សុខ ធី មកខ្មែរវិញជិត២ឆ្នាំនេះទទួលជោគជ័យឈ្នះពាន ខ្សែក្រវាត់ ប៉ុន្តែនៅរឿងមួយនេះ…
អ្នកប្រដាល់មកពីជាយដែន សុខ ធី ថាការវិលមកកាន់កម្ពុជាវិញរយៈពេលជិត ២ឆ្នាំមកនេះទទួល The post សុខ ធី មកខ្មែរវិញជិត២ឆ្នាំនេះទទួលជោគជ័យឈ្នះពាន ខ្សែក្រវាត់ ប៉ុន្តែនៅរឿងមួយនេះ… appeared first on Kampuchea Thmey Daily.
អ្នកប្រដាល់មកពីជាយដែន សុខ ធី ថាការវិលមកកាន់កម្ពុជាវិញរយៈពេលជិត ២ឆ្នាំមកនេះទទួលបានភាពជោគជ័យ ឈ្នះពាន ឈ្នះខ្សែក្រវាត់ ប៉ុន្តែមិនទាន់សម្រេចបំណងធំចង់មានផ្ទះមួយនៅភ្នំពេញជូនប្រពន្ធ។
សុខ ធី និងគ្រួសារ
កីឡាករ សុខ ធី បានឲ្យដឹងថា រយៈពេលជិត ២ឆ្នាំមកនេះរូបគេទទួលបានភាពជោគជ័យច្រើនទាំងប្រជាប្រិយភាពពីអ្នកគាំទ្រ និងជីវភាពរស់នៅប្រចាំថ្ងៃ។ ពោលគិតមកដល់ពេលនេះរូបគេឈ្នះពានរង្វាន់ ១គ្រឿង និងខ្សែក្រវាត់ ២គ្រឿង នេះមិនបូកខ្សែក្រវាត់ពីមុន។
អ្នកប្រដាល់មកពីខេត្តបន្ទាយមានជ័យរូបនេះបន្ថែមទៀតថា ប្រជាប្រិយភាពមានអ្នកគាំទ្រច្រើនដែលស្រឡាញ់ចូលចិត្តមិនថាប្រកួតនៅទីណានោះឡើយតែងតែមានអ្នកមកស្វាគមន៍ និងជជែកសុំថតរូបជាមួយ។
សុខ ធី ពេលកំពុងហាត់
ងាកមកជីវភាពប្រចាំថ្ងៃវិញ សុខ ធី ទទួលបានប្រាក់កម្រៃក៏ច្រើនពីការប្រកួតផងដែរ ពោលបើមួយខែវាយ ២ដងអាចរកបានចន្លោះ ៣,០០០-៤,០០០ដុល្លារ។ បើគិតពីថវិកាដែលភរិយាសន្សំមកបានខ្ទង់ម៉ឺនដុល្លារផងដែរ។ ដូច្នេះហើយការរស់នៅប្រចាំថ្ងៃគឺសមរម្យមិនជួបបញ្ហាខ្វះខាតនោះឡើយ។
កូនប្រុស សុខ ធី
សុខ ធី ថាសមិទ្ធផលផ្សេងៗខាងលើនេះក៏មិនទាន់ជាជោគជ័យខ្លាំងនោះដែរ។ បំណងធំរបស់ខ្លួនមួយទៀតនោះគឺចង់បានផ្ទះមួយនៅរាជធានីភ្នំពេញជូនប្រពន្ធ។ សម្ដី សុខ ធី៖ «ពេលខ្ញុំរត់ហាត់តាមផ្លូវ ប្រពន្ធខ្ញុំជិះតាមពីក្រោយហើយពេលឃើញផ្ទះលក់គឺគាត់ចង់បាន និងឲ្យខ្ញុំខលសួរគេរហូត»។
សុខ ធី និងកូនប្រុស
បញ្ជាក់ដែរថា សុខ ធី ប្រមាណពីរឆ្នាំមកនេះរូបគេបានវិលមករស់នៅកម្ពុជាវិញ និងបានចូលហ្វឹកហាត់ជាមួយលោក ស្រី ចាន់ថន ក្លឹបប្រដាល់ KKIF។ បច្ចុប្បន្ននេះរូបគេមានតម្លៃខ្លួនក្នុងមួយប្រកួតបានចន្លោះ ១,៥០០-២,០០០ដុល្លារ។ ថ្មីៗនេះរូបគេទើបទិញរថយន្ត ១គ្រឿងផងដែរ។ សុខ ធី ជាជើងខ្លាំងមួយរូបប្រចាំទម្ងន់ ៦០គីឡូក្រាមនៅកម្ពុជា។ អ្នកលេងគុនខ្មែររូបនេះកំពុងរស់នៅជាមួយភរិយា និងកូន២នាក់ ក្នុងខុនដូរមួយកន្លែងដែលផ្ដល់ដោយលោក ស្រី ចាន់ថន៕
រូបភាពលើហ្វេសបុក សុខ ធី
អត្ថបទដោយ៖ នួន ស៊ីណា
The post សុខ ធី មកខ្មែរវិញជិត២ឆ្នាំនេះទទួលជោគជ័យឈ្នះពាន ខ្សែក្រវាត់ ប៉ុន្តែនៅរឿងមួយនេះ… appeared first on Kampuchea Thmey Daily.
