រដ្ឋបាលសង្កាត់ចោមចៅទី៣ ចុះបូមស្ដារប្រព័ន្ធលូបញ្ចៀសការជន់លិច
ដោយសារប៉ុន្មានថ្ងៃមុននេះមានភ្លៀងបានធ្លាក់មកផ្ទួនៗគ្នាធ្វេីឲ្យតំបន់មួយចំនួនក្នុងមូលដ្ឋានបាន... The post រដ្ឋបាលសង្កាត់ចោមចៅទី៣ ចុះបូមស្ដារប្រព័ន្ធលូបញ្ចៀសការជន់លិច appeared first on Kampuchea Thmey Daily.
នៅរសៀលថ្ងៃទី១ ខែឧសភា ឆ្នាំ២០២៥ រដ្ឋបាលសង្កាត់ចោមចៅទី៣ ដឹកនាំដោយលោក វ៉ា សាវឿន ចៅសង្កាត់ និង លោក សុទ្ធ សុជាតិ ចៅសង្កាត់រងទី១ ព្រមទាំងក្រុមប្រឹក្សាសង្កាត់ លោកមេភូមិសហការជាមួយរថយន្តបូមលូរបស់សាលារាជធានីភ្នំពេញ បានចុះបូមស្តាប្រព័ន្ធលូជូនប្រជាពលរដ្ឋនៅក្នុងភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ ដេីម្បីសម្រួលចរន្តទឹកហូរបញ្ចៀសការជន់លិច។
លោក វ៉ា សាវឿន ចៅសង្កាត់ចោមចៅទី៣ បានប្រាប់ឲ្យដឹងថា ដោយសារប៉ុន្មានថ្ងៃមុននេះមានភ្លៀងបានធ្លាក់មកផ្ទួនៗគ្នាធ្វេីឲ្យតំបន់មួយចំនួនក្នុងមូលដ្ឋានបានការស្ទះនូវចរន្តទឹកហូរ និងដោយមានការស្នេីសុំពីប្រជាពលរដ្ឋទេីបលោកបានសហការជាមួយក្រុមការរបស់សាលារាជធានីភ្នំពេញ នាំយករថយន្តបូមលូមកបូមស្តារដេីម្បីសម្រួលដល់ចរន្តទឹកហូរលឿន។
លោក វ៉ា សាវឿន តំណាងឱ្យរដ្ឋបាលសង្កាត់ចោមចៅទី៣ទាំងមូល សូមថ្លែងអំណរគុណដល់លោក ឃួង ស្រេង អភិបាលរាជធានីភ្នំពេញ និងលោក សាំ ពិសិដ្ឋ ប្រធានមន្ទីរសាធារណការ និងដឹងជញ្ជូន លោក សក់ ចាន់កញ្ញារិទ្ធ អភិបាលខណ្ឌពោធិ៍សែនជ័យ រួមទាំងក្រុមការងារ រាជធានីភ្នំពេញ ដែលបានផ្តល់រថយន្តសម្រាប់បូមលូទាន់ពេលវេលា។
ជាមួយគ្នានោះផងដែរលោក ចៅសង្កាត់ ក៏បានសំណូមពរដល់ប្រជាពលរដ្ឋទាំងអស់មេត្តាទុកដាក់សំរាមឲ្យបានត្រឹមត្រូវចៀសវាងបោះចោលគ្មានសណ្តាប់ធ្នាប់អាចបង្កការស្ទះចរន្តទឹកហូរ៕
អត្ថបទ៖ សុខា
The post រដ្ឋបាលសង្កាត់ចោមចៅទី៣ ចុះបូមស្ដារប្រព័ន្ធលូបញ្ចៀសការជន់លិច appeared first on Kampuchea Thmey Daily.
