លោក Muñoz ៖«ពានរបស់យើងគឺជាក្រុមមួយកំពុងឆ្ពោះទៅមុខ»
លោក Pep Muñoz គ្រូបង្វឹកព្រះខ័នរាជស្វាយរៀងបានសរសេរសារដ៏មានន័យ បន្ទាប់ពីក្លិបព្រះខ័នរាជស្វាយរៀងទទួលបានជើងឯករង ក្នុងពានរង្វាន់អាស៊ី The post លោក Muñoz ៖«ពានរបស់យើងគឺជាក្រុមមួយកំពុងឆ្ពោះទៅមុខ» appeared first on Kampuchea Thmey Daily.
លោក Pep Muñoz គ្រូបង្វឹកព្រះខ័នរាជស្វាយរៀងបានសរសេរសារដ៏មានន័យ បន្ទាប់ពីក្លិបព្រះខ័នរាជស្វាយរៀងទទួលបានជើងឯករង ក្នុងពានរង្វាន់អាស៊ី AFC Challenge League កាលពីយប់ថ្ងៃទី១០ ខែឧសភា ឆ្នាំ២០២៥ នៅពហុកីឡដ្ឋានជាតិមរតកតេជោ។
នាល្ងាចថ្ងៃទី១១ ខែឧសភា ឆ្នាំ២០២៥ លោកបានរៀបរាប់ថា ៖«ថ្ងៃដ៏ស្រស់ស្អាតបញ្ចប់ដោយភាពសោកសៅ! វាមិនមែនជាលទ្ធផលដែលយើងចង់បាន តែយើងពិតជាបានបង្ហាញអ្វីដែលយើងចង់បង្ហាញទៅកាន់ពិភពលោកហើយគឺ អត្តសញ្ញាណរបស់យើងជាក្រុម»។
មោទនភាពចំពោះអ្វីដែលយើងបានលេងក្នុងវគ្គផ្តាច់ព្រ័ត្រដ៏ធំតាំងពីចាប់ផ្តើមរហូតដល់ចប់ ហើយមានមោទនភាពពីរបៀបដែលយើងគោរពចំពោះកីឡាដ៏ស្រស់ស្អាតពោរពេញដោយសេចក្តីក្លាហាន សកម្មភាព និងការប្តេជ្ញាចិត្ត។
សូមទោសគឺគ្មាននៅក្នុងវចនានុក្រមនៃអត្តពលិកដែលពួកគេមានអ្វីគ្រប់យ៉ាងផ្តល់ឲ្យនៅលើទីលាននោះទេ។ អរគុណយ៉ាងយ៉ាងធំធេងចំពោះអ្នកគាំទ្រកម្ពុជាទាំងអស់ដែលបានជួយពួកយើងឲ្យបង្ហាញពីការប្រកួតមួយដ៏ល្អបំផុតនៅក្នុងរដូវកាលនេះ។
យើងមានអារម្មណ៍ជិតស្និទ្ធជាមួយអ្នក។ បាល់ទាត់គឺមានជីវិតនៅប្រទេសកម្ពុជា។ ពានដ៏ល្អបំផុតរបស់ពួកយើងគឺជាក្រុមមួយ ក៏ដូចជាក្លិបមួយដែលកំពុងមានការវិវឌ្ឍ និងដំណើរការទៅមុខ។ ថ្ងៃនេះយើងល្អជាងកាលពីម្សិលមិញ ហើយថ្ងៃស្អែកយើងនឹងល្អជាងថ្ងៃនេះ។
ព្រះខ័នរាជស្វាយរៀង នឹងវិលត្រឡប់វិញ កាន់តែខ្លាំង»។
សម្រាប់ការប្រកួតវគ្គផ្តាច់ព្រ័ត្រ ព្រះខ័នរាជស្វាយរៀងបង្ហាញគុណភាពលេងយ៉ាងល្អដោយបានគ្រប់សង្កត់ ដាក់សម្ពាធ និងបង្កើតឱកាសស៊ុតជាច្រើនលើក ប៉ុន្តែហាក់គ្មានសំណាង។ នេះជាការប្រកួតមួយដែលមានតាមដាន និងទស្សនាទូទាំងប្រទេស ក្នុងនោះអ្នកទស្សនាផ្ទាល់់ជាង៥ម៉ឺននាក់ និងបញ្ចាំង LED ជាច្រើនខេត្ត៕
អត្ថបទ៖ វីរបុត្រ
The post លោក Muñoz ៖«ពានរបស់យើងគឺជាក្រុមមួយកំពុងឆ្ពោះទៅមុខ» appeared first on Kampuchea Thmey Daily.
