ភ្លើងឆេះព្រៃបន្តឆាបឆេះរាលដាលយ៉ាងខ្លាំងនៅខេត្តឈៀងម៉ៃប្រទេសថៃ
ឈៀងម៉ៃកំពុងប្រឈមជាមួយនឹងខ្យល់ពុលយ៉ាងធ្ងន់ធ្ងរ ខណៈដែលភ្លើងឆេះព្រៃនៅតែបន្តរាលដាលពាសពេញស្រុកជាច្រើន ដោយបានរកឃើញកន្លែងភ្លើងឆេះសកម្មចំនួន ១៥០... The post ភ្លើងឆេះព្រៃបន្តឆាបឆេះរាលដាលយ៉ាងខ្លាំងនៅខេត្តឈៀងម៉ៃប្រទេសថៃ appeared first on Kampuchea Thmey Daily.

ខេត្តឈៀងម៉ៃនៃប្រទេសថៃ កំពុងប្រឈមជាមួយនឹងខ្យល់ពុលយ៉ាងធ្ងន់ធ្ងរ ខណៈដែលភ្លើងឆេះព្រៃនៅតែបន្តរាលដាលពាសពេញស្រុកជាច្រើន ដោយបានរកឃើញកន្លែងភ្លើងឆេះសកម្មចំនួន១៥០ទូទាំងខេត្ត។ នេះបើយោងតាមការចេញផ្សាយរបស់សារព័ត៌មាន Bangkok Post នៅថ្ងៃទី២ខែមេសានេះ។

ភ្លើងឆេះព្រៃនៅខេត្តឈៀងម៉ៃបានបន្តឆេះកាលពីថ្ងៃអង្គារនៅតំបន់ភ្នំក្នុងខេត្តភាគខាងជើង ដោយមានចំណុចក្តៅសកម្មចំនួន ១៥០ នៅទូទាំងស្រុក ១៥ ។ ស្រុកដែលរងគ្រោះខ្លាំងជាងគេរួមមាន Hot ដែលមាន ៣៤ កន្លែង, Chiang Dao មាន ២៦ កន្លែងនិង Phrao មាន ២៣កន្លែង។ ក្រុមពន្លត់អគ្គិសភ័យនៅមមាញឹកពន្លត់ភ្លើងជាពិសេសតាមរយៈឧទ្ធម្ភាចក្រ។
ផ្សែងដ៏ក្រាស់បានបន្តគ្របដណ្តប់ទីក្រុង ដែលបានក្លាយជាទីក្រុងបំពុលខ្លាំងបំផុតទីបីរបស់ពិភពលោកកាលពីព្រឹកថ្ងៃអង្គារ ដែលបង្កឱ្យរលាកភ្នែក និងបំពង់កក្នុងចំណោមអ្នកស្រុកក្នុងខេត្តនេះ។
IQAir បានឲ្យដឹងថា ឈៀងម៉ៃ មាន PM2.5 ប្រមាណ ១៧០ មីក្រូក្រាមក្នុងមួយម៉ែត្រគូប (µg/m³) លើសពីកម្រិតសុវត្ថិភាព ៣៤.៧ μg/m3 ។
បើតាមទិន្នន័យពីមជ្ឈមណ្ឌលទិន្នន័យបម្រែបម្រួលអាកាសធាតុនៅសាកលវិទ្យាល័យឈៀងម៉ៃ បានបង្ហាញកម្រិត PM2.5 ដែលគួរឱ្យព្រួយបារម្ភនៅក្នុងតំបន់មួយចំនួនកាលពីព្រឹកថ្ងៃអង្គារដោយនៅស្រុក Chiang Dao កម្រិត PM2.5 ឈានដល់ ២៤០ μg/m³។
កម្រិតនៃការបំពុលនៅតែមានកម្រិតគ្រោះថ្នាក់ ដែលជំរុញឱ្យអាជ្ញាធរមូលដ្ឋានធ្វើសកម្មភាពបាញ់ទឹកដើម្បីបង្កើនសំណើម និងកាត់បន្ថយអ័ព្ទ ជាពិសេសនៅតំបន់ដែលមានប្រជាជនរស់នៅច្រើន៕





អត្ថបទ៖ ប៊ុន សុភាព
The post ភ្លើងឆេះព្រៃបន្តឆាបឆេះរាលដាលយ៉ាងខ្លាំងនៅខេត្តឈៀងម៉ៃប្រទេសថៃ appeared first on Kampuchea Thmey Daily.