ចតរថយន្តក្បែរផ្លូវរថភ្លើងទៅហូបបាយមួយភ្លែត ត្រូវរថភ្លើងបុករុញចូលផ្ទះ

បុរសម្នាក់បានចតរថយន្តកូរ៉េក្បែរផ្លូវរថភ្លើងទៅហូបបាយ ត្រូវរថភ្លើងបុករុញចូលផ្ទះប្រជាពលរដ្ឋបណ្ដាលឱ្យរងការខូចខាតយ៉ាងដំណំ The post ចតរថយន្តក្បែរផ្លូវរថភ្លើងទៅហូបបាយមួយភ្លែត ត្រូវរថភ្លើងបុករុញចូលផ្ទះ appeared first on Kampuchea Thmey Daily.

ព័ត៌មាន មេសា 5, 2025 បន្ថែមចូលក្នុងបញ្ជីរអាន

ចតរថយន្តក្បែរផ្លូវរថភ្លើងទៅហូបបាយមួយភ្លែត ត្រូវរថភ្លើងបុករុញចូលផ្ទះ

ភ្នំពេញ ៖ បុរសម្នាក់បានចតរថយន្តកូរ៉េក្បែរផ្លូវរថភ្លើងទៅហូបបាយ ត្រូវរថភ្លើងបុករុញចូលផ្ទះប្រជាពលរដ្ឋបណ្ដាលឱ្យរងការខូចខាតយ៉ាងដំណំ ម្ចាស់ផ្ទះទារសំណង៦៥០ដុល្លារ ចំណែកថ្លៃជួសជុលរថភ្លើងខ្ទង់ពាន់ដុល្លារ។

ហេតុការណ៍នេះ បានកេីតឡេីងនៅវេលាម៉ោង ២និង៥០នាទីរសៀល ថ្ងៃទី០៥ ខែមេសា ឆ្នាំ២០២៥ ដែលស្ថិតនៅតាមបណ្តោយផ្លូវរថភ្លេីង សង្កាត់បឹងល្អក់ទី២ ខណ្ឌទួលគោក រាជធានីភ្នំពេញ។

បើតាមប្រភពពីម្ចាស់រថយន្តកូរ៉េបានឱ្យដឹងថា មុនពេលកើតហេតុគាត់បានបេីករថយន្តកូរ៉េដឹកទំនិញ មួយគ្រឿងពាក់ស្លាកលេខ តាកែវ 1A-0346 បើកមកឈប់មុខហាងបាយ ហើយបានចុះទៅអង្គុយហូបបាយ មួយស្ទុះក្រោយមក ក៏មានរថភ្លេីងមក រួចឮសុីផ្លេពីចម្ងាយគាត់មិនបានចាប់អារម្មណ៍ ខណៈពេលកំពុងហូបបាយមានរថភ្លើងបានមកដល់ពីទិសដៅកើតមកលិច បានបុករថយន្តពេញទំហឹងបណ្តាលឱ្យរុញរថយន្តចូលទៅបុកផ្ទះប្រជាពលរដ្ឋខូចខាតសម្ភារៈអស់មួយចំនួនធំ។