Breaking News! រថយន្តបុករះមនុស្សតាមផ្លូវនៅកាណាដា ស្លាប់ច្រើននាក់

រថយន្តមួយគ្រឿង បានបើកបុករះមនុស្សនៅទីក្រុង Vancouver នៃប្រទេសកាណាដា ខណៈសេចក្តីរាយការណ៍បឋមបានឲ្យដឹងថា មានមនុស្សច្រើននាក់បាត់បង់ជីវិត។

តាមការចុះផ្សាយរបស់ BBC, ហេតុការណ៍នេះកើតឡើងនៅម៉ោង ៨យប់ថ្ងៃសៅរ៍ទី២៦ខែមេសាឆ្នាំ២០២៥ ត្រូវនឹងថ្ងៃអាទិត្យទី២៧នៅកម្ពុជា លើមហាវិថី E. 41 ពេលមានការប្រារព្ធពិធី Lapu Lapu ដែលជាប្រពៃណីរបស់ជនជាតិហ្វីលីពីន។

ដ្បិតតែមិនទាន់មានសេចក្តីរាយការណ៍ច្បាស់អំពីតួលេខមនុស្សស្លាប់ ប៉ូលិសក្នុងតំបន់និយាយថា ដឹងតែមានមនុស្សស្លាប់ច្រើន ចំណែកអ្នកបើកឡាន ត្រូវបញ្ជូនទៅឃុំឃាំងរួចហើយ។ 

ទោះបីជាយ៉ាងណាក៏ដោយ ប៉ូលិសបានចាប់ផ្តើមការស៊ើបអង្កេតលើករណីនេះ ដើម្បីរកឲ្យឃើញនូវមូលហេតុពិត ហើយនឹងផ្តល់ព័ត៌មានលម្អិត ពេលណាដឹងព័ត៌មានច្បាស់៕

អត្ថបទ៖ សុខ សុវណ្ណ

ចុចអាន៖ រថយន្តបុករះនៅផ្សារបុណ្យណូអែលអាល្លឺម៉ង់ ស្លាប់និងរបួសមនុស្សច្រើននាក់ សង្ស័យជាអំពើភេរវកម្ម

The post Breaking News! រថយន្តបុករះមនុស្សតាមផ្លូវនៅកាណាដា ស្លាប់ច្រើននាក់ appeared first on Kampuchea Thmey Daily.