ប៉ូលិសឆេកច្រានចោលការវាយប្រហារក្នុងសាលារៀនជាអំពើភេរវកម្ម
ក្មេងជំទង់ម្នាក់ត្រូវបានចាប់ខ្លួនពីបទឧក្រិដ្ឋកម្មវាយប្រហារ និងសម្លាប់ស្ត្រីពីរនាក់ដោយកាំបិតកាលពីថ្ងៃព្រហស្បតិ៍នៅឯមជ្ឈមណ្ឌលលក់ទំនិញមួយក្នុង... The post ប៉ូលិសឆេកច្រានចោលការវាយប្រហារក្នុងសាលារៀនជាអំពើភេរវកម្ម appeared first on Kampuchea Thmey Daily.
ក្មេងជំទង់ម្នាក់ត្រូវបានចាប់ខ្លួនពីបទឧក្រិដ្ឋដោយការវាយប្រហារនិងសម្លាប់ស្ត្រីពីរនាក់ដោយប្រើកាំបិតកាលពីថ្ងៃព្រហស្បតិ៍នៅឯកន្លែងលក់ទំនិញមួយក្នុងសាធារណរដ្ឋឆេកក្នុងតំបន់អឺរ៉ុប។ នេះបើយោងតាមការចេញផ្សាយរបស់ទីភ្នាក់ងារព័ត៌មាន AP នៅថ្ងៃទី២១ខែកុម្ភៈនេះ។
អ្នកស្លាប់ស្ថិតក្នុងចំណោមអ្នករងរបួសធ្ងន់ធ្ងរ ហើយក្រោយមកប៉ូលិសបានបញ្ជាក់ថា អ្នកទាំងពីរបានស្លាប់។ ការវាយប្រហារនេះបានកើតឡើងនៅក្នុងទីក្រុង Hradec Kralove ចម្ងាយប្រហែល១០០គីឡូម៉ែត្រភាគខាងកើតទីក្រុង Prague ប៉ុន្តែសមត្ថកិច្ចមិនទាន់លាតត្រដាងអំពីមូលហេតុនោះទេ។
ប៉ូលិសបានឲ្យដឹងថា ការវាយប្រហារនេះមិនមែនជាការវាយប្រហារភេរវកម្មនោះទេ ហើយអ្នកវាយប្រហារទំនងជាវាយប្រហារជនរងគ្រោះដោយចៃដន្យ ខណៈជនរងគ្រោះមិនត្រូវបានស្គាល់អត្តសញ្ញាណភ្លាមៗនោះទេ។
បន្ទាប់ពីកើតហេតុប៉ូលិសបានឃាត់ខ្លួនក្មេងប្រុសជនជាតិឆេកអាយុ ១៦ ឆ្នាំប្រហែល ១ គីឡូម៉ែត្រ ពីកន្លែងកើតហេតុភ្លាមៗបន្ទាប់ពីការវាយប្រហារ។ កាំបិតមួយក៏ត្រូវបានគេរកឃើញនៅក្បែរនោះ ខណៈព័ត៌មានលម្អិតអំពីហេតុការណ៍មិនត្រូវបានដឹងនៅឡើយនោះទេ
នាយករដ្ឋមន្ត្រីលោក Petr Fiala ក៏បានបង្ហោះនៅលើXចូលរួមរំលែកទុក្ខដល់សាច់ញាតិសពផងដែរ។
ប៉ូលិសកំពុងធ្វើការស៉ើបអង្គេតលើករណីនេះនៅឡើយ។ មកដល់ពេលនេះស្ថានការណ៍ស្ថិតក្រោមការគ្រប់គ្រង គ្មានគ្រោះថ្នាក់ដល់សាធារណជន ហើយសន្តិសុខនៅក្នុងទីក្រុងមិនត្រូវបានពង្រឹងនោះទេ៕
អត្ថបទ៖ ប៊ុន សុភាព
The post ប៉ូលិសឆេកច្រានចោលការវាយប្រហារក្នុងសាលារៀនជាអំពើភេរវកម្ម appeared first on Kampuchea Thmey Daily.
