Mitsubishi ពិចារណាមិនចូលរួមជាមួយ Nissan-Honda លើការច្របាច់បញ្ចូលគ្នា
កាសែត Yomiuri បានរាយការណ៍នៅថ្ងៃសុក្រផងដែរថា ក្រុមហ៊ុន Mitsubishi Motors ពិចារណាមិនចូលរួម ដោយបារម្ភថា ខ្លួនពិបាកនឹងជះឥទ្ធិពលលើការសម្រេចចិត្តគ្រប់គ្រងណាមួយ ព្រោះតែទំហំក្រុមហ៊ុនរបស់ខ្លួនតូច។ The post Mitsubishi ពិចារណាមិនចូលរួមជាមួយ Nissan-Honda លើការច្របាច់បញ្ចូលគ្នា appeared first on Kampuchea Thmey Daily.
ក្រុមហ៊ុនផលិតរថយន្តជប៉ុន Mitsubishi Motors កំពុងពិចារណាមិនចូលរួមលើការច្របាច់ចូលគ្នារវាងក្រុមហ៊ុនផលិតរថយន្ត Nissan និង Honda។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
ប្រភពបានប្រាប់រ៉យទ័រ ជាអនាមិកថា ក្រុមហ៊ុន Mitsubishi Motors គ្រោងនឹងបន្តចុះបញ្ជី ខណៈបន្តទំនាក់ទំនងសហប្រតិបត្តិការជាមួយក្រុមហ៊ុនទាំង២។
ការវិវត្តចុងក្រោយនេះ នេះកើតឡើងបន្ទាប់ពីក្រុមហ៊ុន Nissan និង Honda កាលពីឆ្នាំមុន បាននិយាយថា ពួកគេនឹងចាប់ផ្តើមការពិភាក្សាជាផ្លូវការលើការរួមបញ្ចូលគ្នា ដែលអាចបង្កើតក្រុមរថយន្តធំជាងគេទី៣របស់ពិភពលោក ជាមួយនឹងផលិតកម្មរថយន្តប្រចាំឆ្នាំ ៧,៤ លានគ្រឿង។
ក្រុមហ៊ុន Mitsubishi Motors ដែលក្រុមហ៊ុន Nissan កាន់កាប់ភាគហ៊ុន ២៤ ភាគរយ ត្រូវបានគេរំពឹងថា នឹងសម្រេចចិត្តនៅខែនេះ ថាតើក្រុមហ៊ុនមានគម្រោងចូលរួមដែរឬទេ។
កាសែត Yomiuri បានរាយការណ៍នៅថ្ងៃសុក្រផងដែរថា ក្រុមហ៊ុន Mitsubishi Motors ពិចារណាមិនចូលរួម ដោយបារម្ភថា ខ្លួនពិបាកនឹងជះឥទ្ធិពលលើការសម្រេចចិត្តគ្រប់គ្រងណាមួយ ព្រោះតែទំហំក្រុមហ៊ុនរបស់ខ្លួនតូច។
គួរគូសបញ្ជាក់ថា ក្រុមហ៊ុន Nissan និង Honda បាននិយាយកាលពីខែធ្នូថា ពួកគេមានបំណងបញ្ចប់ការពិភាក្សារបស់ខ្លួននៅខែមិថុនា ឆ្នាំ ២០២៥ មុនពេលបង្កើតក្រុមហ៊ុនមេនៅខែសីហា ឆ្នាំ ២០២៦ នៅពេលដែលភាគហ៊ុនរបស់ក្រុមហ៊ុនទាំង២ នឹងត្រូវបានលុបចោល៕
The post Mitsubishi ពិចារណាមិនចូលរួមជាមួយ Nissan-Honda លើការច្របាច់បញ្ចូលគ្នា appeared first on Kampuchea Thmey Daily.
