តារាហុងកុងនាង Gloria ក្រោយរៀបការខុស បាត់បង់អស់កេរ្តិ៍ឈ្មោះ និងអាជីពធ្លាប់ល្បីរន្ទឺ

រឿងរ៉ាវរបស់តារាសម្ដែងជើងចាស់ហុងកុងដ៏ល្បី Gloria Yip បើទោះបីជាវាកន្លងផុតទៅយូរឆ្នាំ ប៉ុន្តែទស្សនិកជន... The post តារាហុងកុងនាង Gloria ក្រោយរៀបការខុស បាត់បង់អស់កេរ្តិ៍ឈ្មោះ និងអាជីពធ្លាប់ល្បីរន្ទឺ appeared first on Kampuchea Thmey Daily.

ព័ត៌មាន មេសា 25, 2025 បន្ថែមចូលក្នុងបញ្ជីរអាន

តារាហុងកុងនាង Gloria ក្រោយរៀបការខុស បាត់បង់អស់កេរ្តិ៍ឈ្មោះ និងអាជីពធ្លាប់ល្បីរន្ទឺ

រឿងរ៉ាវរបស់តារាសម្ដែងជើងចាស់ហុងកុងដ៏ល្បី អ្នកនាង ហ្គូរៀ យីព (Gloria Yip) បើទោះបីជាវាកន្លងផុតទៅយូរឆ្នាំ ប៉ុន្តែទស្សនិកជននៅតែចងចាំមិនភ្លេច អំពីដំណើរដើមទងដែលរូបនាងសម្រេចចាកចេញពីអាជីពសម្ដែងដែលកំពុងឡើងកូដខ្លាំង ជ្រើសរើសផ្លូវរៀបការជាមួយគូស្នេហ៍សេដ្ធី ក្រោយពួកគេទាក់ទងគ្នា៣ឆ្នាំ។

ទោះជាយ៉ាងណា អាពាហ៍ពិពាហ៍មួយនេះមិនបានគង់វង្ស រស់នៅជាមួយគ្នាដល់ចាស់កោងខ្នងឡើយ ដូចការប៉ងប្រាថ្នាឡើយ! តារាស្រីវ័យ៥២ឆ្នាំរូបនេះ បែរជាជួបរឿងអកុសល បាត់បង់ទាំងកេរ្តិ៍ឈ្មោះ និងអាជីព ដោយសារតែជ្រើសរើសដៃគូជីវិតខុស។

អ្នកនាង ហ្គូរៀ យីព បានចាប់ផ្តើមអាជីពដំបូងនៅក្នុងឧស្សាហកម្មកម្សាន្តតាំងពីអាយុ១៣ឆ្នាំ បន្ទាប់ពីត្រូវបានគេហៅឲ្យធ្វើអ្នកតំណាងផ្សាយផលិតផលមួយ។ ដោយសារមានសម្រស់ដ៏ស្រស់ស្អាត និងមានមន្តស្នេហ៍ពីកំណើត ទើបធ្វើឲ្យរូបនាងមានប្រជាប្រិយភាពយ៉ាងខ្លាំង។ នៅអាយុ ១៧ ឆ្នាំ តារាស្រីស្រាប់តែទទួលបាននូវភាពល្បីល្បាញយ៉ាងខ្លាំង នៅក្នុងខ្សែភាពយន្តមួយក្រោមចំណងជើងថា «Peacock King» ក្នុងឆ្នាំ ១៩៨៨ ដែលជាជោគជ័យមួយយ៉ាងត្រចះត្រង់។

ក្រោយមក តារាជើងចាស់រូបនេះបានទទួលពានរង្វាន់ តារាសម្តែងថ្មីល្អបំផុត និង តារាសម្តែងបរទេសដែលពេញនិយមបំផុតលំដាប់លេខមួយ នៅក្នុងកម្មវិធីពានរង្វាន់ភាពយន្តជប៉ុនលើកទី១៧។ នាងក៏ទទួលបានពានរង្វាន់ តារាស្រីបរទេសដែលមានប្រជាប្រិយបំផុតលេខ១ នៅកូរ៉េខាងត្បូងផងដែរ។ លើសពីនេះ អាជីពជាតារាសម្ដែងក៏ទទួលបានជោគជ័យយ៉ាងខ្លាំង ក្នុងតំបន់ជាច្រើននៃទឹកដីអាស៊ី។

បន្ទាប់ពីទទួលបាននូវភាពល្បីល្បាញជាសកល តួស្រីរូបនេះបានសហការការងារជាមួយកំពូលតារាហុងកុងដូចជា លោក Jackie Chan, លោក Aaron Kwok, លោក Andy Lau និង លោក Tony Leung ។ នាងក៏បានរកឃើញភាពជោគជ័យក្នុងវិស័យតន្ត្រី ដោយទទួលបានរហស្សនាមថា «ទេពធីតាមិនចេះចាស់» ដោយសារតែមុខក្មេងជាងវ័យមិនរបូតទៅតាមពេលេវេលា។

ដោយសារតែមានកិត្តិនាមល្បីសុះសាយក្នុងអាជីពសម្ដែងជាហូរហែរ មានបុរសជាច្រើនបានតាមចែចង់ប្រលោមសុំស្នេហ៍នាង។ ម្នាក់ក្នុងចំណោមនោះគឺ Jimmy Lin ជាតារាចម្រៀង តារាសម្ដែង និងជាអ្នកបើករថយន្តប្រណាំងដ៏ល្បីរបស់តៃវ៉ាន់មួយរូប។ ក្រោយតាមចែចង់អស់រយៈពេល ៣ឆ្នាំ នៅទីបញ្ចប់អ្នកនាង ហ្គូរៀ បែរជាជ្រើសរើសណាត់ជួបជាមួយពាណិជ្ជករវ័យក្មេងម្នាក់ឈ្មោះ Chen Bohao ដែលមានពាក្យចចាមអារ៉ាមថា ជាអ្នកស្នងមរតករបស់គ្រួសារអ្នកមាននៅពេលនោះ។

