ចំនួនអ្នកស្លាប់ក្នុងគ្រោះរញ្ជួយដីនៅមីយ៉ាន់ម៉ាកើនលើស៣៣០០នាក់

គិតត្រឹមរសៀលថ្ងៃសៅរ៍នេះ គ្រោះរញ្ជួយដីនៅមីយ៉ាន់ម៉ាបណ្តាលឲ្យមនុស្ស ៣៣៥៤នាក់ស្លាប់ ៤៥០៨នាក់រងរបួស និង ២២០ នាក់ផ្សេងទៀតបាត់ខ្លួន... The post ចំនួនអ្នកស្លាប់ក្នុងគ្រោះរញ្ជួយដីនៅមីយ៉ាន់ម៉ាកើនលើស៣៣០០នាក់ appeared first on Kampuchea Thmey Daily.

ព័ត៌មាន មេសា 5, 2025 បន្ថែមចូលក្នុងបញ្ជីរអាន

ចំនួនអ្នកស្លាប់ក្នុងគ្រោះរញ្ជួយដីនៅមីយ៉ាន់ម៉ាកើនលើស៣៣០០នាក់

ចំនួនអ្នកស្លាប់ដោយសារគ្រោះរញ្ជួយដីដ៏ធំនៅក្នុងប្រទេសមីយ៉ាន់ម៉ាបានកើនឡើងលើសពី ៣៣០០នាក់ ខណៈដែលប្រធានផ្តល់ជំនួយរបស់អង្គការសហប្រជាជាតិបានអំពាវនាវជាថ្មីសម្រាប់ពិភពលោកឱ្យជួយប្រទេសដែលរងគ្រោះដោយគ្រោះមហន្តរាយនេះ។ យោងការចេញផ្សាយរបស់ Al Jazeera។

គ្រោះរញ្ជួយដីកម្រិត ៧,៧រ៉ិចទ័រ ដែលបានវាយប្រហារប្រទេសមីយ៉ាន់ម៉ានៅតំបន់អាស៊ីអាគ្នេយ៍ កាលពីថ្ងៃទី ២៨ខែមីនា បានបណ្តាលឲ្យមនុស្ស ៣៣៥៤នាក់ស្លាប់ និង ៤៥០៨នាក់រងរបួស និង ២២០ នាក់ផ្សេងទៀតបាត់ខ្លួននៅឡើយ។ នេះបើយោងតាមតួលេខថ្មីផ្សាយដោយប្រព័ន្ធផ្សព្វផ្សាយរដ្ឋកាលពីថ្ងៃសៅរ៍ និងដកស្រង់បន្តដោយ Al Jazeera។

មន្ត្រីជំនួយកំពូលរបស់អង្គការសហប្រជាជាតិ លោក Tom Fletcher បានជួបជាមួយជនរងគ្រោះនៅក្នុងទីក្រុង Mandalay ភាគកណ្តាលនៃប្រទេសមីយ៉ាន់ម៉ា ដែលមានទីតាំងនៅជិតចំណុចកណ្តាល ហើយឥឡូវនេះកំពុងរងការខូចខាតយ៉ាងធ្ងន់ធ្ងរនៅទូទាំងទីក្រុង ហើយបានពណ៌នាការបំផ្លិចបំផ្លាញថាជា «គួរឱ្យរន្ធត់»។

តាមការចុះផ្សាយនោះ លោក Tom Fletcher បានសរសេរនៅក្នុងការបង្ហោះនៅលើ X ថា «ពិភពលោកត្រូវតែប្រមូលផ្តុំគ្នានៅពីក្រោយប្រជាជនមីយ៉ាន់ម៉ា» ដោយបានសរសើរក្រុមមនុស្សធម៌ និងសហគមន៍ដែលដឹកនាំការឆ្លើយតបទៅនឹងការរញ្ជួយដីដោយ «ភាពក្លាហាន ជំនាញ និងការប្តេជ្ញាចិត្ត»។

លោក Fletcher បាននិយាយថា «មនុស្សជាច្រើនបានបាត់បង់អ្វីៗទាំងអស់ ហើយនៅតែបន្តឆ្ពោះទៅរកការជួយអ្នកនៅរស់រានមានជីវិត»៕

ដោយ រ៉ាន់ រើយ