អ្នកគាំទ្រ Kim Soo Hyum បង្កើតបណ្តាញការពារតារាសំណព្វ ដោយគំរាមប្តឹងតាមផ្លូវច្បាប់

ខ្លួននឹងចាប់ផ្តើមចាត់វិធានការផ្លូវច្បាប់ ប្រឆាំងនឹងបុគ្គលដែលផ្សព្វផ្សាយពាក្យចចាមអារ៉ាមមិនពិត និង.... The post អ្នកគាំទ្រ Kim Soo Hyum បង្កើតបណ្តាញការពារតារាសំណព្វ ដោយគំរាមប្តឹងតាមផ្លូវច្បាប់ appeared first on Kampuchea Thmey Daily.

ព័ត៌មាន មេសា 23, 2025 បន្ថែមចូលក្នុងបញ្ជីរអាន

អ្នកគាំទ្រ Kim Soo Hyum បង្កើតបណ្តាញការពារតារាសំណព្វ ដោយគំរាមប្តឹងតាមផ្លូវច្បាប់

កាលពីថ្ងៃទី២២ខែមេសា ក្រុមបណ្តាញអ្នកគាំទ្ររបស់តារាសម្តែងកូរ៉េខាងត្បូង លោក Kim Soo Hyum ដែលមានរឿងអាស្រូវស្នេហាជាមួយអតីតតារាសម្តែងស្រី អ្នកនាង Kim Sae Ron ដែលបានស្លាប់ទៅហើយនោះ កំពុងងើបឡើងតតាំងផ្លូវច្បាប់ដើម្បីការពារតារាសំណព្វចិត្តរបស់ពួកគេ ពីការវាយប្រហារបង្ខូចកេរ្តិ៍ឈ្មោះ។

ក្រុមអ្នកគាំទ្រទាំងនោះ រួមមាន Kim Soo Hyun Fan Union រួមទាំង Daum Cafe Eucharis និង Kim Soo Hyun Gallery របស់ DC Inside ដែលគេស្គាល់ថា ជាក្លិបអ្នកគាំទ្ររបស់តារាប្រុសបានប្រកាសថា ខ្លួននឹងចាប់ផ្តើមចាត់វិធានការផ្លូវច្បាប់ ប្រឆាំងនឹងបុគ្គលណាដែលផ្សព្វផ្សាយពាក្យចចាមអារ៉ាមមិនពិត និងអ្នកតាមយាយីក្នុងអ៊ីនធឺណិតដល់តួឯកប្រុសក្នុងរឿង «Queen of Tears»។

បណ្តាញអ្នកគាំទ្របានអះអាងថា «ដោយសារតែការរីករាលដាលជាបន្តនៃពាក្យចចាមអារ៉ាមអាក្រក់ និងការបរិហារកេរ្តិ៍ដែលផ្តោតលើ Kim Soo Hyun ដោយបុគ្គលដែលមិនទាក់ទងនឹងគាត់ តាមរយៈសហគមន៍អនឡាញ និងប្រព័ន្ធផ្សព្វផ្សាយសង្គម។ បច្ចុប្បន្នយើងកំពុងបន្តការប្តឹងផ្តល់បទឧក្រិដ្ឋ»។

មេធាវី Yang Tae Young មកពីក្រុមហ៊ុនមេធាវី Siwoo ដែលតំណាងឲ្យសហជីពអ្នកគាំទ្រ បានបង្ហាញផែនការដាក់ពាក្យបណ្តឹងទៅកាន់ប៉ុស្តិ៍ប៉ូលិស Seoul Seongbuk នៅដើមសប្តាហ៍នេះ។ សហជីពកំពុងចោទប្រកាន់អ្នកលេងបណ្តាញសង្គមដែលបង្កើតពាក្យចចាមអារ៉ាមពីបទបរិហារកេរ្តិ៍ ក្រោមច្បាប់បណ្តាញព័ត៌មាន និងទំនាក់ទំនងរបស់ប្រទេសកូរ៉េ។

មិនដូចការចោទប្រកាន់ជេរប្រមាថ ដែលទាមទារការប្តឹងដោយផ្ទាល់ពីជនរងគ្រោះទេ ការចោទប្រកាន់ពីបទបរិហារកេរ្តិ៍អាចត្រូវបានបន្តដោយភាគីទីបី។ សហជីពអ្នកគាំទ្របានសង្កត់ធ្ងន់ថា សកម្មភាពនេះមិនកំណត់ចំពោះអ្នកគាំទ្រក្នុងស្រុកទេ ដោយកត់សម្គាល់ថា សហគមន៍អ្នកគាំទ្រអន្តរជាតិ ក៏ចូលរួមនៅក្នុងកិច្ចខិតខំប្រឹងប្រែងផងដែរ។

