ប្រើពេលជាង៤ឆ្នាំ ពេជ្រ សម្បត្តិ ឈ្នះខ្សែក្រវាត់៩ខ្សែ ត្រៀមប៉ះ សុខ ធី ក្នុងជំនួបធំ

ពេជ្រ សម្បត្តិ បានកំពុងក្លាយជាកីឡាករប្រដាល់គុនខ្មែរទទួលបានជោគជ័យបំផុតក្នុងចំណោមកីឡាករគុនខ្មែរទម្ងន់៦០គក The post ប្រើពេលជាង៤ឆ្នាំ ពេជ្រ សម្បត្តិ ឈ្នះខ្សែក្រវាត់៩ខ្សែ ត្រៀមប៉ះ សុខ ធី ក្នុងជំនួបធំ appeared first on Kampuchea Thmey Daily.

ព័ត៌មាន មិថុនា 16, 2025 បន្ថែមចូលក្នុងបញ្ជីរអាន

ប្រើពេលជាង៤ឆ្នាំ ពេជ្រ សម្បត្តិ ឈ្នះខ្សែក្រវាត់៩ខ្សែ ត្រៀមប៉ះ សុខ ធី ក្នុងជំនួបធំ

អ្នកលេងគុនខ្មែរក្របីព្រៃ ពេជ្រ សម្បត្តិ បានកំពុងក្លាយជាកីឡាករប្រដាល់គុនខ្មែរទទួលបានជោគជ័យបំផុតក្នុងចំណោមកីឡាករគុនខ្មែរទម្ងន់៦០គីឡូក្រាមនាពេលបច្ចុប្បន្ន។

ចូលប្រឡូកក្នុងអាជីពប្រដាល់ទើបបានប្រមាណ៥ឆ្នាំប៉ុណ្ណោះ ពេជ្រ សម្បត្តិ សាងកេរ្តិ៍ឈ្មោះ និងសមិទ្ធផលជាច្រើនក្នុងអាជីពរបស់ខ្លួន។ បើនិយាយពីកេរ្តិ៍ឈ្មោះគឺរូបគេមិនត្រឹមតែត្រូវបានអ្នកគាំទ្រចាប់អារម្មណ៍ទូទាំងប្រទេសនោះទេ ប៉ុន្តែមានល្បីល្បាញទៅកាន់ក្រៅប្រទេសថែមទៀត។ ភាពល្បីល្បាញរបស់កីឡាកររូបនេះតាមរយៈការប្រកួតមិនចេះញញើតដៃគូ សម្រុកដើរចូលវ៉ៃយ៉ាងអង់អាច និងភាពធន់រឹងមាំទាំងកម្លាំងកាយថែមទៀត។

ចំពោះសមិទ្ធផលវិញ ពេជ្រ សម្បត្តិ ទទួលបានជោគជ័យលើសពីការរំពឹងទុក។ រូបគេក្រសោបបានស្នាដៃជាច្រើនក្នុងនោះ ឈ្នះខ្សែក្រវាត់ចំនួន៩ខ្សែ ពានរង្វាន់ រថយន្ត មេដាយមាសថ្នាក់ជាតិ និងប្រាក់រង្វាន់យ៉ាងច្រើនសន្ធឹកសន្ធាប់។ ទាំងនេះហើយបានលើកស្ទួយជីវភាពគ្រួសារកាន់តែល្អប្រសើរទាំងការកសាងផ្ទះ និងសម្ភារប្រើប្រាស់។

ពេជ្រ សម្បត្តិ ត្រូវបានផ្គូផ្គងឲ្យជើងខ្លាំងពូកែបច្ចេកទេស សុខ ធី នាថ្ងៃទី២៨ ខែមិថុនា ឆ្នាំ២០២៥។ ជំនួបនេះត្រូវបានចាត់ទុកជាការប្រកួតដ៏ធំរវាងកីឡាករខ្មែរ និងកីឡាករខ្មែរដែលអ្នកគាំទ្រទន្ទឹងរង់ចាំមើល។

សុខ ធី បានសាងកេរ្តិ៍ឈ្មោះល្បីល្បាញទាំងក្នុងស្រុក និងក្រៅប្រទេស ហើយរូបគេមានបទពិសោធច្រើនឆ្នាំជាង ពេជ្រ សម្បត្តិ។ ផ្តើមចេញពីភាពល្បីល្បាញនៅប្រទេសថៃ សុខ ធី បានវិលត្រឡប់មកកាន់ប្រទេសកំណើតវិញកាលពីឆ្នាំ២០១៨ ដែលជាពេលវវេលារូបគេបានឈ្នះខ្សែក្រវាត់ជាលើកដំបូង។ បន្ទាប់មក រូបគេបានត្រឡប់ទៅប្រទេសថៃវិញ មុនពេលត្រឡប់មកកម្ពុជាក្រោយវិបត្តិកូវីដ-១៩បានស្ងប់ស្ងាត់។

ការត្រឡប់មកកាន់ប្រទេសកំណើតវិញជាលើកទី២ សុខ ធី ទទួលបានឱកាសប្រកួតជាញឹកញាប់ និងឈ្នះខ្សែក្រវាត់-ពានរង្វាន់ចំនួន៣បន្ថែមទៀត។ កីឡាកររូបនេះល្បីខាងមានបច្ចេកទេសល្អ គោលជំហរល្អ និងមានអាវុធគ្រប់គ្រឿង។

សមិទ្ធផលសំខាន់ៗ របស់ ពេជ្រ សម្បត្តិ