រដ្ឋាភិបាលវៀតណាម បង្កើតក្រុមឆ្លើយតបរហ័ស ពេលអាមេរិកដាក់ពន្ធលើទំនិញនាំចូលវៀតណាម ៤៦ភាគរយ
បរទេស៖ នាយករដ្ឋមន្ត្រីវៀតណាម លោក Pham Minh Chinh បានស្នើឱ្យបង្កើតក្រុមឆ្លើយតបភ្លាមៗ ដើម្បីឱ្យមានវិធានការសកម្មនៅពេលអាមេរិកដាក់ពន្ធទៅវិញទៅមករហូតដល់ ៤៦% លើវៀតណាម។ យោងតាមសារព័ត៌មាន VN EXPRESS ចេញផ្សាយនៅថ្ងៃទី៣ ខែមេសា ឆ្នាំ២០២៥ បានឱ្យដឹងថា នាព្រឹកថ្ងៃទី ៣ មេសា នាយករដ្ឋមន្ត្រី Pham Minh Chinh បានដឹកនាំកិច្ចប្រជុំជាមួយក្រសួង និងវិស័យនានា បន្ទាប់ពីអាមេរិកបានប្រកាសអំពីពន្ធថ្មីលើទំនិញនាំចូលពីវៀតណាម។ កិច្ចប្រជុំនេះមានការចូលរួមពីប្រមុខក្រសួងហិរញ្ញវត្ថុ ឧស្សាហកម្ម និងពាណិជ្ជកម្ម កសិកម្ម និងបរិស្ថាន វិទ្យាសាស្ត្រ និងបច្ចេកវិទ្យា ធនាគាររដ្ឋ និងទីភ្នាក់ងារជាច្រើនទៀត។ លោកនាយករដ្ឋមន្ត្រីបាននិយាយថា “វៀតណាមចង់ឲ្យអាមេរិកមានគោលនយោបាយកាន់តែសមស្របទៅនឹងទំនាក់ទំនងល្អរវាងប្រទេសទាំងពីរ” ដោយបន្ថែមថា នេះគឺសមស្របនឹងលក្ខខណ្ឌ និងកាលៈទេសៈរបស់វៀតណាមជាប្រទេសកំពុងអភិវឌ្ឍន៍ ដែលត្រូវបន្តជំនះផលវិបាកធ្ងន់ធ្ងរ និងអូសបន្លាយនៃសង្គ្រាមជាច្រើនឆ្នាំ។ សហរដ្ឋអាមេរិកបានដាក់ពន្ធនាំចូលទៅវិញទៅមកលើដៃគូពាណិជ្ជកម្មជាង ១៨០ប្រទេស ។ ប្រហែលពាក់កណ្តាលនៃសេដ្ឋកិច្ចនឹងត្រូវដាក់ពន្ធរួម ១០ភាគរយ ចាប់ពីថ្ងៃទី ៥ ខែមេសា។ ដៃគូពាណិជ្ជកម្មសំខាន់ៗរបស់សហរដ្ឋអ

បរទេស៖ នាយករដ្ឋមន្ត្រីវៀតណាម លោក Pham Minh Chinh បានស្នើឱ្យបង្កើតក្រុមឆ្លើយតបភ្លាមៗ ដើម្បីឱ្យមានវិធានការសកម្មនៅពេលអាមេរិកដាក់ពន្ធទៅវិញទៅមករហូតដល់ ៤៦% លើវៀតណាម។
យោងតាមសារព័ត៌មាន VN EXPRESS ចេញផ្សាយនៅថ្ងៃទី៣ ខែមេសា ឆ្នាំ២០២៥ បានឱ្យដឹងថា នាព្រឹកថ្ងៃទី ៣ មេសា នាយករដ្ឋមន្ត្រី Pham Minh Chinh បានដឹកនាំកិច្ចប្រជុំជាមួយក្រសួង និងវិស័យនានា បន្ទាប់ពីអាមេរិកបានប្រកាសអំពីពន្ធថ្មីលើទំនិញនាំចូលពីវៀតណាម។ កិច្ចប្រជុំនេះមានការចូលរួមពីប្រមុខក្រសួងហិរញ្ញវត្ថុ ឧស្សាហកម្ម និងពាណិជ្ជកម្ម កសិកម្ម និងបរិស្ថាន វិទ្យាសាស្ត្រ និងបច្ចេកវិទ្យា ធនាគាររដ្ឋ និងទីភ្នាក់ងារជាច្រើនទៀត។
លោកនាយករដ្ឋមន្ត្រីបាននិយាយថា “វៀតណាមចង់ឲ្យអាមេរិកមានគោលនយោបាយកាន់តែសមស្របទៅនឹងទំនាក់ទំនងល្អរវាងប្រទេសទាំងពីរ” ដោយបន្ថែមថា នេះគឺសមស្របនឹងលក្ខខណ្ឌ និងកាលៈទេសៈរបស់វៀតណាមជាប្រទេសកំពុងអភិវឌ្ឍន៍ ដែលត្រូវបន្តជំនះផលវិបាកធ្ងន់ធ្ងរ និងអូសបន្លាយនៃសង្គ្រាមជាច្រើនឆ្នាំ។
សហរដ្ឋអាមេរិកបានដាក់ពន្ធនាំចូលទៅវិញទៅមកលើដៃគូពាណិជ្ជកម្មជាង ១៨០ប្រទេស ។ ប្រហែលពាក់កណ្តាលនៃសេដ្ឋកិច្ចនឹងត្រូវដាក់ពន្ធរួម ១០ភាគរយ ចាប់ពីថ្ងៃទី ៥ ខែមេសា។ ដៃគូពាណិជ្ជកម្មសំខាន់ៗរបស់សហរដ្ឋអាមេរិកនឹងទទួលរងនូវពន្ធខ្ពស់រហូតដល់ ៥០ភាគរយ ចាប់ពីថ្ងៃទី ៩ ខែមេសា។
ក្នុងនោះ វៀតណាមស្ថិតក្នុងអត្រា ៤៦% ក្នុងក្រុមប្រទេសដែលមានអត្រាពន្ធខ្ពស់បំផុតរួមជាមួយប្រទេសចិន កម្ពុជា ឥណ្ឌូនេស៊ី និងមីយ៉ាន់ម៉ា។
សូមជម្រាបថា យោងតាមទិន្នន័យពីនាយកដ្ឋានគយ ក្នុងឆ្នាំ២០២៤ វៀតណាមនឹងនាំចេញទំនិញដែលមានតម្លៃ ១១៩,៥ ពាន់លានដុល្លារទៅអាមេរិក និងនាំចូល ១៥,១ ពាន់លានដុល្លារពីទីផ្សារនេះ។ មានទំនិញនាំចេញចំនួន ១៥ពាន់លាន USD ដែលក្នុងនោះ ៣ក្រុមលេចធ្លោរួមមានកុំព្យូទ័រ – គ្រឿងបន្លាស់ដែលមានទឹកប្រាក់ ២៣,២ ពាន់លានដុល្លារ។ គ្រឿងចក្រ និងបរិក្ខារ និងវាយនភណ្ឌ ដែលមានទំហំទឹកប្រាក់ ២២ ពាន់លាន និង ១៦,២ពាន់លានដុល្លារអាមេរិក៕
ប្រែប្រួលៈ ណៃ តុលា