សហជីពអ្នកគាំទ្របាននិយាយថា នេះគឺជាចលនាស្ម័គ្រចិត្តដើម្បីការពារសិទ្ធិរបស់តារាសម្តែងកូរ៉េ និងរក្សាវប្បធម៌អ្នកគាំទ្រឲ្យនៅល្អ។ ពួកយើងនឹងមិនអត់ឱនចំពោះការវាយប្រហារផ្ទាល់ខ្លួន ឬការអត្ថាធិប្បាយបង្ខូចកេរ្តិ៍ឈ្មោះដែលក្លែងបន្លំជាសេរីភាពនៃការបញ្ចេញមតិនោះទេ។ គ្មានការយោគយល់នឹងត្រូវបានបង្ហាញនោះទេ។ ពួកគេបានបន្ថែមថា ពួកគេបានប្រមូលភ័ស្តុតាងយ៉ាងទូលំទូលាយ រួមទាំងការអត្ថាធិប្បាយព្យាបាទ រូបភាពដែលក្លែងបន្លំ និងការបង្ហោះប្រឌិត ដែលបានផ្សព្វផ្សាយតាមអ៊ីនធឺណិតក្នុងរយៈពេលជាច្រើនខែ។

ទន្ទឹមគ្នានោះដែរ សូម្បីតែភ្នាក់ងាររបស់ Kim Soo Hyun គឺផលិតកម្ម Gold Medalist ក៏បានដាក់ពាក្យបណ្តឹងផ្លូវច្បាប់នៅថ្ងៃទី ១៥ ខែមេសា ដោយបញ្ជាក់ថា ការរំពឹងទុកដោយគ្មានមូលដ្ឋាន និងការអះអាងដែលមិនត្រូវបានផ្ទៀងផ្ទាត់កំពុងត្រូវបានបង្ហោះម្តងហើយម្តងទៀតតាមអ៊ីនធឺណិត ដែលធ្វើឲ្យខូចកេរ្តិ៍ឈ្មោះរបស់សិល្បករ។ ទីភ្នាក់ងារនេះបានបញ្ជាក់ថែមទៀតថា ខ្លួនបានដាក់ការចោទប្រកាន់ពីបទបរិហារកេរ្តិ៍ និងប្រមាថដល់អាជ្ញាធរពាក់ព័ន្ធរួចរាល់ហើយ។

ជាងនេះទៅទៀត កាលពីខែមុន ភាគីរបស់តួប្រុសកូរ៉េក៏បានប្តឹងទាមទារសំណងការខូចខាតចំនួន ១២ ពាន់លានវ៉ុន (ប្រហែល ៨.៧ លានដុល្លារអាមេរិក) ប្រឆាំងនឹងគ្រួសាររបស់តារាសម្តែងស្រី អ្នកនាង Kim Sae Ron ដែលបានស្លាប់ទៅហើយនោះ និងប្រតិបត្តិករនៃបណ្តាញ YouTube Garosero Research Institute (HoverLab) នាពេលកន្លងមកដែរ។

ចំណាត់ការផ្លូវច្បាប់បានមកពីការអះអាងដែលធ្វើឡើងដោយក្រុមគ្រួសាររបស់ នាង Kim Sae Ron និងវិទ្យាស្ថានស្រាវជ្រាវ Garosero ដែលបានចោទប្រកាន់ថា Kim Soo Hyun មានទំនាក់ទំនងស្នេហាជាមួយ Kim Sae Ron ពីឆ្នាំ ២០១៥ ដល់ឆ្នាំ ២០២១ ដោយចាប់ផ្តើមពីពេលដែលនាងនៅជាអនីតិជនម្ល៉េះ។ ពួកគេបានបង្ហាញភស្តុតាងដែលសន្មត់ថា រួមមានសំបុត្រសរសេរដោយដៃរបស់ Kim Soo Hyun អំឡុងពេលបំពេញកាតព្វកិច្ចយោធា និងរូបថតដែលគាត់ថើបនាងនៅលើថ្ពាល់។

ជាការឆ្លើយតប Gold Medalist បានបំភ្លឺកាលពីថ្ងៃទី ១៤ ខែមីនា ថា តារាសម្ដែងជួរមុខកូរ៉េបានណាត់ជួប Kim Sae Ron បន្ទាប់ពីនាងពេញវ័យប៉ុណ្ណោះ ជាពិសេសចាប់ពីរដូវក្តៅឆ្នាំ ២០១៩ ដល់រដូវស្លឹកឈើជ្រុះឆ្នាំ ២០២០។ សូម្បីតែ Kim Soo Hyun ផ្ទាល់បានលើកឡើងពីបញ្ហានេះក្នុងសន្និសីទសារព័ត៌មានកាលពីថ្ងៃទី ៣១ ខែមីនា ដោយនិយាយថា ខ្លួនមិនមានទំនាក់ទំនងជាមួយនាងទេ កាលតារាស្រីនៅជាអនីតិជន៕