មកដើរលេងសង្ក្រាន្ត យកម៉ូតូទៅផ្ញើ ខណៈចេញមកវិញបាត់ម៉ូតូ ផ្អើលអ្នកទទួលផ្ញើរត់បាត់ស្រមោល

មកដើរលេងសង្ក្រាន្ត យកម៉ូតូទៅផ្ញើ ខណៈចេញមកវិញបាត់ម៉ូតូ ផ្អើលអ្នកទទួលផ្ញើរត់បាត់ស្រមោល... The post មកដើរលេងសង្ក្រាន្ត យកម៉ូតូទៅផ្ញើ ខណៈចេញមកវិញបាត់ម៉ូតូ ផ្អើលអ្នកទទួលផ្ញើរត់បាត់ស្រមោល appeared first on Kampuchea Thmey Daily.

ព័ត៌មាន មីនា 22, 2025 បន្ថែមចូលក្នុងបញ្ជីរអាន

យុវជនម្នាក់ មកដើរលេងសង្ក្រាន្ត ខំទុកចិត្តអ្នកទទួលផ្ញើម៉ូតូ តែពេលចេញមកវិញបាត់ម៉ូតូ បែរជាអ្នកទទួលផ្ញើរត់បាតជើងសព្រាត។

ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង ១១ និង ៣០ នាទីយប់ ថ្ងៃទី ២២ ខែមីនា ឆ្នាំ ២០២៥ នៅតាមបណ្តោយមហាវិថីសហព័ន្ធរុស្សី សង្កាត់ទឹកថ្លា ខណ្ឌសែនសុខ រាជធានីភ្នំពេញ។

បើតាមការបញ្ជាក់ពីយុវជនរងគ្រោះបានប្រាប់ឲ្យដឹងថា មុនកើតហេតុគាត់បានជិះម៉ូតូមួយគ្រឿង ម៉ាក ហុងដាឌ្រីម ឆ្នាំ ២០១៣ ឡើងស៊េរី ឆ្នាំ ២០២២ ចេញពីផ្ទះគោលបំណងចូលទៅលេងសង្ក្រាន្តនៅខាងក្នុងសាកលវិទ្យាល័យ NTTI ដោយបានយកផ្ញើនៅលើផ្លូវសាធារណៈ និងមានបុរសម្នាក់ អះអាងថាខ្លួនជាអ្នកទទួលផ្ញើម៉ូតូ និងបានទារលុយក្នុងម៉ូតូមួយតម្លៃ ៥ ០០០ រៀល។ ភ្លាមៗ នោះ យុវជនរងគ្រោះបានកិបសំបុត្ររួច បានដើរចូលទៅលេងសង្ក្រាន្តបាត់ទៅ។ ខណៈពេលប្រហែលជាង ១៥ នាទីក្រោយមក យុវជនខាងលើបានចេញមកក្រៅវិញ ដើម្បីយកម៉ូតូត្រឡប់ទៅផ្ទះវិញ ប៉ុន្តែបែរជារកម៉ូតូមិនឃើញ ធ្វើឲ្យមានការឆោរឡោដល់អ្នកទទួលផ្ញើម៉ូតូ ឆ្លៀតឃើញឱកាសល្អមិនមានអ្នកចាប់អារម្មណ៍មុខខ្លួនច្បាស់ ក៏បានរត់បាត់ស្រមោល បន្សល់ម៉ូតូរបស់ខ្លួនមួយគ្រឿង ម៉ាក ហុងដាឌ្រីម ឆ្នាំ ២០២៤ ពាក់ស្លាកលេខ ភ្នំពេញ 1KT-1219 នៅកន្លែងកើតហេតុ។