ត្រឹម ២៥ ម៉ោង “ថីអ្ហែងថី” របស់លោក G-Devith មានអ្នកទស្សនា ១០ លានដង បំបែកកំណត់ត្រាដើមឆ្នាំ ២០២៥
ត្រឹម ២៥ ម៉ោង "ថីអ្ហែងថី" របស់លោក G-Devith មានអ្នកទស្សនា ១០ លានដង... The post ត្រឹម ២៥ ម៉ោង “ថីអ្ហែងថី” របស់លោក G-Devith មានអ្នកទស្សនា ១០ លានដង បំបែកកំណត់ត្រាដើមឆ្នាំ ២០២៥ appeared first on Kampuchea Thmey Daily.
តារាចម្រៀងរ៉េប លោក ងួន ចាន់ដេវីត ហៅ G-Devith អាចចាត់ទុកថាជាតារារ៉េបដំបូងគេរបស់កម្ពុជាដែលបំបែកកំណត់ត្រា ១០ លានទស្សនា ត្រឹមរយៈពេល ២៥ ម៉ោង ក្រោយបញ្ចេញបទ”ថីអ្ហែងថី” ជាផ្លូវការ កាលពីម្សិលមិញ។
ប្រាកដណាស់បន្ទាប់ពីទម្លាក់ស្នាដៃបទថ្មីរបស់ខ្លួនដែលមានចំណងជើងថា “ថីអ្ហែងថី” នៅលើបណ្ដាញសង្គម និងផេកផ្លូវការរបស់ខ្លួននោះ គេឃើញមានសន្ទុះគាំទ្រដែលកត់សម្គាល់ឃើញថាទទួលបានអ្នកចូលទស្សនាយ៉ាងច្រើន និងមានការចែករំលែកនៅលើបណ្ដាញសង្គមហ្វេសប៊ុកព្រោងព្រាត ខណៈចំនួននេះអាចធ្វើឲ្យសាមីខ្លួនលោក G-Devith យល់ថាស្ទើរតែមិននឹកស្មាន ព្រោះវាជាចំនួនច្រើនអាចលើសការរំពឹងទុក។
តាមរយៈនេះអ្នកគាំទ្រលោក G-Devith បានចាត់ទុកថាជាជោគជ័យដ៏ធំមួយទៀតសម្រាប់តារាចម្រៀងរ៉េបលោក G-Devith ហើយវាក៏ជាស្នាដៃចម្រៀងរសជាតិថ្មីប្លែកអារម្មណ៍នាដើមឆ្នាំ ២០២៥ ស្របពេលបទ“ថីអ្ហែងថី” ទើបតែបញ្ចេញផ្សព្វផ្សាយបានត្រឹមតែរយៈពេល ២៥ ម៉ោង អាចទទួលបានអ្នកចូលទស្សនារហូត 10.M Views គិតត្រឹម ២៥ ម៉ោង នៅវេលាម៉ោង ៨ ថ្ងៃទី ២៨ ខែមករា ក្នុងបណ្ដាញសង្គមហ្វេសប៊ុក។
ទោះបីជាយ៉ាងណាទន្ទឹមដែលចំនួនគាំទ្រ និងទស្សនាមានការកើនឡើងលើសពីការរំពឹងទុកនេះដែរ គេក៏ឃើញមានការបញ្ចេញមតិវែកញែក និងលើកឡើងដែរថា បទចម្រៀង”ថីអ្ហែងថី”របស់លោក G-Devith បានចម្លង (Copy) ភ្លេងរបស់គេ ខណៈមានអ្នកគាំទ្រតារារ៉េបរូបនេះក៏បានប្រតិកម្មតបតដាក់គ្នាផងដែរ។
ដោយឡែកតារាចម្រៀងលោក ម៉ៃ សុគន្ធ ដែលអ្នកគាំទ្រដឹងថា លោកតែងតែលេចមុខរិះគន់តារាមិនសំចៃមាត់នោះបានលើកឡើងថា «ថីអ្ហែងថី! “Bruh, Seri ously?” ម៉េចចេះតែ Copy ភ្លេងគេមកអ៊ីចឹង ច្រើនឆ្នាំហើយនៅអត់ចោលក្បួនអូយ !ច្រឡំ Travis Scott យកភ្លេង GD ទេ ណ.»។
ជាមួយគ្នានេះ ក៏មានការរិះគន់ និងបង្ហាញការមិនពេញចិត្តទៅលើការប្រើប្រាស់ពាក្យពេចន៍មិនសមរម្យ និងអសុរោះមួយចំនួនក្នុងអត្ថន័យបទនេះដូចជាពាក្យ, មួយជីវិតហ្នឹងម៉េចដៃខ្លី ជើងខ្លី រួមនឹងពាក្យមួយចំនួនទៀតជាដើម៕
អត្ថបទ ៖ ចាន់រ៉ា
The post ត្រឹម ២៥ ម៉ោង “ថីអ្ហែងថី” របស់លោក G-Devith មានអ្នកទស្សនា ១០ លានដង បំបែកកំណត់ត្រាដើមឆ្នាំ ២០២៥ appeared first on Kampuchea Thmey Daily.
