កីឡាករ ណៃ កា កីឡាថ្មីនេះប្លែកបន្តិច ប៉ុន្តែប្ដេជ្ញាយកមេដាយជូនកម្ពុជាឲ្យបាន
កីឡាករ ណៃ កា ជម្រើសជាតិផ្នែកជនពិការ ថាកីឡាបាល់បោះថ្មី (Throwball) The post កីឡាករ ណៃ កា កីឡាថ្មីនេះប្លែកបន្តិច ប៉ុន្តែប្ដេជ្ញាយកមេដាយជូនកម្ពុជាឲ្យបាន appeared first on Kampuchea Thmey Daily.
កីឡាករ ណៃ កា ជម្រើសជាតិផ្នែកជនពិការ ថាកីឡាបាល់បោះថ្មី (Throwball) នេះប្លែកសម្រាប់លោក ប៉ុន្តែប្ដេជ្ញាចិត្តយកឈ្នះការប្រកួតដណ្ដើមមេដាយជូនប្រទេសកម្ពុជាឲ្យបានក្នុងព្រឹត្តិការណ៍ប្រកួតជើងឯកអាស៊ី លើកទី១ ឆ្នាំ២០២៥។
កីឡាករ ណៃ កា បានឲ្យដឹងថា កីឡាបាល់បោះ (Throwball) នេះពិតជាថ្មីសម្រាប់លោក និងទើបហ្វឹកហាត់បាន២ខែប៉ុណ្ណោះ។ យ៉ាងណាខាងកម្ពុជាមានទំនុកចិត្តខ្ពស់ និងលេងដោយការយល់ចិត្តគ្នាបានល្អបើទោះជាទើបចាប់ហ្វឹកហាត់បានខ្ទង់ ២ខែក្ដី។
កិឡាករពិការភាពផ្នែកជើងឆ្វេងរូបនេះបន្ថែមទៀតថា បើប្រៀបធៀបជាមួយផ្នែកកីឡាបាល់ទះអង្គុយដែលលោកហាត់ និងលេងកន្លងទៅគឺបាល់បោះ (Throwball) ហាក់មានភាពងាយស្រួលជាង ព្រោះមិនចាំបាច់រំកិលដេញនោះទេគឺនៅកន្លែងណានៅកន្លែងនោះតែម្ដង។
បញ្ជាក់ដែរថា ម្សិលមិញនេះគណៈកម្មាធិការជាតិប៉ារ៉ាឡាំពិកកម្ពុជា បានធ្វើពិធីបើកការប្រកួតជើងឯកបាល់បោះជនពិការអាស៊ី លើកទី១ ដែលកម្ពុជាជាម្ចាស់ផ្ទះ។ ការប្រកួតនេះធ្វើឡើងចាប់ពីថ្ងៃទី២៨ ដល់ ៣០ ខែមីនា ឆ្នាំ២០២៥។ ប្រទេសចូលរួមមានដូចជា ឥណ្ឌា ស្រីលង្កា នេប៉ាល់ ថៃ ម៉ាឡេស៊ី និងកម្ពុជាម្ចាស់ផ្ទះ។ ប្រកួតបើកឆាកម្សិលមិញនេះកម្ពុជា(ផ្នែកបុរស)យកឈ្នះម៉ាឡេស៊ី ដោយលទ្ធផល ៣-០៕
អត្ថបទដោយ៖ នួន ស៊ីណា
The post កីឡាករ ណៃ កា កីឡាថ្មីនេះប្លែកបន្តិច ប៉ុន្តែប្ដេជ្ញាយកមេដាយជូនកម្ពុជាឲ្យបាន appeared first on Kampuchea Thmey Daily.
