទ័ពចេញពីទីតាំងមានជម្លោះនៅល្ងាចថ្ងៃទី៨ ខែមិថុនានេះ ទោះជាយ៉ាងណាអ្នកនាំពាក្យក្រសួងការពារជាតិ នាយឧត្តមសេនីយ៍ ឈុំ សុជាត បានច្រានចោលនឹងបញ្ជាក់ថា ការកែសម្រួលនេះ មិនមែនជាការដកទ័ពពីតំបន់មានជម្លោះនោះទេ។ លោកថា៖ «អត់ទេ! យើងអត់មានដកថយទេ!»។

នាយករដ្ឋមន្ត្រីថៃ លោកស្រី ផែថងថាន ស៊ីណាវ៉ាត់ អះអាងនៅលើបណ្ដាញសង្គមលោកស្រីថា ការសម្រេចកែសម្រួលកងទ័ពដោយកម្ពុជា និងថៃនេះ គឺដើម្បីកាត់បន្ថយភាពតានតឹង ហើយនឹងពង្រឹងកិច្ចសហប្រតិបត្តិការតាមរយៈយន្តការរបស់JBC នៅថ្ងៃទី១៤ ខែមិថុនា ឆ្នាំ២០២៥ ដែលធ្វ់ើឡើងនៅរាជធានីភ្នំពេញ។ លោកស្រីបន្ថែមថា៖ «ការពិភាក្សានៅគ្រប់កម្រិត នឹងបន្តដើម្បីធ្វើឱ្យទំនាក់ទំនងរវាងប្រទេសទាំងពីរត្រឡប់ទៅសភាពធម្មតាវិញយ៉ាងឆាប់រហ័ស»។

គួរឱ្យដឹងថា កម្ពុជាមានជម្លោះព្រំដែនជាមួយថៃនៅតំបន់ចំនួន៤ រួមមាន តំបន់ប្រាសាទតាមាន់តូច តាមាន់ធំ តាក្របី និងតំបន់មុំបី ដែលស្ថិតក្នុងខេត្តឧត្តរមានជ័យ និងខេត្តព្រះវិហារ។ ករណីជម្លោះនៅតំបន់ទាំង៤នេះ ក៏ត្រូវបានរាជរដ្ឋាភិបាលកម្ពុជាប្ដឹងទៅកាន់តុលាការយុត្តិធម៌អន្តរជាតិ ICJ ផងដែរដើម្បីបញ្ជប់ជម្លោះដ៏រ៉ាំរ៉ៃនេះ៕