អាជ្ញាធរបារាំង ពង្រីកបម្រាមគោចរ ពេលយប់នៅតំបន់ Guadeloupe ចំពេលមានចលាចលថ្មី និងចោរកម្ម

បរទេស៖ អាជ្ញាធរបារាំងបានរក្សាប ម្រាមគោចរពេលយប់ ចំពេលមានចលាចលថ្មីនៅលើទឹកដីការីបៀននៃទីក្រុង Guadeloupe កាលពីថ្ងៃសៅរ៍ ខណៈដែល ពួកគេបានប្រយុទ្ធ ដើម្បីស្ដារអំណាច ដែលពួកគេបានចោទ ប្រកាន់កម្មករ ថាមពលដែលធ្វើកូដកម្មធ្វើឱ្យខូចខាត។

យោងតាមសារព័ត៌មាន VOA ចេញផ្សាយនៅថ្ងៃទី២៦ ខែតុលា ឆ្នាំ២០២៤ បានឱ្យដឹងថា ដែនដីនGuadeloupe និងកោះ Martinique របស់បារាំងនៅក្បែរនោះ បានឃើញអំពីការតវ៉ាដោយហិង្សា ជាញឹកញាប់ជាច្រើន សប្តាហ៍ជុំវិញការឡើង ថ្លៃក្នុងការការរស់នៅ ។ បម្រាមគោចរពេលយប់បានចូលជាធរមានក្នុងទីក្រុង Martinique រយៈពេល ១៦ ថ្ងៃ ដោយសារភាពចលាចលនៅទីនោះ។

អាជ្ញាធរបារាំងបានរក្សាតំបន់ Guadeloupe នៅក្រោមបម្រាមគោចរ រយៈពេលយប់ទីពីរ “ដើម្បីធានាសុវត្ថិភាព និងភាពស្ងប់ស្ងាត់” បន្ទាប់ពីថាមពល (អគ្គិសនី) របស់កោះនេះត្រូវបាន កាត់ផ្តាច់ទាំងស្រុងកាលពីថ្ងៃសុក្រ។

យ៉ាងណាក៏ដោយ ក្រុម​ចោរ​បាន​ឆ្លៀត​ ឱកាស​ពី​ការ​ដាច់​ភ្លើង ​ដើម្បី​ប្លន់​មជ្ឈមណ្ឌល​ពាណិជ្ជកម្ម​ Guadeloupe Pointe-a-Pitre។

ក្រុមចោរបានបំបែកបង្អួច នៃហាងជាច្រើនជាមួយនឹងគ្រឿង ចក្រអេស្កាវ៉ាទ័រ នៅក្នុងរូបភាពដែលបានថត និងផ្សព្វផ្សាយនៅ លើប្រព័ន្ធផ្សព្វផ្សាយសង្គម ដោយមានមនុស្សប្រហែល ៥០ នាក់ចូលរួម។

ម្ចាស់ហាងគ្រឿង អលង្ការ Carole Venutolo បាននិយាយថា “នេះជាលើកទីពីរហើយក្នុងរយៈពេល ៣ ឆ្នាំ ដែលហាងរបស់ខ្ញុំត្រូវបានបំផ្លាញ” ។ Carole Venutolo ដែលជាម្ចាស់ហាងគ្រឿង អលង្ការបានបន្លឺឡើងដោយភាព សោកសៅ និងកំហឹង៕
ប្រែសម្រួលៈ ណៃ តុលា