គ្រូបង្វឹកលីគអង់គេ្លស៦រូបត្រូវបានក្លិបញ្ចប់តួនាទីក្នុង​រដូវ​កាល​នេះ

គិតត្រឹមដើមឆ្នាំ២០២៥ គ្រូបង្វឹកបាល់ទាត់ចំនួន៦រូប នៅលីគកំពូល​អង់គ្លេស រដូវកាលឆ្នាំ២០២៤-២៥ ត្រូវបានបញ្ចប់តួនាទីមុនកិច្ចសន្យា ក្រោយដឹកនាំក្រុមមិនបានល្អ។ ខាងក្រោមជាបេក្ខភាពអ្នកចាត់ការទាំង៦រូបត្រូវបានក្លិបបញ្ចប់តួនាទី។

១. លោក Erik ten Hag

លោក Erik ten Hag ត្រូវបានតែងតាំងជាគ្របង្វឹកក្រុមបិសាចក្រហមនៅថ្ងៃទី២១ ខែមេសា ឆ្នាំ២០២២។ បុរសសញ្ជាតិហូឡង់វ័យ៥៤ឆ្នាំម្នាក់នេះ ត្រូវបានក្លិបញ្ចប់តួនាទីនៅថ្ងៃទី២៨ ខែតុលាឆ្នាំ២០២៤ បន្ទាប់ពីដឹកនាំក្រុមមិនបាននៅដើមរដូវកាលឆ្នាំ២០២៤-២៥។

២. លោក Steve Cooper

លោក Steve Cooper ត្រូវបានក្លិប Leicester City បញ្ចប់តួនាទីកាលពីថ្ងៃទី២៤ ខែវិច្ឆិកា ឆ្នាំ២០២៤ បន្ទាប់ពីចូលមកកាន់តំណែងជាគ្រូបង្វឹកកាលពីថ្ងៃទី២០ ខែមិថុនា ឆ្នាំ២០២៤ ជាមួយកិច្ចសន្យារយៈពេល៣ឆ្នាំ ប៉ុន្តែត្រូវបញ្ចប់តួនាទីមុនការកំណត់។

៣. លោក Gary O’Neil

លោក Gary O’Neil ត្រូវបានតែងតាំងជាគ្រូបង្វឹករបស់ក្លិប Wolverhampton Wanderers ថ្ងៃទី៩ ខែសីហា ឆ្នាំ២០២៣ ប៉ុន្តែត្រូវក្លិបបញ្ចប់តួនាទីនៅថ្ងៃទី១៥ ខែធ្នូ ឆ្នាំ២០២៤ បន្ទាប់មិនអាចជួយក្រុមទទួលបានលទ្ធផលនៅដើមរដូវកាលឆ្នាំ២០២៤-២៥។

៤. លោក Russell Martin

លោក Russell Martin ត្រូវបានក្លិប Southampton បញ្ចប់តួនាទីកាលពីថ្ងៃទី១៥ ខែធ្នូ ឆ្នាំ២០២៤ ក្រោយចូលកាន់តំណែងជាគ្រូបង្វឹកកាលពីថ្ងៃទី២១ ខែមិថុនា ឆ្នាំ២០២៣ ជាមួយកិច្ចសន្យារយៈពេល៣ឆ្នាំ ប៉ុន្តែត្រូវបញ្ចប់តួនាទីមុនការកំណត់។

៥. លោក Julen Lopetegui

លោក Julen Lopetegui ត្រូវបានតែងតាំងជាគ្រូបង្វឹករបស់ក្លិប West Ham United កាលពីថ្ងៃទី២៣ ខែឧសភា ឆ្នាំ២០២៤ ប៉ុន្តែត្រូវក្លិបបញ្ចប់តួនាទីនៅថ្ងៃទី៨ ខែមករា ឆ្នាំ២០២៥ បន្ទាប់ដឹកក្រុមមិនល្អនៅដើមរដូវកាលឆ្នាំ​២០២៤-២៥។

៦.លោក Sean Dyche

លោក Sean Dyche ត្រូវបានក្លិប Everton បញ្ចប់តួនាទីកាលពីថ្ងៃ៩ ខែមករា ឆ្នាំ២០២៥ ក្រោយចូលកាន់តំណែងជាគ្រូបង្វឹកកាលពីថ្ងៃទី៣០ ខែមករា ឆ្នាំ២០២៣ ជាមួយកិច្ចសន្យារយៈពេល២ឆ្នាំកន្លះ ប៉ុន្តែត្រូវបញ្ចប់តួនាទីមុនការកំណត់។

អត្ថបទ៖ ផា រតនា

The post គ្រូបង្វឹកលីគអង់គេ្លស៦រូបត្រូវបានក្លិបញ្ចប់តួនាទីក្នុង​រដូវ​កាល​នេះ appeared first on Kampuchea Thmey Daily.