មេដឹកនាំបក្សប្រឆាំងថៃងាកមកអបអរសាទរ ផែថងថានវិញ ក្រោយសំណើខ្លួនបរាជ័យ
លោក Nattapong Ruangpanyawut ប្រធានគណបក្សប្រជាជនក្នុងនាមជាមេដឹកនាំបក្សប្រឆាំងដ៏ធំជាងគេនៅក្នុងសភា បានងាកមកគាំទ្រនិងអបអរសាទរលោកស្រីផែថងថានវិញ... The post មេដឹកនាំបក្សប្រឆាំងថៃងាកមកអបអរសាទរ ផែថងថានវិញ ក្រោយសំណើខ្លួនបរាជ័យ appeared first on Kampuchea Thmey Daily.
ទីបំផុត មេដឹកនាំបក្សប្រឆាំងថៃដែលដាក់ញត្តិស្នើឲ្យសភាជជែកដេញដោលនិងបោះឆ្នោតដកសេចក្តីទុកចិត្តលើសមាសភាពនាយករដ្ឋមន្ត្រីថៃ ផែថងថាន ស៊ីណាវ៉ាត្រា ដោយចោទថា ធ្វើការតាមបញ្ជាឪពុកនោះ បានងាកមកអបអរសាទរវិញ ក្រោយលោកស្រី នាយករដ្ឋមន្ត្រី រួចផុតពីការបោះឆ្នោតទំលាក់ពីតំណែងនៅថ្ងៃពុធនេះ។
ប្រភពព័ត៌មានបានរាយការណ៍ថា បរិយាកាសនៅក្នុងរដ្ឋសភាថៃ បន្ទាប់ពីសមាជិកសភាបានបោះឆ្នោតផ្តល់សេចក្តីទុកចិត្តដល់នាយករដ្ឋមន្ត្រី ផែថងថាន ស៊ីណាវ៉ាត្រា ដោយសំឡេងភាគច្រើន៣១៩ទល់នឹង១៦២សំឡេង និងបរិយាកាសពោរពេញដោយភាពរីករាយ បន្ទាប់ពីដឹងលទ្ធឆ្នោត ជំហររបស់មេដឹកនាំបក្សប្រឆាំងថៃបានផ្លាស់ប្តូរមកកាន់នាយករដ្ឋមន្ត្រីស្រ្តីវ័យក្មេងរបស់ថៃវិញ។
ទន្ទឹមនឹងនោះ តាមសេចក្តីរាយការណ៍ លោក Nattapong Ruangpanyawut ប្រធានគណបក្សប្រជាជនក្នុងនាមជាមេដឹកនាំបក្សប្រឆាំងដ៏ធំជាងគេនៅក្នុងសភា រួមទាំងសមាជិកគណបក្សប្រជាជនមួយចំនួនទៀត បានបង្ហាញការអបអរសាទរនិងថតរូបជាមួយនាយករដ្ឋមន្ត្រី ផែថងថាន នៅក្នុងសភា រួមជាមួយនឹងសមាជិកគណៈរដ្ឋមន្ត្រីមួយចំនួនផងដែរ
តាមសេចក្តីរាយការណ៍ គេឃើញសមាជិកសភាមកពីគណបក្សចម្រុះរដ្ឋាភិបាលបាននាំថតរូបជាក្រុមជាមួយនឹងទឹកមុខញញឹមរីករាយ ជាពិសេសនាយករដ្ឋមន្ត្រី ផែថងថាន បានបង្ហាញទឹកមុខស្រស់ស្រាយស្នាមញញឹទៅកាន់អ្នកពាក់ព័ន្ធក្នុងលក្ខណៈមិត្តភាព៕
The post មេដឹកនាំបក្សប្រឆាំងថៃងាកមកអបអរសាទរ ផែថងថានវិញ ក្រោយសំណើខ្លួនបរាជ័យ appeared first on Kampuchea Thmey Daily.
