តម្លៃប្រេងឡើងជាង ១ ភាគរយ ជំរុញដោយទណ្ឌកម្មលើអ៊ីរ៉ង់
តម្លៃប្រេងកើនឡើងជាថ្មី ក្រោយក្រសួងរតនាគារសហរដ្ឋអាមេរិក បាននិយាយថា សហរដ្ឋអាមេរិកបានចេញទណ្ឌកម្មថ្មីលើបុគ្គលអ៊ីរ៉ង់ The post តម្លៃប្រេងឡើងជាង ១ ភាគរយ ជំរុញដោយទណ្ឌកម្មលើអ៊ីរ៉ង់ appeared first on Kampuchea Thmey Daily.
តម្លៃប្រេងអន្តរជាតិ បានកើនឡើងជាង ១ ភាគរយ សម្រាប់ការជួញដូរនៅថ្ងៃពុធនេះ ដែលជំរុញដោយទណ្ឌកម្មជុំថ្មីលើប្រទេសផលិតប្រេងធំអ៊ីរ៉ង់ ការធ្លាក់ចុះស្ដុកប្រេងរបស់សហរដ្ឋអាមេរិក និងការបន្ទន់ជំហរពន្ធដាក់ចិនរបស់ប្រធានាធិបតីអាមេរិក លោក ដូណាល់ ត្រាំ។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
តម្លៃប្រេងឆៅនាពេលអនាគត ម៉ាក Brent បានកើនឡើងខ្ពស់បំផុតចាប់តាំងពីថ្ងៃទី ៤ មេសា ដោយជួញដូរនៅតម្លៃ ៦៨,៦៥ ដុល្លារ/បារ៉ែល កើនឡើង ១,១០ ដុល្លារ ឬ ១,៦៣ ភាគរយ។ ចំណែកឯប្រេងឆៅអាមេរិក ម៉ាក West Texas Intermediate (WTI) បានកើនឡើង ១,១២ ដុល្លារ ឬ ១,៧៦ ភាគរយ ដល់ ៦៤,៧៩ ដុល្លារ/បារ៉ែល។
តម្លៃប្រេងកើនឡើងជាថ្មី ក្រោយក្រសួងរតនាគារសហរដ្ឋអាមេរិក បាននិយាយថា សហរដ្ឋអាមេរិកបានចេញទណ្ឌកម្មថ្មី ដែលផ្តោតលើសេដ្ឋីរបស់អ៊ីរ៉ង់ ដែលមានបណ្តាញដឹកជញ្ជូនឧស្ម័នប្រេងពង្រាវ និងប្រេងឆៅរបស់អ៊ីរ៉ង់ចេញក្រៅប្រទេស។
ទន្ទឹមនឹងនេះ ប្រភពទីផ្សារឯណោះវិញ បាននិយាយដោយដកស្រង់ទិន្នន័យរបស់វិទ្យាស្ថានប្រេងអាមេរិក ថា ស្តុកប្រេងឆៅរបស់សហរដ្ឋអាមេរិកបានធ្លាក់ចុះប្រហែល ៤,៦ លានបារ៉ែល កាលពីសប្តាហ៍មុន ខណៈស្តុកប្រេងសាំង ធ្លាក់ចុះ ២,២ លានបារ៉ែល។
ជាមួយគ្នានេះផងដែរ លោក ត្រាំ កាលពីថ្ងៃអង្គារបានបន្ទន់ជំហររបស់ខ្លួនដាក់ចិន ដោយប្រកាសពីគម្រោងកាត់បន្ថយពន្ធលើទំនិញចិនជាគំហុក ដែលអាចធ្វើឱ្យកង្វល់សេដ្ឋកិច្ចបានស្រាកស្រាន្ត៕
The post តម្លៃប្រេងឡើងជាង ១ ភាគរយ ជំរុញដោយទណ្ឌកម្មលើអ៊ីរ៉ង់ appeared first on Kampuchea Thmey Daily.
