ងិន ម៉ារ៉ាឌី ៖ បើចង់ក្លាយជាបវរកញ្ញាកុំឆេវឆាវ រឿងសំខាន់ត្រូវពង្រឹងសមត្ថភាព

ក្នុងនាមជារៀមច្បងនៅក្នុងវិស័យបវរកញ្ញាមួយរូប អតីតម្ចាស់មកុដ Miss Universe Cambodia 2021 អ្នកនាង ងិន ម៉ារ៉ាឌី បានចេញមកចែករំលែកបទពិសោធដល់អ្នកជំនាន់ក្រោយបវរកញ្ញាថា “បើចង់ក្លាយជាបវរកញ្ញា កុំឆេវឆាវរឿងសំខាន់ត្រូវពង្រឹងសមត្ថភាព”។

អ្នកនាង ងិន ម៉ារ៉ាឌី គិតមកដល់ពេលនេះនាងនៅតែរក្សាបានការគាំទ្រនិងលើកសរសើរពីទស្សនិកជន ពិសេសអ្នកនិយមតាមដានវិស័យបវរកញ្ញានៅកម្ពុជា។ អ្នកនា ង ងិន ម៉ារ៉ាឌី ក៏ត្រូវបានគេចាត់ទុកថាបុគ្គលប្រកដោយវិជ្ជាជីវៈនិងក្រមសីលធម៌ ដែលជាគំរូដ៏ល្អសម្រាប់សង្គមនិងអ្នកជំនាន់ក្រោយផងដែរ។

ស្របពេលជាមួយគ្នាដែលវិស័យប្រឡងបវរកញ្ញាកាន់តែទទួលបានការគាំទ្រ និងមានបេក្ខភាពជាច្រើនបានចាប់អារម្មណ៍ចូលរួមប្រកួតគ្រប់កម្មវិធីនោះ អ្នកនាង ងិន ម៉ារ៉ាឌី បានបញ្ចេញទស្សន:ផ្ទាល់ខ្លួនថា “ចង់ក្លាយជាបវរកញ្ញាកុំឆេវឆាវពេក រឿងខ្លះអត់បានក៏អត់ទៅ ត្រូវខំប្រឹងពង្រឹងសមត្ថភាពហើយបន្តដំណើរទៅមុខទៀតជាប់ធ្លាក់ជាបទពិសោធរៀនទទួលស្គាល់ការពិតហើយប្រឹង Update ខ្លួនបន្តជូនពរជោគជ័យ“។

តាមរយ:ការលើកឡើង និងជាបទពិសោធពីសំណាក់អតីតម្ចាស់មកុដ Miss Universe Cambodia 2021 អ្នកនាង ងិន ម៉ារ៉ាឌី ខាងលើនេះ មានមហាជនអ្នកគាំទ្រមួយចំនួនបានបង្ហាញការគាំទ្រ និងបញ្ចេញមតិដោយយល់ថា នាងពិតជានិយាយបានត្រឹមត្រូវក្នុងនាមជារៀមច្បងសិល្ប:មួយរូប ដែលធ្លាប់ឆ្លងកាត់បទពិសោធលើវិស័យប្រកួតមួយនេះ៕ អត្ថបទ៖ ចាន់រ៉ា

The post ងិន ម៉ារ៉ាឌី ៖ បើចង់ក្លាយជាបវរកញ្ញាកុំឆេវឆាវ រឿងសំខាន់ត្រូវពង្រឹងសមត្ថភាព appeared first on Kampuchea Thmey Daily.