ពលរដ្ឋនៅស្រុកស្ទឹងត្រង់ សម្រុកដាំដុះដំណាំទុរេន បង្កើនពង្រីកផ្ទៃដីដាំដុះរាប់រយហិកតា
ពលរដ្ឋក្នុងស្រុកស្ទឹងត្រែង ក្នុងខេត្តកំពង់ចាមបង្កើនផ្ទៃដីដាំដុះដំណាំទុរេន...... The post ពលរដ្ឋនៅស្រុកស្ទឹងត្រង់ សម្រុកដាំដុះដំណាំទុរេន បង្កើនពង្រីកផ្ទៃដីដាំដុះរាប់រយហិកតា appeared first on Kampuchea Thmey Daily.
ពលរដ្ឋក្នុងស្រុកស្ទឹងត្រែង ក្នុងខេត្តកំពង់ចាមបង្កើនផ្ទៃដីដាំដុះដំណាំទុរេន ស្របពេលដំំណាំសេដ្ឋកិច្ចដ៏សំខាន់នេះ បានក្លាយជាមុខព្រួយជំរុញការនាំចេញបន្ថែមពីការផ្គត់ផ្គង់ទីផ្សារក្នុងស្រុក។
លោក បាន ស្រង អភិបាលស្រុកស្ទឹងត្រង់ ខេត្តកំពង់ចាមបានឲ្យដឹងថា បច្ចុប្បន្នទូទាំងស្រុកស្ទឹងត្រង់ មានផ្ទៃដីដាំដុះដំណាំទុរេនប្រមាណជាង ២ ពាន់ហិកតា ខណៈឆ្នាំក្រោយគ្រោងពង្រីកផ្ទៃដីដាំដុះបន្ថែមទៀតរហូតដល់ ២៥០០ ហិកតា។
ខណៈដែលដំណាំកៅស៊ូជាដំណាំយុទ្ធសាស្ត្រដ៏សំខាន់ ទុរេនបានក្លាយជាដំណាំសេដ្ឋកិច្ចដ៏មានសក្តានុពលថ្មីរបស់ពលរដ្ឋនៅស្រុកស្ទឹងត្រង់ ស្របពេលស្រុកស្ទឹងត្រង់មានភូមិសាស្រ្តអំណោយផលដាំដុះដំណំាមួយនេះ។
អ្នកស្រី ផាត ផាន់នី កសិកររស់នៅភូមិបែកអន្លូង ស្រុកស្ទឹងត្រង់ដែលបានដាំដុះដំណាំទូរេនលើផ្ទៃដីជាង ៤ ហិកតាបានឲ្យដឹងថា ដំណាំទុរេនដែលអ្នកស្រីដាំឆ្នាំនេះប្រមូលផលបានច្រើនជាងឆ្នាំមុន។ យ៉ាងណាមិញ តម្លៃហាក់មានការធ្លាក់ចុះបន្តិចបើធៀបឆ្នាំមុន។
អ្នកស្រីបាបង្ហើបពីចំណូលពីការប្រមូលផលទុរេនក្នុងមួយឆ្នាំៗបានប្រមាណជាង ១០ ម៉ឺនដុល្លារ ដែលអាចនិយាយថាជាដំណាំដែលអាចកើបចំណូលបានក្រាស់ក្រែងបើធៀបដំណាំផ្សេងទៀត។
ដោយសារមើលឃើញពីតម្លៃសេដ្ឋកិច្ចខ្ពស់ អ្នកស្រីគ្រោងពង្រីកផ្ទៃដីដាំដុះបន្ថែមប្រមាណ ៨ ហិកតានៅឆ្នាំក្រោយ។
មិនខុសគ្នានេះដែរ លោក ស៊ីវ ថា ម្ចាស់ចម្ការទុរេនដ៏ធំនៅស្រុកស្ទឹងត្រង់បានឲ្យដឹងថា ដំណាំទុរេនចាយទុនច្រើនបន្តិច ប៉ុន្តែទទួលបានផលនិងចំណូលឆ្លើយតបការចំណាយ។
លោកលើកទឹកចិត្តដល់ពលរដ្ឋដែលមានលទ្ធភាព គួរងាកមកដាំដុះដំណាំទុរេន ស្របពេលដែលរដ្ឋាភិបាលក៏កំពុងជំរុញការនាំចេញស្តេចផ្លែឈើនេះទៅក្រៅប្រទេសជាពិសេសទីផ្សារប្រទេសចិន។
លោក ពុយ គា ប្រធានក្លិបអ្នកកាសែតកម្ពុជាដែលបានដឹកនាំក្រុមអ្នកសារព័ត៌មានប្រមាណជាង ២០ ស្ថាប័នចុះផ្សព្វផ្សាយពីសក្ដានុពលវិស័យកសិកម្មក្នុងខេត្តកំពង់ចាមបានថ្លែងថា តាមព័ត៌មានដែលលោកទទួលបាននៅរដូវប្រមូលផលទុរេនឆ្នាំនេះ ខេត្តកំពង់ចាមទទួលបានទេសចរមកកម្សាន្តរហូតដល់ស្ទះចរាចរណ៍។
លោកថា ខេត្តកំពង់ចាមក្រៅពីល្បីដំណាំកៅស៊ូជាយូរមកហើយនោះ ឥលូវនេះពលរដ្ឋចាប់ផ្ដើមស្គាល់ខេត្តជាប់ដងទន្លេនេះតាមរយៈដំណាំទុរេនបន្ថែមទៀត។
លោកមើលឃើញថា ដំណាំទុរេនជាដំណាំដែលនឹងទ្រទ្រង់ដល់ការអភិវឌ្ឍសេដ្ឋកិច្ចសម្រាប់ពលរដ្ឋក្នុងមូលដ្ឋាន និងជាគោលដៅទេសចរណ៍ថ្មីសម្រាប់ទាក់ទាញទេសចរមកកម្សាន្ត៕
The post ពលរដ្ឋនៅស្រុកស្ទឹងត្រង់ សម្រុកដាំដុះដំណាំទុរេន បង្កើនពង្រីកផ្ទៃដីដាំដុះរាប់រយហិកតា appeared first on Kampuchea Thmey Daily.
