លោក​ ហែម​ គិរី​ ឲ្យ​តែ​មាន​ការ​ឧបត្ថម្ភ​គាំទ្រ​សហព័ន្ធ​សប្បាយ​រីករាយ​នឹង​រៀបចំ​ព្រឹត្តិការណ៍​

អគ្គលេខាធិការ​សហព័ន្ធ​ខ្មែរ​កីឡា​ហែលទឹក​ ថា​ឲ្យ​មាន​ការ​ឧបត្ថម្ភ​គាំទ្រ​ពី​បណ្ដា​សប្បុរសជន The post លោក​ ហែម​ គិរី​ ឲ្យ​តែ​មាន​ការ​ឧបត្ថម្ភ​គាំទ្រ​សហព័ន្ធ​សប្បាយ​រីករាយ​នឹង​រៀបចំ​ព្រឹត្តិការណ៍​ appeared first on Kampuchea Thmey Daily.

លោក​ ហែម​ គិរី​ ឲ្យ​តែ​មាន​ការ​ឧបត្ថម្ភ​គាំទ្រ​សហព័ន្ធ​សប្បាយ​រីករាយ​នឹង​រៀបចំ​ព្រឹត្តិការណ៍​

អគ្គលេខាធិការ​សហព័ន្ធ​ខ្មែរ​កីឡា​ហែលទឹក​ ថា​ឲ្យ​តែមាន​ការ​ឧបត្ថម្ភ​គាំទ្រ​ពី​បណ្ដា​សប្បុរសជន​ ក្រុមហ៊ុន​នានា​ លោក​រីករាយ​នឹង​រៀបចំ​ព្រឹត្តិការណ៍​ផ្សេងៗ​ ឬ​ការ​ប្រកួត​ជា​បន្តបន្ទាប់​រហូត។​

លោក ហែម​ គិរី

លើក​ឡើង​ក្នុង​កិច្ច​សម្ភាស​ លោក​ ហែល​ គិរី​ អគ្គលេខាធិការ​សហព័ន្ធ​ខ្មែរ​កីឡា​ហែលទឹក​បាន​ឲ្យ​ដឹង​ថា​ បច្ចុប្បន្ន​សន្ទុះ ​នៃ​ការ​គាំទ្រ​ពី​មហាជន​ អាណាព្យាបាល​ និង​តាម​សាលា​អន្តរជាតិ​​នានា​មាន​ការ​ផុសផុល​ខ្លាំង​ចំពោះ​វិស័យ​កីឡា​ហែលទឹក។​ ជាក់ស្ដែង​ដូច​ជា​ការ​ប្រកួត​ពាន​រង្វាន់​ព្រឹទ្ធាចារ្យ​ ហែម​ ថុន​ ​ជា​ដើម​មាន​ការចូលរួម​ច្រើន​ទាំង​ការ​លើក​ទឹកចិត្ត​ និង​ចូលរួម​ការ​ប្រកួត។​

ទិដ្ឋភាពប្រកួត​កន្លងទៅ

គ្រូ​ជំនាញ​ផ្នែក​ហែល​ទឹក​រូប​នេះ​បន្ថែម​ទៀត​ថា​ ក្នុង​នាម​ថ្នាក់ដឹកនាំ​ និង​មន្ត្រី​បច្ចេកទេស​របស់​សហព័ន្ធ​សប្បាយ​រីករាយ​ និង​ទទួល​រៀបចំ​ការ​ប្រកួត​ផ្សេងៗ​ជា​បន្ត​បន្ទាប់​ទៀត​សម្រាប់​ពង្រីក​ផ្សព្វផ្សាយ​ផង​ ផ្ដល់​ឱកាស​ដល់​យុវជន​បាន​ប្រកួត​ប្រជែង​សមត្ថភាព​ និង​ពង្រឹង​សមត្ថភាព​ដល់​អ្នកដែល​ចូលរួម​ផង។​ អគ្គលេខាធិការ​ខាង​លើ​បញ្ជាក់​ទៀត​ថា​ ឲ្យ​តែ​មាន​​ការ​ឧបត្ថម្ភ​ដល់​សហព័ន្ធក្នុងមន្ត្រី​សហព័ន្ធ​ទាំង​អស់​មិន​ខ្លាច​នឹង​រៀបចំ​ព្រឹត្តិការណ៍​ឡើយ​ និង​សំណូមពរ​ដល់​សប្បុរស​ជន​នានា​ដែល​ចង់​រៀបចំ​ការ​ប្រកួត​ហែលទឹក​អាច​ទំនាក់ទំនង​មក​កាន់​សហព័ន្ធ​បាន​ជា​និច្ច​។​

ទិដ្ឋភាពប្រកួត​កន្លងទៅ

បញ្ជាក់​ដែរ​ថា​ សហព័ន្ធ​ខ្មែរ​កីឡា​ហែល​ទឹក​បច្ចុប្បន្ន​នេះ​មាន​ទីស្នាក់ការ​​នៅ​​ក្នុង​ពហុ​កីឡដ្ឋាន​ជាតិ។​ សហព័ន្ធ​តែងតែ​រៀបចំ​ការ​ប្រកួត​ជា​ហូរហែ​ក្នុង​មួយ​ឆ្នាំ​ៗ​ដើម្បី​ផ្ដល់​ឱកាស​ដល់​កីឡាករ​ កីឡា​ការិនី​ និង​យុវជន​ បាន​ប្រកួត​ប្រជែង​បញ្ចេញ​សមត្ថភាព​ និង​ដកស្រង់​បទ​ពិសោធ​។​ ដូច្នេះ​ប្រសិន​បើ​បណ្ដា​ក្រុមហ៊ុន ស្ថាប័ន ផ្សេងៗ​ចង់​រៀបចំ​ការ​ប្រកួត​អាច​ទំនាក់ទំនង​ទៅ​កាន់​សហព័ន្ធ​បាន​តាម​រយៈ​ហ្វេសបុក​ផេក​ សហព័ន្ធ​ខ្មែរ​កីឡា​ហែលទឹក៕​

មន្ត្រីបច្ចេកទេសរបស់សហព័ន្ធ

អត្ថបទដោយ៖ នួន ស៊ីណា

The post លោក​ ហែម​ គិរី​ ឲ្យ​តែ​មាន​ការ​ឧបត្ថម្ភ​គាំទ្រ​សហព័ន្ធ​សប្បាយ​រីករាយ​នឹង​រៀបចំ​ព្រឹត្តិការណ៍​ appeared first on Kampuchea Thmey Daily.