លេចឮថា កូនប្រសាស្រី Nicola មិនពេញចិត្តឪពុកម្ដាយក្មេក David និង Victoria

មិត្តភក្តិជិតស្និទ្ធរបស់គ្រួសារ Beckham បានប្រាប់កាសែត Daily Mail ថា តារាសម្តែង និង... The post លេចឮថា កូនប្រសាស្រី Nicola មិនពេញចិត្តឪពុកម្ដាយក្មេក David និង Victoria appeared first on Kampuchea Thmey Daily.

ព័ត៌មាន ឧសភា 10, 2025 បន្ថែមចូលក្នុងបញ្ជីរអាន

លេចឮថា កូនប្រសាស្រី Nicola មិនពេញចិត្តឪពុកម្ដាយក្មេក David និង Victoria

មិត្តភក្តិជិតស្និទ្ធរបស់គ្រួសារ Beckham បានប្រាប់កាសែត Daily Mail ថា តារាសម្តែង និងជាផលិតករភាពយន្តជនជាតិអាមេរិក Nicola Peltz កំពុងឃ្លាតឆ្ងាយពីគ្រួសារស្វាមី Brooklyn ដោយសារតែមានជម្លោះជាមួយឪពុកម្តាយក្មេក។

ប្រភពមួយផ្សេងទៀត ដែលទទួលបានពីកាសែត TMZ បានអះអាងថា តារាស្រីអាមេរិករូបនេះមានហេតុផលស្របច្បាប់ក្នុងការធ្វើដូច្នេះ។ Brooklyn ដែលគេស្គាល់ថាជាកូនប្រុសរបស់អតីតកីឡាករ David និងតារាម៉ូដែល Victoria បានអះអាងថា រូបគេនិងប្រពន្ធពិតជាមានការធុញទ្រាន់នឹងវិធីដែលគ្រួសារបានប្រព្រឹត្តចំពោះពួកគេ។ ជាពិសេស ឪពុកម្ដាយរបស់គេ ហាក់មានអាកប្បកិរិយាមិនល្អ (ជាស្ថានភាពផ្លូវចិត្តដែលមានគំនិតខ្លួនឯងខ្ពស់ពេក)។

ប្រភពជិតស្និទ្ធបាននិយាយថា David បានស្តីបន្ទោសនិងស្រែកដាក់កូនប្រុសច្បងរបស់គាត់ អស់រយៈពេលមួយម៉ោង។ ចំណែក Nicola មិនចូលចិត្តឃើញប្តីរបស់នាងស្ថិតក្នុងស្ថានភាពបែបនេះទេ។

មិនតែប៉ុណ្ណោះ គូស្នេហ៍ ក៏មានការខកចិត្តផងដែរ ដោយសារតែ Beckhams តែងតែធ្វើសកម្មភាពអសីលធម៌ដាកកូនៗជានិច្ច ។ អាកប្បកិរិយានេះបានធ្វើឲ្យ Nicola មានអារម្មណ៍ថា ឪពុកម្ដាយក្មេករបស់នាង ចង់ដាក់កំហុសទាំងអស់លើនាង ជំនួសឲ្យការអង្គុយហើយនិយាយអំពីបញ្ហារបស់ពួកគេ។

អ្នកខាងក្នុងបាននិយាយថា គូស្នេហ៍វ័យក្មេងមួយគូនេះបានព្យាយាមកែប្រែទំនាក់ទំនងរបស់ពួកគេជាច្រើនដងមកហើយ ប៉ុន្តែមិនបានជោគជ័យ។ ពួកគេបានចំណាយពេលរាប់ខែដើម្បីពិភាក្សាអំពីអ្វីៗដែលកំពុងកើតឡើង។ ទោះជាយ៉ាងណាក៏ដោយ David និងលោកស្រី Becks បានបដិសេធមិននិយាយជាមួយកូនប្រសារបស់ពួកគេទេ ដោយសារតែនាងតែងតែឈ្លោះជាមួយពួកគេ និងការពារ Brooklyn ជារឿយៗ។

ប្រភពបានបន្ថែមថា Nicola គឺជាគូស្នេហ៍ដំបូងរបស់ Brooklyn ដែលប្រឈមមុខនឹងឪពុកម្តាយរបស់គាត់ ជាសាធារណៈ។ ជាការពិតណាស់ នោះបានធ្វើឲ្យ David និង Victoria មិនសប្បាយចិត្តនឹងកូនប្រសាស្រីបែបនេះឡើយ។

ក្រៅពីមានអារម្មណ៍តូចចិត្តជំនួសស្វាមី Nicola ក៏តូចចិត្តដែរ ដោយសារ Victoria មិនសាទរនឹងនាង។ ប៉ុន្តែងាកមករូបនាងវិញ តែងតែគាំទ្រគ្រួសាររបស់ស្វាមីតាមរយៈការចូលរួមកម្មវិធីបង្ហាញម៉ូដដែលរៀបចំដោយ Victoria និងផ្សព្វផ្សាយផលិតផលរបស់ម្តាយក្មេក នៅលើបណ្តាញសង្គម។ តែនៅពេលដែលនាងត្រូវការការគាំទ្រ អ្នកច្នៃម៉ូដកើតឆ្នាំ ១៩៧៤ មិនអើពើនឹងនាងទឡើយ។

បច្ចុប្បន្នមតិសាធារណៈកំពុងតែងាកមករកអតីតកីឡាករបាល់ទាត់និងភរិយា។ រូបភាពសាធារណៈរបស់ពួកគេគឺល្អ ខណៈពេលដែល Brooklyn និង Nicola ត្រូវបានគេមើលឃើញថាជាកូនក្មេងដែលមិនចេះគិតទៅវិញ។

អ្នកទស្សនាបានបញ្ចេញមតិថា ពួកគេបានជួប David Beckham ពីមុន គាត់ជាមនុស្សចិត្តល្អ និងសាមញ្ញ គាត់ណែនាំខ្លួនគាត់ដល់សមាជិកនាវិកគ្រប់រូប ពីខ្ពស់បំផុតដល់ទាបបំផុត ដោយស្នាមញញឹមរួសរាយរាក់ទាក់ និងចាប់ដៃគ្នា។ គាត់ហាក់ដូចជាមនុស្សល្អ សុភាពបុរសពិត ហើយមានភាពស្ងប់ស្ងាត់ និងថ្លៃថ្នូរ។ ដោយឡែក ភរិយារបស់ Brooklyn គឺ Nicola គឺនាងមានឋានៈជាមហាសេដ្ឋី។ ដូច្នេះនាំឲ្យនាងមានចរិតជាកូនអ្នកមាន មិនទម្លាប់ការស្ដីបន្ទោស បង្អាប់នៅចំពោះមុខឡើយ៕