គួរឲ្យស្ដាយ! កីឡាសក្ដានុពលកម្ពុជា «ហែលទឹកពាក់ជើងទាមិនដាក់ឲ្យប្រកួតស៊ីហ្គេម នៅថៃ»

កីឡាសក្ដានុពលមួយរបស់កម្ពុជាគឺ ហែលទឹកពាក់ជើងទា មិនមានដាក់ The post គួរឲ្យស្ដាយ! កីឡាសក្ដានុពលកម្ពុជា «ហែលទឹកពាក់ជើងទាមិនដាក់ឲ្យប្រកួតស៊ីហ្គេម នៅថៃ» appeared first on Kampuchea Thmey Daily.

ព័ត៌មាន មេសា 22, 2025 បន្ថែមចូលក្នុងបញ្ជីរអាន

កីឡាសក្ដានុពលមួយរបស់កម្ពុជាគឺ ហែលទឹកពាក់ជើងទា មិនមានដាក់ឲ្យប្រកួតប្រជែងមេដាយក្នុងព្រឹត្តិការណ៍ស៊ីហ្គេម លើកទី៣៣ ដែលគ្រោងធ្វើនៅឯប្រទេសថៃ អំឡុងខែធ្នូ ឆ្នាំ២០២៥ នេះទេ។

ការប្រកួតហែលទឹកពាក់ជើងទា (Bifin)

នេះបើតាមលោក ហែម ពន្លឺ មន្ត្រីសហព័ន្ធខ្មែរកីឡាហែលទឹក និងជាគ្រូបង្វឹកបានឲ្យដឹងថា ជាការសោកស្ដាយមួយដែរសម្រាប់ផ្នែកកីឡាហែលទឹកដែលខាងប្រទេសថៃមិនដាក់បញ្ចូលកីឡាហែលទឹកពាក់ជើងទានៅព្រឹត្តិការណ៍ស៊ីហ្គេម លើកទី៣៣ នេះ។

កម្ពុជាអាចនឹងខាតមេដាយខ្លះដែរ ព្រោះប្រសិនបើមានកីឡាហែលទឹកពាក់ជើងទានេះឲ្យលេងអាចនឹងទទួលបានមេដាយបន្ថែមលោកជឿជាក់។ កន្លងទៅទាំងនៅស៊ីហ្គេមវៀតណាម និងកម្ពុជា ប្រភេទកីឡាមួយសុទ្ធតែឈ្នះមេដាយរួមមាន មាស ប្រាក់ និងសំរឹទ្ធ ជាដើម។

លោក ហែមថុន ពន្លឺ

គ្រូជំនាញរូបនេះបន្ថែមទៀតថា អ្វីដែលស្ដាយជាងនេះទៅទៀតការខំប្រឹងរបស់សិស្សៗដែលពួកគេបានហ្វឹកហាត់ត្រៀមជាយូរដែរហើយសម្រាប់ចូលរួមប្រកួតស៊ីហ្គេមនៅថៃលើកនេះ។ ប៉ុន្តែបែរជាទទួលដំណឹងមកថាខាងម្ចាស់ផ្ទះមិនដាក់បញ្ចូលទៅវិញ។ ការមិនដាក់បញ្ចូលនេះតាមលោកដឹងដោយសារខាងថៃមិនសូវរកមេដាយបានលើប្រភេទកីឡាមួយនេះ។

រូបភាពផេកសហព័ន្ធ

បញ្ជាក់ដែរថា កីឡាហែលទឹកពាក់ជើងទាជាប្រភេទកីឡាថ្មី ប៉ុន្តែមានសក្ដានុពលសម្រាប់កម្ពុជាបើទោះជាចាប់ផ្ដើមហ្វឹកហាត់ទើបបានតិចឆ្នាំក្ដី។ នៅស៊ីហ្គេម លើកទី៣១ ឯប្រទេសវៀតណាម គឺកម្ពុជាឈ្នះមេដាយសំរឹទ្ធ ១គ្រឿង ចំណែកស៊ីហ្គេម លើកទី៣២ នៅកម្ពុជា ផ្នែកកីឡាហែលទឹកពាក់ជើងទានេះបន្តឈ្នះមេដាយជាថ្មីទៀតគឺ មាស ២ ប្រាក់ ១ សំរឺទ្ធ ៤។ បើតាមប្រភពពី Wikipedia ស៊ីហ្គេម ឯប្រទេសថៃ ឆ្នាំនេះមាន ៥០ប្រភេទកីឡា និងមាន ៥៧៤ វិញ្ញាសា។ ស៊ីហ្គេម លើកទី៣៣ នេះនឹងចាប់ផ្ដើមពីថ្ងៃទី៩ ខែធ្នូ ដល់ ២០ ខែធ្នូ ឆ្នាំ២០២៥៕