អ៊ីរ៉ង់ ទទួលបានបច្ចេកវិទ្យាក្នុងការសាងសង់រោងចក្រថាមពលនុយក្លេអ៊ែរ បើទោះជាមានទណ្ឌកម្ម
តេអេរ៉ង់៖ ប្រមុខនុយក្លេអ៊ែអ៊ីរ៉ង់បានឲ្យដឹងថា ប្រទេសនេះកំពុងទទួលបានបច្ចេកវិទ្យា ដើម្បីសាងសង់រោងចក្រថាមពលបរមាណូ បើទោះបីជាមានការដាក់ទណ្ឌកម្មពីលោកខាងលិចក៏ដោយ នេះបើយោងតាមទីភ្នាក់ងារសារព័ត៌មាន Fars ពាក់កណ្តាលផ្លូវការ។ ប្រធានអង្គការថាមពលអាតូមិកអ៊ីរ៉ង់ (AEOI) Mohammad Eslami បានធ្វើការកត់សម្គាល់នៅឯរោងចក្រថាមពលនុយក្លេអ៊ែរ Darkhovin ដែលបច្ចុប្បន្នកំពុងសាងសង់នៅក្នុងខេត្ត Khuzestan ភាគនិរតី។ លោកបានបន្ថែមថា ទោះបីជាសហរដ្ឋអាមេរិកព្យាយាមបញ្ឈប់ការរីកចំរើនរបស់ខ្លួនក៏ដោយ ក៏ការសាងសង់រោងចក្រនេះនៅតែបន្តដោយមានជំនួយពីយុវជន និងអ្នកវិទ្យាសាស្ត្រអ៊ីរ៉ង់ នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។ លោក Eslami បានឲ្យដឹងថា ពិភពលោកទាំងមូលបានដឹងថា អ៊ីរ៉ង់ កំពុងទទួលបានបច្ចេកវិទ្យានៃការសាងសង់រោងចក្រថាមពលនុយក្លេអ៊ែរ ដោយសង្កត់ធ្ងន់ថាប្រទេសនេះមិនយកចិត្តទុកដាក់ចំពោះ “ការដាក់ទណ្ឌកម្ម និងសម្ពាធរបស់សត្រូវ” ហើយនឹងបន្តធ្វើការឆ្ពោះទៅរកការសម្រេចបាននូវគោលបំណងរបស់ខ្លួន។ លោកបានបន្ថែមថា “សព្វថ្ងៃនេះយើងគឺជាអ្នកលេងដ៏សំខាន់នៅក្នុងវិទ្យាសាស្ត្រនៅក្នុងពិភពលោកហើយសត្រូវមិនអាចមានលទ្ធភាពឃើញភាពជោគជ័យដ៏អស្ចារ្យនេះទេ”៕ ប្រែសម្រួល ឈូ
តេអេរ៉ង់៖ ប្រមុខនុយក្លេអ៊ែអ៊ីរ៉ង់បានឲ្យដឹងថា ប្រទេសនេះកំពុងទទួលបានបច្ចេកវិទ្យា ដើម្បីសាងសង់រោងចក្រថាមពលបរមាណូ បើទោះបីជាមានការដាក់ទណ្ឌកម្មពីលោកខាងលិចក៏ដោយ នេះបើយោងតាមទីភ្នាក់ងារសារព័ត៌មាន Fars ពាក់កណ្តាលផ្លូវការ។
ប្រធានអង្គការថាមពលអាតូមិកអ៊ីរ៉ង់ (AEOI) Mohammad Eslami បានធ្វើការកត់សម្គាល់នៅឯរោងចក្រថាមពលនុយក្លេអ៊ែរ Darkhovin ដែលបច្ចុប្បន្នកំពុងសាងសង់នៅក្នុងខេត្ត Khuzestan ភាគនិរតី។
លោកបានបន្ថែមថា ទោះបីជាសហរដ្ឋអាមេរិកព្យាយាមបញ្ឈប់ការរីកចំរើនរបស់ខ្លួនក៏ដោយ ក៏ការសាងសង់រោងចក្រនេះនៅតែបន្តដោយមានជំនួយពីយុវជន និងអ្នកវិទ្យាសាស្ត្រអ៊ីរ៉ង់ នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
លោក Eslami បានឲ្យដឹងថា ពិភពលោកទាំងមូលបានដឹងថា អ៊ីរ៉ង់ កំពុងទទួលបានបច្ចេកវិទ្យានៃការសាងសង់រោងចក្រថាមពលនុយក្លេអ៊ែរ ដោយសង្កត់ធ្ងន់ថាប្រទេសនេះមិនយកចិត្តទុកដាក់ចំពោះ “ការដាក់ទណ្ឌកម្ម និងសម្ពាធរបស់សត្រូវ” ហើយនឹងបន្តធ្វើការឆ្ពោះទៅរកការសម្រេចបាននូវគោលបំណងរបស់ខ្លួន។
លោកបានបន្ថែមថា “សព្វថ្ងៃនេះយើងគឺជាអ្នកលេងដ៏សំខាន់នៅក្នុងវិទ្យាសាស្ត្រនៅក្នុងពិភពលោកហើយសត្រូវមិនអាចមានលទ្ធភាពឃើញភាពជោគជ័យដ៏អស្ចារ្យនេះទេ”៕
ប្រែសម្រួល ឈូក បូរ៉ា
