ហ្វីលីពីន ប្រាប់ថាត្រៀមចុះកិច្ចព្រមព្រៀងកងទ័ពជាមួយកាណាដា
ហ្វីលីពីន និងកាណាដា គ្រោងនឹងចុះហត្ថលេខាលើកិច្ចព្រមព្រៀងកងទ័ព Status of Visiting Forces Agreement (SOVFA) ក្នុងគោលបំណង... The post ហ្វីលីពីន ប្រាប់ថាត្រៀមចុះកិច្ចព្រមព្រៀងកងទ័ពជាមួយកាណាដា appeared first on Kampuchea Thmey Daily.
ហ្វីលីពីន និងកាណាដា គ្រោងនឹងចុះហត្ថលេខាលើកិច្ចព្រមព្រៀងកងទ័ព Status of Visiting Forces Agreement (SOVFA) ក្នុងគោលបំណងពង្រឹងកិច្ចសហប្រតិបត្តិការការពារជាតិ និងសន្តិសុខរវាងប្រទេសទាំងពីរ។
ក្រសួងការពារជាតិហ្វីលីពីន បាននិយាយនៅក្នុងសេចក្តីថ្លែងការណ៍មួយកាលពីថ្ងៃទី៧ខែមីនាថា កិច្ចព្រមព្រៀងនេះនឹងបង្កើតក្របខ័ណ្ឌមួយសម្រាប់ការបង្កើនកិច្ចសហប្រតិបត្តិការយោធា និងការការពារជាតិ ព្រមទាំងការសហការរវាងប្រទេសទាំងពីរ ធ្វើឲ្យប្រសើរឡើងនូវអន្តរប្រតិបត្តិការរវាងកងកម្លាំងរបស់ពួកគេ។
ក្រសួងបានបន្តថា៖ «ហ្វីលីពីនទន្ទឹងរង់ចាំផលប៉ះពាល់ជាវិជ្ជមាននៃកិច្ចព្រមព្រៀង SOVFA ដែលត្រូវបានរំពឹងថានឹងរួមចំណែកដល់សន្តិភាព ស្ថិរភាព និងកិច្ចសហប្រតិបត្តិការនៅក្នុងតំបន់ឥណ្ឌូប៉ាស៊ីហ្វិក» ដោយហៅវាថាជាព្រឹត្តិការណ៍សំខាន់ក្នុងទំនាក់ទំនងការពារជាតិទ្វេភាគី។
ប្រទេសកាណាដា បានគាំទ្រជំហររបស់ហ្វីលីពីននៅក្នុងសមុទ្រចិនខាងត្បូង ដោយគាំទ្រសេចក្តីសម្រេចឆ្នាំ២០១៦របស់តុលាការអាជ្ញាកណ្តាលអចិន្ត្រៃយ៍ ដែលបាននិយាយថា ការទាមទារសមុទ្រចិនខាងត្បូងដ៏ធំរបស់ចិនមិនមានមូលដ្ឋានផ្លូវច្បាប់ទេ។
ចំពេលមានភាពតានតឹងកើនឡើងនៅឥណ្ឌូប៉ាស៊ីហ្វិក ហ្វីលីពីនបានពង្រីកភាពជាដៃគូសន្តិសុខរបស់ខ្លួន ខណៈពេលដែលរក្សាសម្ព័ន្ធភាពយូរអង្វែងជាមួយសម្ព័ន្ធមិត្តសន្ធិសញ្ញាសហរដ្ឋអាមេរិក។
កាលពីខែមុន ហ្វីលីពីនបានបញ្ចប់ការចរចាស្រដៀងគ្នាជាមួយនូវែលសេឡង់ ហើយប្រទេសទាំងពីររំពឹងថានឹងចុះហត្ថលេខាលើកិច្ចព្រមព្រៀងផ្លូវការមួយនៅក្នុងត្រីមាសទីពីរនៃឆ្នាំ២០២៥។
កាលពីឆ្នាំមុន ហ្វីលីពីនបានផ្តល់សច្ចាប័នលើកិច្ចព្រមព្រៀងការពារគ្នាទៅវិញទៅមកជាមួយប្រទេសជប៉ុន ដែលជាកិច្ចព្រមព្រៀងដំបូងគេដែលទីក្រុងតូក្យូបានចុះហត្ថលេខានៅតំបន់អាស៊ី ដែលនឹងអនុញ្ញាតឲ្យយោធារបស់ពួកគេដាក់ពង្រាយនៅលើទឹកដីគ្នាទៅវិញទៅមក៕
ដោយ៖ ឈាង
The post ហ្វីលីពីន ប្រាប់ថាត្រៀមចុះកិច្ចព្រមព្រៀងកងទ័ពជាមួយកាណាដា appeared first on Kampuchea Thmey Daily.
