អតីតកីឡាករបាល់បោះដ៏ឆ្នើម Dominic Dar កំពុងបង្ហាត់បាល់បោះស្ងាត់ៗនៅកម្ពុជា
អតីតកីឡាករបាល់បោះជម្រើសជាតិកម្ពុជា Dominic Anthony Dar បាននិងកំពុងបង្វឹកបង្ហាត់កីឡាបាល់បោះយ៉ាងស្ងប់ស្ងាត់ The post អតីតកីឡាករបាល់បោះដ៏ឆ្នើម Dominic Dar កំពុងបង្ហាត់បាល់បោះស្ងាត់ៗនៅកម្ពុជា appeared first on Kampuchea Thmey Daily.
អតីតកីឡាករបាល់បោះជម្រើសជាតិកម្ពុជា Dominic Anthony Dar បាននិងកំពុងបង្វឹកបង្ហាត់កីឡាបាល់បោះយ៉ាងស្ងប់ស្ងាត់នៅក្នុងប្រទេសកម្ពុជាអស់រយៈពេលជាច្រើនខែមកហើយ។
លោក Dominic Dar បានប្រាប់ថា នៅប្រទេសកម្ពុជាសំបូរយុវជនដែលចូលចិត្តលេងកីឡាបាល់បោះ ប៉ុន្តែខ្វះខាតអ្នកមានបទពិសោធក្នុងការចែករំលែក ចំណេះដឹង និងជំនាញដល់ពួកគាត់។ រហូតដល់ពេលនេះ លោកបានកំពុងបង្ហាត់សិស្សនៅក្នុងប្រទេសកម្ពុជាច្រើនខែមកហើយ។
អតីតកីឡាករជម្រើសជាតិរូបនេះបាននិយាយថា ៖«នៅកម្ពុជាកន្លែងដែលគួរចាប់ផ្តើម។ បទពិសោធលេងរយៈពេល១០ឆ្នាំ និងធ្លាប់ជាកីឡាករបាល់បោះអាជីព ខ្ញុំចង់ចែករំលែកបទពិសោធ និងចំណេះដឹងដល់ក្មេងៗជំនាន់ក្រោយ។ ខ្ញុំចង់ឃើញកីឡាបាល់បោះនៅកម្ពុជារីកចម្រើន»។
សម្រាប់ការចូលការមកបង្ហាត់កីឡាបាល់បោះនៅកម្ពុជាប៉ុន្មានខែនេះ លោក Dominic Dar បានជួយឲ្យក្រុមបាល់បោះរបស់ក្រសួងការជាតិបានឈ្នះមេដាយមាស ក្នុងព្រឹត្តិការណ៍កីឡាជាតិ លើកទី៤ ឆ្នាំ២០២៤ ដែលបានបញ្ចប់កាលពីដើមខែវិច្ឆិកា។
កម្ពុជាមានសហព័ន្ធកីឡាបាល់បោះដែលមានថ្នាក់ដឹកនាំត្រឹមត្រូវជាច្រើនឆ្នាំមកហើយ ប៉ុន្តែមិនសូវមានសកម្មភាពឡើយ។ លោក Dominic Dar សង្ឃឹមថា មានសកម្មភាពកីឡាបាល់បោះច្រើននៅក្នុងប្រទេសកម្ពុជា ជាពិសេសចង់ឃើញមានការប្រកួតបាល់បោះលក្ខណៈលីគអាជីព។
កាលពីឆ្នាំ២០២៣ Dominic Dar ត្រូវបានកោះហៅចូលរួមក្រុមបាល់បោះជម្រើសជាតិកម្ពុជា សម្រាប់ការចូលរួមប្រកួតកីឡាស៊ីហ្គេមដែលកម្ពុជាម្ចាស់ផ្ទះជាពេលក្រុមបាល់បោះកម្ពុជាបានបង្កើតកំណត់ត្រាជាលើកដំបូងដោយបានឈ្នះមេដាយមាស លើវិញ្ញាសា ៣ទល់៣ និងឈ្នះមេដាយប្រាក់ លើវិញ្ញាសា ៥ទល់៥។
លោក Anthony Dar ត្រូវបានកោះហៅចូលរួមក្នុងក្រុមបាល់បោះជម្រើសជាតិកម្ពុជាដំបូងតាំងពីឆ្នាំ២០១៣ដើម្បីចូលរួមប្រកួតកីឡាស៊ីហ្គេមនៅប្រទេសមីយ៉ាន់ម៉ា និងចុងក្រោយ ត្រូវបានកោះហៅនៅឆ្នាំ២០២៣ ដូច្នេះជាពេលវេលា១០ឆ្នាំដែលរូបគេចូលរួមជាមួយក្រុមបាល់បោះកម្ពុជា៕
អត្ថបទ៖ វីរបុត្រ
The post អតីតកីឡាករបាល់បោះដ៏ឆ្នើម Dominic Dar កំពុងបង្ហាត់បាល់បោះស្ងាត់ៗនៅកម្ពុជា appeared first on Kampuchea Thmey Daily.