**តារាចម្រៀង Jimmy Lin និងតារាស្រី Gloria**

នៅពេលសេពគប់គ្នាដំបូងៗ លោក Chen Bohao បាននៅក្បែរនិងមើលថែយ៉ាងដិតដល់បំផុត ជាពិសេសពេលនាងឈឺថ្កាត់ម្ដងៗ។ ហើយនោះបានធ្វើឲ្យ អ្នកនាង ហ្គូរៀ យីព យល់ថា គាត់គឺជាស្នេហាពិតមួយដែលមិនអាចខ្វះបានក្នុងជីវិត។ ដោយសារតែគិតថា គេជាបុរសល្អម្នាក់ ទើបតារាស្រីបានសម្រេចចិត្តរៀបការជាមួយអ្នកជំនួញ នៅអាយុ ២២ ឆ្នាំ ហើយបានប្រកាសចូលនិវត្តន៍ពីឧស្សាហកម្មកម្សាន្ត ដើម្បីផ្ដោតសំខាន់លើគ្រួសារ។

បន្ទាប់ពីរៀបការរួច Gloria ត្រូវប្រឈមមុខនឹងការពិតដ៏ជូរចត់។ មិនត្រឹមតែត្រូវម្តាយក្មេកមើលងាយនោះទេ នាងក៏ត្រូវប្រឈមមុខនឹងស្វាមីដែលចាប់ផ្តើមផ្លាស់ប្តូរបន្តិចម្ដងៗ។ នៅពេលដែលនាងមានផ្ទៃពោះកូនទី២ នាងតែងតែត្រូវបាន ស្វាមីស្តីបន្ទោស និងឈ្លោះប្រកែកគ្នាជាញឹកញយ។ ក្រោយមក នាងក៏ចាប់បានថាស្វាមីបានបោកប្រាស់នាងទាំងអស់។

បន្ទាប់ពីសម្រាលបានកូនពៅអស់រយៈពេលមួយខែ Gloria បានសម្រេចចិត្តលែងលះភ្លាមៗ។ តុលាការបានសម្រេចថា នាងនឹងធ្វើជាអាណាព្យាបាលកូនទាំងពីរ ហើយបានបង្គាប់ឲ្យប្ដីសងសំណងជំងឺចិត្ត ៨ លានហុងកុង និង ៥០០០ ដុល្លារហុងកុង ជាប្រាក់ឧបត្ថម្ភប្រចាំខែ។ ប៉ុន្តែអតីតស្វាមីស្រាប់តែក្ស័យធនដោយសារតែការវិនិយោគបរាជ័យ ហើយមិនព្រមបង់ប្រាក់តាមដីការបស់តុលាការ ដោយទុកឲ្យអតីតភរិយាចិញ្ចឹមកូនតែម្នាក់ឯង។

អ្វីដែលកាន់តែអាក្រក់នោះ នៅពេលដែលនាងព្យាយាមចូលប្រឡូកក្នុងវិស័យនេះវិញ Chen Bohao បានចេញមកផ្តល់បទសម្ភាសន៍វាយប្រហារនាងតាមប្រព័ន្ធផ្សព្វផ្សាយ ដោយចោទប្រកាន់នាងថា អតីតភរិយាលោកឈ្លក់វង្វេងនឹងកេរ្តិ៍ឈ្មោះ និងញៀនផ្លូវភេទ។ នេះបានធ្វើឲ្យរូបនាងខូចមុខមាត់យ៉ាងធ្ងន់ធ្ងរ ហើយផែនការក្នុងការវិលត្រឡប់ទៅកាន់ឧស្សាហកម្មនេះបានធ្លាក់ចុះសឹងមិនគួរឲ្យជឿ។

យាងណាមិញ បន្ទាប់ពីរឿងរ៉ាវអាក្រក់ៗនទាំងនោះបានកន្លងផុតទៅជិត ២៥ ឆ្នាំ កាលពីថ្មីៗនេះដែរតារាស្រី Gloria Yip បានលាតត្រដាងការពិតអំពីជីវិតអាពាហ៍ពិពាហ៍កាលពីអតីតកាល ប្រាប់ដល់មហាជន ជាពិសេសអ្នកគាំទ្ររូបនាងកន្លងមក។

តារាស្រីជើងចាស់លើទឹកដីហុងកុង បានបដិសេធពាក្យចចាមអារ៉ាមដែលថា អតីតស្វាមីគឺជាមហាសេដ្ឋី។ Chen Bohao មិនដែលទិញរបស់ប្រណិតឲ្យនាង ដូចដែលមានក្នុងព័ត៌មាននោះទេ មិនថាជារថយន្តទំនើប ឬផ្កាកុលាបរាប់ពាន់ដើមនោះទេ។ សូម្បីតែពិធីមង្គលការ ក៏នាងបានចំណាយគ្រប់យ៉ាងដោយខ្លួនឯង ហើយអំណោយមង្គលការត្រូវបានគ្រួសារខាងអតីតស្វាមីរឹបអូសយកគ្មានបន្សល់ទុកឲ្យរូបនាងនិងកូនៗទាំងពីរឡើយ៕