លោក ហ៊ុយ យ៉ាឡេង ប្រតិកម្មនឹងផលិតករខ្មែរគិតតែផលប្រយោជន៍បុគ្គលផ្ទាល់ខ្លួន
លោក ហ៊ុយ យ៉ាឡេង ប្រតិកម្មនឹងផលិតករខ្មែរ... The post លោក ហ៊ុយ យ៉ាឡេង ប្រតិកម្មនឹងផលិតករខ្មែរគិតតែផលប្រយោជន៍បុគ្គលផ្ទាល់ខ្លួន appeared first on Kampuchea Thmey Daily.
ផលិតករភាពយន្តខ្មែរ លោក ហ៊ុយ យ៉ាឡេង បានផ្ទុះប្រតិកម្ម បន្ទាប់ពីឃើញផលិតករជំនាន់ក្រោយគិតតែផលប្រយោជន៍ផ្ទាល់ខ្លួន ដោយមិនចូលរួមលើកស្ទួយវិស័យភាពយន្តរបស់ជាតិ។ លោកចាត់ទុកថា នេះជាការពុំឲ្យតម្លៃលើផលិតករគ្នាឯង។
លោក ហ៊ុយ យ៉ាឡេង បានលើកឡើងថា «ក្នុងនាមជាជនជាតិតែមួយ យើងមិនគួរដណ្ដើមគ្នារស់នោះទេ យើងត្រូវចែកគ្នារស់ តាំងពីដើមមក ក្រុមផលិតករបានឯកភាពគ្នារឿងខ្មែររក្សាគម្លាតគ្នាបញ្ចាំង ១ អាទិត្យ ១ រឿង ចូលថ្ងៃព្រហស្បតិ៍ហើយ ពួកយើងមិនដែលបំពានគ្នាទេ តែអ្នកមកក្រោយ ទោះអ្នកមិនបានចូលក្នុងក្រុមផលិតករ ក៏អ្នកមិនគួរណាចង់បំបែកច្បាប់អ្នកចាស់ដែលមិនទាន់បានចូលតុចរចាដែរ»។
ផលិតករ លោក ហ៊ុយ យ៉ាឡេង បាននិយាយទៀតថា «ចុះបើមានអ្នកផ្សេងធ្វើដាក់អ្នកវិញ តើអ្នករីករាយទេ ហើយបើនាំគ្នាធ្វើស្រេចតែចិត្ត បែកម៉ាំ តើវិស័យភាពយន្តនឹងទៅជាយ៉ាងណា ពួកយើងចង់ជួបអ្នក ហើយចង់ដឹងពីចិត្តអ្នក តើអ្នកចង់ធ្វើបែបណាលើវិថីភាពយន្តនេះ»។
លោក ហ៊ុយ យ៉ាឡេង បានបញ្ជាក់បន្ថែមទៀតថា «យើងមាននាយកដ្ឋានភាពយន្ត យើងមានសមាគមភាពយន្ត យើងមានសមាគមផលិតករ យើងបង្កើតមក ដើម្បីរកផ្លូវតែមួយ ដើម្បីអភិវឌ្ឍន៍ភាពយន្តខ្មែរ តើអ្នកចង់ដើរតែម្នាក់ឯង ដោយមិនខ្វល់ពីពួកយើងទាំងអស់គ្នា ឬមួយយ៉ាងណា»។
គួរបញ្ជាក់ថា ផលិតករភាពយន្តខ្មែរ លោក ហ៊ុយ យ៉ាឡេង ថ្វីត្បិតកន្លងទៅ លោកត្រូវខាតបង់អស់ទ្រព្យពីខ្លួនក្នុងការផលិតរឿងក៏ពិតមែន ប៉ុន្តែលោកនៅរក្សាជំហរ និងឆន្ទៈ សម្រាប់លើកស្ទួយវិស័យសិល្បៈរបស់ខ្មែរ ដើម្បីផ្សព្វផ្សាយទៅកាន់ពិភពលោក។ ជាឆន្ទៈរបស់ លោក ហ៊ុយ យ៉ាឡេង ក៏បានធ្វើការសន្យាដោយខិតខំប្រឹងឲ្យអស់លទ្ធភាព ដើម្បីចូលរួមការពារថែរក្សាលើកតម្កើងសិល្បៈទៅកាន់ពិភពលោក៕
អត្ថបទ ៖ ចាន់រ៉ា
The post លោក ហ៊ុយ យ៉ាឡេង ប្រតិកម្មនឹងផលិតករខ្មែរគិតតែផលប្រយោជន៍បុគ្គលផ្ទាល់ខ្លួន appeared first on Kampuchea Thmey Daily.
